2016 جىلعى 5 مامىر, استانا, ۇكىمەت ءۇيى
قازاقستان رەسپۋبليكاسى ورتالىق اتقارۋشى مەملەكەتتىك ورگاندارىنىڭ, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسى مەملەكەتتىك ورگاندارىنىڭ ەۋرازيالىق ەكونوميكالىق كوميسسيامەن ءوزارا ءىس-قيمىل قاعيدالارىن بەكىتۋ تۋرالى
«قازاقستان رەسپۋبليكاسىنىڭ حالىقارالىق شارتتارىنىڭ ورىندالۋى تۋرالى اقپاراتتى دايىنداۋ جانە ونى قازاقستان رەسپۋبليكاسى پرەزيدەنتىنىڭ قاراۋىنا ۇسىنۋ, سونداي-اق قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق ۇيىمدار شەشىمدەرىنىڭ جوبالارىن كەلىسۋ جانە ولاردى ىسكە اسىرۋ, قازاقستان رەسپۋبليكاسى پرەزيدەنتىنىڭ قاتىسۋىمەن وتەتىن قازاقستان رەسپۋبليكاسىنىڭ حالىقارالىق ءىس-شارالارىن دايىنداۋ, قول جەتكىزىلگەن ۋاعدالاستىقتاردى ورىنداۋ, حالىقارالىق سوت ورگاندارىمەن ءوزارا ءىس-قيمىل جانە قازاقستان رەسپۋبليكاسىنىڭ مەملەكەتتىك ورگاندارىنىڭ حالىقارالىق قىزمەتىن ۇيلەستىرۋدى جۇزەگە اسىرۋ ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 12 تامىزداعى № 1037 جارلىعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان قازاقستان رەسپۋبليكاسى ورتالىق اتقارۋشى مەملەكەتتىك ورگاندارىنىڭ, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسى مەملەكەتتىك ورگاندارىنىڭ ەۋرازيالىق ەكونوميكالىق كوميسسيامەن ءوزارا ءىس-قيمىل قاعيدالارى بەكىتىلسىن.
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ
2016 جىلعى 5 مامىرداعى №279 قاۋلىسىمەن بەكىتىلگەن
قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق كوميسسيامەن ءوزارا ءىس-قيمىل قاعيدالارى
1. جالپى ەرەجەلەر
1. وسى قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق كوميسسيامەن ءوزارا ءىس-قيمىل قاعيدالارى (بۇدان ءارى – قاعيدالار) قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ (بۇدان ءارى – مەملەكەتتىك ورگاندار) 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا سايكەس (بۇدان ءارى – ەاەو تۋرالى شارت) قۇرىلعان ەۋرازيالىق ەكونوميكالىق كوميسسيامەن (بۇدان ءارى – كوميسسيا) ءوزارا ءىس-قيمىل ءتارتىبىن ايقىندايدى.
2. مەملەكەتتىك ورگانداردىڭ كوميسسيامەن ءوزارا ءىس-قيمىلى ەاەو تۋرالى شارتقا, جوعارى ەۋرازيالىق ەكونوميكالىق كەڭەستىڭ 2014 جىلعى 23 جەلتوقسانداعى № 98 شەشىمىمەن بەكىتىلگەن كوميسسيانىڭ جۇمىس رەگلامەنتىنە (بۇدان ءارى – كوميسسيا رەگلامەنتى), «قازاقستان رەسپۋبليكاسىنىڭ حالىقارالىق شارتتارىنىڭ ورىندالۋى تۋرالى اقپاراتتى دايىنداۋ جانە ونى قازاقستان رەسپۋبليكاسى پرەزيدەنتىنىڭ قاراۋىنا ۇسىنۋ, سونداي-اق قازاقستان رەسپۋبليكاسى قاتىسۋشىسى بولىپ تابىلاتىن حالىقارالىق ۇيىمدار شەشىمدەرىنىڭ جوبالارىن كەلىسۋ جانە ولاردى ىسكە اسىرۋ, قازاقستان رەسپۋبليكاسى پرەزيدەنتىنىڭ قاتىسۋىمەن وتەتىن قازاقستان رەسپۋبليكاسىنىڭ حالىقارالىق ءىس-شارالارىن دايىنداۋ, قول جەتكىزىلگەن ۋاعدالاستىقتاردى ورىنداۋ, حالىقارالىق سوت ورگاندارىمەن ءوزارا ءىس-قيمىل جانە قازاقستان رەسپۋبليكاسىنىڭ مەملەكەتتىك ورگاندارىنىڭ حالىقارالىق قىزمەتىن ۇيلەستىرۋدى جۇزەگە اسىرۋ ماسەلەلەرى تۋرالى» قازاقستان رەسپۋبليكاسى پرەزيدەنتىنىڭ 2010 جىلعى 12 تامىزداعى № 1037 جارلىعىنا, وسى قاعيدالارعا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە سايكەس جۇزەگە اسىرىلادى.
