قازاقستان رەسپۋبليكاسى مادەنيەت جانە سپورت مينيسترلىگىنىڭ بۇيرىعى №40 2015 جىلعى 22 جەلتوقسان 6 استانا قالاسى

  مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگىن جۇرگىزۋ قاعيدالارىن بەكىتۋ تۋرالى «قازاقستان رەسپۋبليكاسىنداعى مەملەكەتتىك الەۋمەتتىك تاپسىرىس, ۇكىمەتتىك ەمەس ۇيىمدارعا ارنالعان گرانتتار جانە سىيلىقاقىلار تۋرالى» قازاقستان رەسپۋبليكاسىنىڭ 2015 جىلعى 12 ساۋىردەگى زاڭىنىڭ 4-1-بابىنىڭ 3) تارماقشاسىنا سايكەس بۇيىرامىن: 1. قوسا بەرىلىپ وتىرعان مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگىن جۇرگىزۋ قاعيدالارى بەكىتىلسىن. 2. قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە زاڭنامامەن بەلگىلەنگەن تارتىپتە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن ەلەكتروندىق تاسىمالداعىشتا ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ, قازاقستان رەسپۋبليكاسى ءنورماتيۆتى قۇقىقتىق اكتىلەرىنىڭ ەتالوندى باقىلاۋ بانكىنە ەنگىزۋ ءۇشىن ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ وسى بۇيرىققا قول قويۋعا ۋاكىلەتتى تۇلعانىڭ ەلەكتروندىق تسيفرلىق قولتاڭباسىمەن كۋالاندىرىلعان ەلەكتروندىق تۇردەگى وسى بۇيرىقتىڭ كوشىرمەلەرىن جولداۋدى; 3) وسى بۇيرىقتى قازاقستان رەسپۋبليكاسى مادەنيەت جانە سپورت مينيسترلىگىنىڭ ينتەرنەت-رەسۋرسىندا ورنالاستىرىلۋىن; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە وسى تارماقتىڭ 1), 2) جانە 3) تارماقشالارىمەن كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى مادەنيەت جانە سپورت مينيسترلىگىنىڭ زاڭ قىزمەتى دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ مادەنيەت جانە سپورت ۆيتسە-مينيسترىنە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى مادەنيەت جانە سپورت ءمينيسترى ا.مۇحامەدي ۇلى قازاقستان رەسپۋبليكاسى مادەنيەت جانە سپورت ءمينيسترىنىڭ 2015 جىلعى 22 جەلتوقسانداعى №406 بۇيرىعىمەن بەكىتىلگەن مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگىن جۇرگىزۋ قاعيدالارى 1. جالپى ەرەجەلەر 1. وسى مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگىن جۇرگىزۋ قاعيدالارى (بۇدان ءارى - قاعيدالار) ۇكىمەتتىك ەمەس ۇيىمدارمەن ءوزارا ءىس-قيمىل سالاسىنداعى ۋاكىلەتتى ورگاننىڭ (بۇدان ءارى - ۋاكىلەتتى ورگان) مەملەكەتتىك الەۋمەتتىك تاپسىرىستى ىسكە اسىرۋ جونىندەگى مەملەكەتتىك ورگانداردىڭ قىزمەتىنە مونيتورينگتى جۇرگىزۋ ءتارتىبىن انىقتايدى. 2. مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگى الەۋمەتتىك باعدارلامالاردى, الەۋمەتتىك جوبالاردى ءتيىمدى جۇزەگە اسىرۋدى قامتاماسىز ەتۋ بويىنشا ۋاقىتىلى جانە ساپالى ءىس-شارالار قابىلداۋ ماقساتىندا جۇرگىزىلەدى. 2. مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگىن جۇرگىزۋ ءتارتىبى 3. مەملەكەتتىك الەۋمەتتىك تاپسىرىستىڭ ىسكە اسىرىلۋ مونيتورينگىن ۋاكىلەتتى ورگان جۇرگىزەدى جانە مەملەكەتتىك ورگاندار ۇسىناتىن اقپاراتتى جيناقتاۋدى, وڭدەۋدى جانە تالداۋدى قامتيدى. 