3. كوميسسيامەن ءوزارا ءىس-قيمىلدى جۇزەگە اسىرۋ كەزىندە مەملەكەتتىك ورگاندار ءوز قۇزىرەتى شەگىندە ءوز قىزمەتىن مىناداي باعىتتار بويىنشا جۇزەگە اسىرادى:
1) كوميسسيانىڭ قاراۋىن تالاپ ەتەتىن ماسەلەلەر بويىنشا قازاقستان تاراپىنىڭ ۇستانىمىن قالىپتاستىرۋ ءۇشىن ۇسىنىستاردى دايىنداۋ جانە كەلىسۋ;
2) كوميسسيا جانىنداعى كونسۋلتاتيۆتىك ورگانداردىڭ, جۇمىس (ساراپتامالىق) توپتارىنىڭ قۇرامىنا ەنگىزۋ ءۇشىن ۋاكىلەتتى وكىلدەردى ايقىنداۋ;
3) ەاەو تۋرالى شارتقا سايكەس كۇشىنە ەنبەگەن كوميسسيا شەشiمدەرiنiڭ كۇشiن جويۋ نەمەسە وزگەرتۋ تۋرالى ۇسىنىستار دايىنداۋ;
4) قازاقستان رەسپۋبليكاسىنىڭ ۇلتتىق ەكونوميكا مينيسترلىگىمەن (بۇدان ءارى – ۋاكىلەتتى ورگان), قازاقستان رەسپۋبليكاسىنىڭ سىرتقى ىستەر مينيسترلىگىمەن كەلىسۋ بويىنشا مۇشە مەملەكەتتەر مەن كوميسسيانىڭ قاتىسۋىمەن حالىقارالىق ءىس-شارالار دايىنداۋ;
5) كوميسسيا شەشىمدەرىنىڭ جوبالارىنا قارجى-ەكونوميكالىق نەگىزدەمە وتكىزۋ;
6) كوميسسيانىڭ قۇزىرەتىنە جاتاتىن وزگە دە ماسەلەلەر:
كوميسسيا شەشىمدەرىنىڭ جوبالارىن مەملەكەتىشىلىك كەلىسۋدى قوسا العاندا, وسى شەشىمدەردىڭ جوبالارى بويىنشا قازاقستان تاراپىنىڭ ۇستانىمىن قالىپتاستىرۋ ءۇشىن ۇسىنىستار دايىنداۋ;
قازاقستان رەسپۋبليكاسىنىڭ ءتيىستى ۇكىمەتتىك جانە ۆەدومستۆوارالىق ۇيلەستىرۋ جانە كەڭەسشى ورگاندارىنىڭ (بۇدان ءارى – كەڭەسشى ورگاندار) وتىرىستارىندا كوميسسيا شەشىمدەرىنىڭ جوبالارىن قاراۋ;
7) وسى قاعيدالاردىڭ 7, 8, 9, 10, 11-تارماقتارىندا بەلگىلەنگەن تارتىپپەن ۋاكىلەتتى ورگانمەن كەلىسىلگەننەن كەيىن, كوميسسيانىڭ سۇراۋ سالۋلارى بويىنشا اقپاراتتاردى, ستاتيستيكالىق دەرەكتەر مەن وزگە دە ماتەريالداردى ديپلوماتيالىق ارنالار ارقىلى ۇسىنۋ;
8) كوميسسيا شەشىمدەرىنىڭ جوبالارىن كەلىسۋ;
9) كونسۋلتاتسيالار وتكىزۋ جانە كوميسسيا قۇزىرەتىنە جاتاتىن ماسەلەلەر بويىنشا كوميسسيا دەپارتامەنتتەرىنىڭ نەمەسە كوميسسيا مۇشەلەرىنىڭ باسشىلىعىمەن وتەتىن كەڭەستەرگە جانە وتىرىستارعا قاتىسۋ;
10) وسى قاعيدالاردىڭ 18, 19-تارماقتارىندا بەلگىلەنگەن تارتىپپەن كوميسسيا قابىلداعان شەشىمدەردى مونيتورينگتەۋ جانە تالداۋ;
11) كوميسسيا وتىرىستارىنىڭ ماتەريالدارىنا بەرىلگەن مەملەكەتتىك ورگاننىڭ رەسمي ۇستانىمىن ۋاكىلەتتى ورگانعا جىبەرۋ;
12) ەاەو تۋرالى شارت جانە (نەمەسە) قازاقستان رەسپۋبليكاسى راتيفيكاتسيالاعان حالىقارالىق شارتتار شەڭبەرىندە ءوزارا ءىس-قيمىلدىڭ وزگە دە نىساندارى.
4. جەكە كاسىپكەرلىك سۋبەكتىلەرىنىڭ مۇددەلەرىن قوزعايتىن كوميسسيا شەشىمدەرىنىڭ جوبالارى ەاەو تۋرالى شارتقا سايكەس رەتتەۋشىلىك ىقپال ەتۋدى باعالاۋ شەڭبەرىندە قازاقستان رەسپۋبليكاسىنىڭ «اتامەكەن» ۇلتتىق كاسىپكەرلەر پالاتاسىمەن (بۇدان ءارى – ۇكپ) كەلىسىلۋگە جاتادى.
5. ۋاكىلەتتى ورگان مەملەكەتتىك ورگانداردىڭ كوميسسيامەن ءوزارا ءىس-قيمىلى بويىنشا قىزمەتىن ۇيلەستىرۋدى, ونىڭ ىشىندە:
1) مۇددەلى مەملەكەتتىك ورگاندارعا كوميسسيانىڭ وتىرىستارىنا بەرىلگەن ماتەريالداردى جىبەرۋ;
2) كوميسسيا وتىرىستارى شەڭبەرىندە قاراۋدى تالاپ ەتەتىن ماسەلەلەر بويىنشا قازاقستان تاراپىنىڭ مۇددەلى مەملەكەتتىك ورگاندارمەن كەلىسىلگەن ۇستانىمدى قالىپتاستىرۋ;
3) مەملەكەتتىك ورگانداردىڭ كوميسسيا شەشىمدەرىنىڭ كۇشىن جويۋ نەمەسە وزگەرتۋ تۋرالى ۇسىنىستارىن كەلىسۋ;
4) كوميسسيا جانىنداعى كونسۋلتاتيۆتىك ورگاندار مەن جۇمىس (ساراپتامالىق) توپتارىنىڭ قۇرامىنا ەنگىزۋ ءۇشىن كوميسسياعا ۋاكىلەتتى وكىلدەر تۋرالى ۇسىنىستار جىبەرۋ;
5) كوميسسيا وتىرىستارىنىڭ ماتەريالدارىنا بەرىلگەن قازاقستان تاراپىنىڭ ۇسىنىستارى مەن ەسكەرتۋلەرىن جىبەرۋ;
6) مەملەكەتتىك ورگانداردىڭ رەسمي ۇسىنىستارىن جانە (نەمەسە) سۇراۋ سالۋلارىن, سونداي-اق كوميسسيانىڭ سۇراۋ سالۋلارىنا بەرگەن جاۋاپتارىن كوميسسياعا جىبەرۋ جولىمەن جۇزەگە اسىرادى.
6. وسى قاعيدالار قازاقستان رەسپۋبليكاسىنىڭ حالىقارالىق شارتتارىنىڭ جوبالارىنا ساراپتاما جۇرگىزۋ ءتارتىبىن رەگلامەنتتەمەيدى.