4. مەملەكەتتىك ورگاندار ۋاكىلەتتى ورگانعا جىلسايىن 25 شىلدە جانە 25 جەلتوقسان مەرزىمىنە كەلەسى اقپاراتتى ۇسىنادى: 1) الەۋمەتتىك تاپسىرىس بويىنشا جۇزەگە اسىرىلاتىن الەۋمەتتىك باعدارلامالار مەن الەۋمەتتىك جوبالاردىڭ قازاقستان رەسپۋبليكاسى پرەزيدەنتى – ۇلت كوشباسشىسى ن.ءا.نازارباەۆتىڭ 2012 جىلعى 14 جەلتوقساندا جاريا­لاعان «قازاقستان-2050 ستراتەگياسى»: قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقى­نا جول­داۋىندا, قازاقستان رەسپۋبليكاسى پرەزيدەنتىنىڭ قازاقستان حالقىنا جىلسايىنعى جولداۋلارىندا, باسقا دا ستراتە­گيالىق قۇجاتتاردا ايقىندالعان مەملەكەتتىك ساياساتتىڭ ستراتەگيالىق ماقساتتارى مەن مىندەتتەرىنە سايكەستىگى تۋرالى; 2) الەۋمەتتىك تاپسىرىس بويىنشا جۇزەگە اسىرىلاتىن الەۋمەتتىك باعدارلامالار مەن الەۋمەتتىك جوبالاردىڭ مەملەكەتتىك ورگانداردىڭ ستراتەگيالىق جوسپار ماقساتىنىڭ ينديكاتورلارى, ايماقتىق دامۋ جوسپارلارىنا سايكەستىگى تۋرالى; 3) مەملەكەتتىك الەۋمەتتىك تاپسىرىس بويىنشا جۇزەگە اسىرىلاتىن الەۋمەتتىك باعدارلامالار, الەۋمەتتىك جوبالار شەڭبەرىندە تۇرعىنداردىڭ ادرەستىك توپتارىنىڭ قامتىلۋى تۋرالى; 4) مەملەكەتتىك الەۋمەتتىك تاپسىرىس شەڭبەرىندە الەۋمەتتىك باعدارلامالار, الەۋمەتتىك جوبالاردى ىسكە اسىرۋعا جوسپارلانعان جانە جۇمسالعان بيۋدجەت قاراجاتىنىڭ كولەمى تۋرالى; 5) مەملەكەتتىك الەۋمەتتىك تاپسىرىس شەڭبەرىندە الەۋمەتتىك باعدارلامالار مەن الەۋمەتتىك جوبالاردى ىسكە اسىرۋعا قاتىستىرىلعان ۇكىمەتتىك ەمەس ۇيىمدار (قىزمەت كورسەتۋ سالاسىنداعى جۇمىس تاجىريبەسى, قىزمەت سالاسى بويىنشا مامانداردىڭ بولۋى, ماتەريالدىق رەسۋرستارىنىڭ بولۋى) تۋرالى; 6) الەۋمەتتىك باعدارلامالار مەن الەۋمەتتىك جوبالاردىڭ ماڭىزدى الەۋمەتتىك سالالاردا ماقساتىنا قول جەتۋىنە (الەۋمەتتىك مىندەتتەردى شەشۋدە ناقتى ناتيجەلەر) ىقپالى تۋرالى. 5. ۋاكىلەتتى ورگان وسى قاعيدانىڭ 4-تارماعىندا كورسەتىلگەندەي اقپاراتتى جيناۋدى جۇرگىزەدى جانە مەملەكەتتىك الەۋمەتتىك تاپسىرىستى جۇزەگە اسىراتىن مەملەكەتتىك ورگاندار تاپسىرعان جيىنتىق اقپارات ارقىلى ارمەنقاراي ولاردى وڭدەۋدى ىسكە اسىرادى. 6. ۋاكىلەتتى ورگاننىڭ وڭدەۋ قورىتىندىسى بويىنشا ۋاكىلەتتى ورگان مەملەكەتتىك الەۋمەتتىك تاپسىرىستاردى جۇزەگە اسىرۋدىڭ جالپى ۇردىستەرىن, پروبلەمالىق ماسەلەلەردى ءبولىپ الۋ جولىمەن جيىنتىق اقپارات تالداۋدى جۇرگىزەدى جانە رەسپۋبليكالىق جانە ايماقتىق دەڭگەيدەگى مەملەكەتتىك الەۋمەتتىك تاپسىرىستار شەڭبەرىندە الەۋمەتتىك باعدارلامالاردىڭ, الەۋمەتتىك جوبالاردىڭ ءتيىمدى جۇزەگە اسىرىلۋىن قامتاماسىز ەتۋ جونىندەگى ۇسىنىستاردى جاسايدى. 7. ۋاكىلەتتى ورگان مونيتورينگ قورىتىندىسى بويىنشا مەملەكەتتىك الەۋمەتتىك تاپسىرىستى جۇزەگە اسىرۋ جونىندەگى قورىتىندى اقپاراتتى ازىرلەپ, قازاقستان رەسپۋبليكاسى ۇكىمەتىنە 25 تامىز جانە 25 قاڭتار مەرزىمىنە دەيىن ەنگىزەدى. 8. مەملەكەتتىك ورگاندار مەملەكەتتىك الەۋمەتتىك تاپسىرىستى جوسپارلاۋ جانە جۇزەگە اسىرۋ كەزىندە ۋاكىلەتتى ورگاننىڭ ۇسىنىمدارىن باسشىلىققا الادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 31 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12695 بولىپ ەنگىزىلدى.