2. مەملەكەتتىك ورگاندار مەن كوميسسيا اراسىنداعى اقپارات الماسۋ ءتارتىبى
7. قازاقستان رەسپۋبليكاسىنىڭ ۇكىمەتىنە كەلىپ تۇسكەن القا توراعاسىنىڭ نەمەسە كوميسسيا القاسى مۇشەسىنىڭ قولى قويىلعان كوميسسيانىڭ سۇراۋ سالۋلارىن (بۇدان ءارى – كوميسسيانىڭ سۇراۋ سالۋلارى) ەاەو تۋرالى شارتقا 1-قوسىمشانىڭ 8-تارماعىنا سايكەس قازاقستان رەسپۋبليكاسى پرەمەر-ءمينيسترىنىڭ كەڭسەسى باسقارۋ سالالارىنا سايكەس مەملەكەتتىك ورگاندارعا, سونداي-اق ۇكپ-عا كەلىپ تۇسكەن كۇنىنەن باستاپ 5 (بەس) جۇمىس كۇنى ىشىندە جولدايدى.
كوميسسيانىڭ سۇراۋ سالۋلارىنا بەرىلگەن جاۋاپتار تۇسكەن كۇنىنەن باستاپ 7 (جەتى) جۇمىس كۇنى ىشىندە ۋاكىلەتتى ورگانعا جىبەرىلەدى.
مەملەكەتتىك ورگاننىڭ رەسمي ۇسىنىسى جانە (نەمەسە) سۇراۋ سالۋلارى ۋاكىلەتتى ورگانعا جىبەرىلەدى.
ۋاكىلەتتى ورگان كوميسسياعا جىبەرىلەتىن مەملەكەتتىك ورگاننىڭ رەسمي ۇسىنىسىن جانە (نەمەسە) سۇراۋ سالۋلارىن, سونداي-اق كوميسسيانىڭ سۇراۋ سالۋلارىنا بەرىلگەن جاۋاپتاردى ءوز قۇزىرەتى شەگىندە حالىقارالىق شارتتارعا جانە ەۋرازيالىق ەكونوميكالىق وداق (بۇدان ءارى – ەاەو) قۇقىعىن قۇرايتىن اكتىلەرگە, قازاقستان رەسپۋبليكاسىنىڭ زاڭناماسىنا, سونداي-اق قازاقستان رەسپۋبليكاسىنىڭ ەكونوميكالىق مۇددەلەرىنە سايكەستىگى تۇرعىسىنان قارايدى جانە كەلىسكەن جاعدايدا مەملەكەتتىك ورگان حاتىنىڭ تۇپنۇسقاسىن العان كۇننەن باستاپ 5 (بەس) جۇمىس كۇنى ىشىندە قازاقستان رەسپۋبليكاسىنىڭ سىرتقى ىستەر مينيسترلىگىنە جىبەرەدى.
مەملەكەتتىك ورگاننىڭ جولداناتىن ۇسىنىسى جانە (نەمەسە) سۇراۋ سالۋلارى, سونداي-اق كوميسسيانىڭ سۇراۋ سالۋلارىنا بەرىلگەن جاۋاپتار سايكەس كەلمەگەن جاعدايدا ۋاكىلەتتى ورگان حالىقارالىق شارتتارعا جانە ەاەو قۇقىعىن قۇرايتىن اكتىلەرگە, قازاقستان رەسپۋبليكاسىنىڭ زاڭناماسىنا, سونداي-اق قازاقستان رەسپۋبليكاسىنىڭ ەكونوميكالىق مۇددەلەرىنە سايكەسسىزدىگىن كورسەتە وتىرىپ, مەملەكەتتىك ورگان حاتىنىڭ تۇپنۇسقاسى تۇسكەن كۇننەن باستاپ 5 (بەس) جۇمىس كۇنى ىشىندە ءتيىستى ەسكەرتۋلەردى مەملەكەتتىك ورگانعا پىسىقتاۋ ءۇشىن جىبەرىلۋىن قامتاماسىز ەتەدى.
مەملەكەتتىك ورگان ۋاكىلەتتى ورگاننان كەلىپ تۇسكەننەن باستاپ 3 ء(ۇش) جۇمىس كۇنى ىشىندە پىسىقتاۋ قورىتىندىلارى بويىنشا ۋاكىلەتتى ورگان بەرگەن ەسكەرتۋلەرمەن كەلىسكەن جاعدايدا مەملەكەتتىك ورگان رەسمي ۇسىنىستى جانە (نەمەسە) سۇراۋ سالۋدى, سونداي-اق كوميسسيانىڭ سۇراۋ سالۋلارىنا بەرىلگەن جاۋاپتاردى ۋاكىلەتتى ورگانعا قايتالاپ ەنگىزەدى.
مەملەكەتتىك ورگان ۋاكىلەتتى ورگان بەرگەن ەسكەرتۋلەرمەن كەلىسپەگەن جاعدايدا مەملەكەتتىك ورگان بۇل ماسەلەنى وسى قاعيدالاردىڭ 28-تارماعىندا بەلگىلەنگەن تارتىپپەن قاراۋدى قامتاماسىز ەتەدى.
8. قازاقستان رەسپۋبليكاسىنىڭ سىرتقى ىستەر مينيسترلىگى ۋاكىلەتتى ورگاننان ءتيىستى رەسمي ۇسىنىستى جانە (نەمەسە) سۇراۋ سالۋدى كوميسسيا مەكەنجايىنا قايتا جىبەرۋ تۋرالى ۇسىنىسى بار ىلەسپە حاتتىڭ تۇپنۇسقاسىن العان كۇننەن باستاپ 5 (بەس) جۇمىس كۇنى ىشىندە ونىڭ كوميسسياعا ديپلوماتيالىق ارنالار بويىنشا جىبەرىلۋىن قامتاماسىز ەتەدى.
9. مەملەكەتتىك ورگان كوميسسيانىڭ سۇراۋ سالۋىن العان كەزدە, ەگەر قازاقستان رەسپۋبليكاسى راتيفيكاتسيالاعان حالىقارالىق شارتتاردا وزگەشە كوزدەلمەسە, بۇل اقپارات قازاقستان رەسپۋبليكاسىنىڭ زاڭناماسىنا سايكەس مەملەكەتتىك قۇپياعا نەمەسە وزگە دە قورعالاتىن قۇپياعا جاتقىزىلعان مالىمەتتەردى قامتىماعان جاعدايدا, سۇراتىلعان اقپاراتتىڭ ۇسىنىلۋىن قامتاماسىز ەتەدى.
كەلىسىلگەن قازاقستاندىق ۇستانىمدى ازىرلەۋ كەزىندە كەلىسپەۋشىلىكتەر تۋىنداعان جاعدايدا ودان ءارى قاراۋ ءۇشىن كوميسسيانىڭ سۇراۋ سالۋلارىنا جاۋاپ بەرەتىن مەملەكەتتىك ورگان كوميسسيانى قازاقستان تاراپىنىڭ ۇستانىمىن بەلگىلەنگەن مەرزىمدە جولداۋ مۇمكىن ەمەستىگى تۋرالى رەسمي حاباردار ەتۋدى جۇزەگە اسىرادى, سونداي-اق كوميسسيانىڭ سۇراۋ سالۋلارىن العان كۇننەن باستاپ كۇنتىزبەلىك 45 (قىرىق بەس) كۇننەن اسپايتىن ۇستانىم دايىنداۋ مەرزىمى تۋرالى كوميسسيانى حابار ەتەدى.
كوميسسيانى قازاقستان تاراپىنىڭ ۇستانىمىن بەلگىلەنگەن مەرزىمدە جىبەرۋدىڭ مۇمكىن ەمەستىگى تۋرالى رەسمي تۇردە حاباردار ەتۋ ۋاكىلەتتى ورگان ارقىلى جۇزەگە اسىرىلادى. ۋاكىلەتتى ورگان مەملەكەتتىك ورگاننان ءتيىستى سۇراۋ سالۋدى العان كۇننەن باستاپ 3 ء(ۇش) جۇمىس كۇنى ىشىندە ونى وسى قاعيدالاردىڭ 8-تارماعىنا سايكەس كوميسسياعا ودان ءارى جىبەرۋ ءۇشىن قازاقستان رەسپۋبليكاسىنىڭ سىرتقى ىستەر مينيسترلىگىنە جىبەرەدى.
10. ۇسىنىلاتىن اقپاراتتىڭ مازمۇنى مەن كولەمىن مەملەكەتتىك ورگان ءوز قۇزىرەتى شەگىندە ايقىندايدى.
11. مەملەكەتتىك ورگاننىڭ رەسمي ۇسىنىسى جانە (نەمەسە) سۇراۋ سالۋلارى, سونداي-اق كوميسسيانىڭ سۇراۋ سالۋلارىنا بەرىلگەن جاۋاپتار كوميسسياعا ەاەو ورگاندارىنىڭ جۇمىس تىلىندە جىبەرىلەدى.
3. ۋاكىلەتتى ورگاننىڭ مۇددەلى مەملەكەتتىك ورگاندارمەن ءوزارا ءىس-قيمىل ءتارتىبى
12. مەملەكەتتىك ورگاندار ۋاكىلەتتى ورگانمەن ءوزارا ءىس-قيمىل بويىنشا مەملەكەتتىك ورگان باسشىسىنىڭ ورىنباسارى دەڭگەيىنەن تومەن ەمەس جاۋاپتى لاۋازىمدى تۇلعانى ايقىندايدى, سونداي-اق ۋاكىلەتتى ورگانعا ەاەو جۇمىس ىستەۋى ماسەلەلەرى بويىنشا ۋاكىلەتتى ورگانمەن جەدەل حات الماسۋ ءۇشىن مەملەكەتتىك ورگاننىڭ رەسمي ەلەكتروندىق مەكەنجايى مەن باسقا دا بايلانىس اقپاراتىن ۇسىنادى.
13. كوميسسيا القاسى وتىرىستارىنىڭ كۇن ءتارتىبى جانە وعان قوسا بەرىلەتىن ماتەريالداردى, سونداي-اق قازاقستان رەسپۋبليكاسىنىڭ ۇكىمەتىنە تۇسكەن كونسۋلتاتيۆتىك كوميتەتتەر, جۇمىس (ساراپتامالىق) توپتارى وتىرىستارىنىڭ ماتەريالدارىن قازاقستان رەسپۋبليكاسى پرەمەر-ءمينيسترىنىڭ كەڭسەسى باسقارۋ سالالارىنا سايكەس مەملەكەتتىك ورگاندارعا, سونداي-اق ۇكپ-عا تۇسكەن كۇننەن باستاپ 5 (بەس) جۇمىس كۇنى ىشىندە جولدايدى.
14. مەملەكەتتىك ورگان ءوز قۇزىرەتى شەگىندە:
1) كوميسسيا القاسى وتىرىستارىنىڭ كۇن ءتارتىبىن, وعان قوسا بەرىلەتىن ماتەريالداردى قارايدى جانە ولار تۇسكەن كۇننەن باستاپ 8 (سەگىز) جۇمىس كۇنى ىشىندە مەملەكەتتىك ورگاننىڭ رەسمي ۇستانىمىن ۋاكىلەتتى ورگانعا جىبەرەدى.
مەملەكەتتىك ورگاننىڭ رەسمي ۇستانىمى مەملەكەتتىك ورگاننىڭ ەسكەرتۋلەرىن (ۇسىنىستارىن), كوميسسيا شەشىمىن ىسكە اسىرۋدان قازاقستان رەسپۋبليكاسى ءۇشىن ەكونوميكالىق اسەردىڭ سيپاتتاماسى بار كوميسسيا شەشىمدەرىنىڭ جوبالارىنا قارجى-ەكونوميكالىق نەگىزدەمەنى, شەشىمدەردى ىسكە اسىرۋدىڭ قازاقستان رەسپۋبليكاسى بيۋدجەتىنىڭ كىرىستەرى مەن شىعىستارىنا اسەرىن باعالاۋدى, كوميسسيا شەشىمدەرىنىڭ جوباسىن قابىلداۋدىڭ, ىسكە اسىرۋدىڭ وزگە دە سالدارىن باعالاۋدى (زاڭدى جانە جەكە تۇلعالارعا قاتىستى), سونداي-اق قورىتىندىلار مەن كۇتىلەتىن ناتيجەلەردى قامتۋى ءتيىس.
قارجى-ەكونوميكالىق نەگىزدەمە جۇرگىزىلگەن قارجى, ەكونوميكالىق جانە (نەمەسە) ستاتيستيكالىق تالداۋعا نەگىزدەلۋى ءتيىس.
قارجى-ەكونوميكالىق نەگىزدەمەلەردى دايىنداعان كەزدە قازاقستان رەسپۋبليكاسى ءۇشىن, ونىڭ ىشىندە ەكونوميكانىڭ جەكەلەگەن سالالارى ءۇشىن كوميسسيا ۇسىنعان شەشىمنىڭ جوباسىنان بولاتىن وڭ جانە تەرىس اسەرلەردىڭ بولۋىن ەسكەرۋ قاجەت.
بيۋدجەت كىرىستەرى مەن شىعىستارىنىڭ جەكەلەگەن ساناتتارىنىڭ ەسەپتەرىن جۇزەگە اسىرۋ ءۇشىن تولىق دەرەكتەر بولماعان جاعدايدا قارجى-ەكونوميكالىق نەگىزدەمەدە بولجانعان وزگەرىستەردى سالىستىرمالى باعالاۋدى, مەرزىمدەرىن ايقىنداۋدى جانە كوميسسيا شەشىمىنىڭ جوباسى ىسكە اسىرۋ ءۇشىن باعىتتالعان وقيعالاردىڭ بولۋ مۇمكىندىكتەرىن كەلتىرۋگە رۇقسات ەتىلەدى.
رەسمي ۇستانىمدى بەلگىلەنگەن مەرزىمدە جىبەرۋگە كەدەرگى كەلتىرەتىن جاعداياتتار بولعان كەزدە مەملەكەتتىك ورگان بەلگىلەنگەن مەرزىم وتكەنگە دەيىن 1 ء(بىر) جۇمىس كۇنىنەن كەشىكتىرمەي ۋاكىلەتتى ورگاندى ولاردىڭ جىبەرىلۋىنىڭ كەيىنگە قالدىرىلۋى تۋرالى نە ونى ۋاقتىلى قاراۋعا كەدەرگى بولىن وتىرعان سەبەپتەردى كورسەتە وتىرىپ, كوميسسيا القاسىنىڭ وتىرىسى كۇن ءتارتىبىنىڭ ءتيىستى ماسەلەسىن قاراۋدى اۋىستىرۋ قاجەت ەكەنى تۋرالى حاباردار ەتەدى.
ۋاكىلەتتى ورگان كوميسسيا القاسىنىڭ وتىرىسى كۇنىنە دەيىن 6 (التى) كۇننەن كەش تۇسكەن مەملەكەتتىك ورگاننىڭ كوميسسيا القاسى وتىرىسىنىڭ كۇن ءتارتىبى بويىنشا رەسمي ۇستانىمىن ەسكەرمەۋگە قۇقىلى;
2) كوميسسيا القاسىنىڭ جانىنداعى كونسۋلتاتيۆتىك ورگاندار, جۇمىس (ساراپتامالىق) توپتارى وتىرىستارىنىڭ ماتەريالدارىن قارايدى جانە ولار تۇسكەن كۇننەن باستاپ 10 (ون) جۇمىس كۇنى ىشىندە, رەسمي ۇستانىمدى وسى قاعيدالاردىڭ 8-تارماعىنا سايكەس قازاقستان رەسپۋبليكاسىنىڭ سىرتقى ىستەر مينيسترلىگى ارقىلى كەيىننەن كوميسسياعا جىبەرۋ ءۇشىن ۋاكىلەتتى ورگانعا جولدايدى.
15. ۋاكىلەتتى ورگان مەملەكەتتىك ورگان بەرگەن ۇستانىمدى العان كۇننەن باستاپ 5 (بەس) جۇمىس كۇنى ىشىندە كوميسسيا القاسى وتىرىسىنىڭ كۇن ءتارتىبى بويىنشا قورىتىندى ۇستانىمدى قالىپتاستىرۋ جانە ونى كوميسسيا كەڭەسىندەگى قازاقستان رەسپۋبليكاسى وكىلىنىڭ كەلىسىمىمەن وسى قاعيدالاردىڭ 8-تارماعىنا سايكەس كوميسسياعا ودان ءارى جىبەرۋ ءۇشىن قازاقستان رەسپۋبليكاسىنىڭ سىرتقى ىستەر مينيسترلىگىنە جىبەرۋ ماقساتىندا مەملەكەتتىك ورگاننان قوسىمشا پىسىقتالعان ۇستانىمدى سۇراتۋعا قۇقىلى.
16. ۋاكىلەتتى ورگاننىڭ اتىنا جولدانعان, مەملەكەتتىك ورگاننىڭ جاۋاپتى لاۋازىمدى تۇلعاسى قول قويعان كوميسسيا القاسى, كونسۋلتاتيۆتىك ورگاندار, كوميسسيا جانىنداعى جۇمىس (ساراپتامالىق) توپتارى وتىرىستارىنىڭ ماتەريالدارىنا ەسكەرتۋلەر مەن ۇسىنىستار ءتيىستى مەملەكەتتىك ورگاننىڭ رەسمي ۇستانىمى بولىپ تابىلادى.
17. قازاقستان رەسپۋبليكاسىنىڭ ەكونوميكا سالالارى بولىنىسىندەگى الەۋمەتتىك-ەكونوميكالىق كورسەتكىشتەرىنە كوميسسيا قابىلداعان شەشىمدەردىڭ اسەرى مەن ىقپالىن باعالاۋ ماقساتىندا كوميسسيانىڭ وسى اكتىلەرىن ىسكە اسىرۋداعى ىقتيمال تاۋەكەلدەر مەن پەرسپەكتيۆالاردى كورسەتە وتىرىپ, مۇددەلى مەملەكەتتىك ورگاندار قۇزىرەتى شەگىندە كوميسسيانىڭ قابىلدانعان شەشىمدەرىنە مونيتورينگ جانە تالداۋ جۇرگىزۋدى تۇراقتى تۇردە قامتاماسىز ەتەدى.
18. مەملەكەتتىك ورگاندار جارتىجىلدىق نەگىزدە, ەسەپتى كەزەڭنەن كەيىنگى ايدىڭ 10 كۇنىنە دەيىنگى مەرزىمدە كوميسسيانىڭ شەشىمدەرىن تالداۋ جانە مونيتورينگتەۋ ناتيجەلەرىن ەكونوميكا سالالارىنىڭ بولىنىسىندە ۋاكىلەتتى ورگانعا جولدايدى.
مەملەكەتتىك ورگانداردىڭ كوميسسيا شەشىمدەرىن تالداۋى مەن مونيتورينگتەۋ ناتيجەلەرىندە:
1) وسى اكتىلەردىڭ ورىندالۋ بارىسى (كوميسسيانىڭ وسى اكتىلەرىن ىسكە اسىرۋداعى ىقتيمال تاۋەكەلدەر مەن پەرسپەكتيۆالاردى كورسەتە وتىرىپ, قازاقستان رەسپۋبليكاسىنىڭ ەكونوميكا سالالارى بولىنىسىندەگى الەۋمەتتىك-ەكونوميكالىق كورسەتكىشتەرگە اسەرى);
2) ۇلتتىق زاڭنامانى سايكەستىككە كەلتىرۋ بويىنشا جۇمىستاردى جۇرگىزۋ;
3) قاجەت بولعان جاعدايدا كوميسسيانىڭ وسى شەشىمدەرىن جانە (نەمەسە) قازاقستان رەسپۋبليكاسىنىڭ زاڭناماسىن ودان ءارى جەتىلدىرۋ جونىندەگى ۇسىنىستار كورسەتىلەدى.
19. ەگەر تالداۋ جانە مونيتورينگتەۋ بارىسىندا كوميسسيانىڭ قابىلدانعان شەشىمىنىڭ ەكونوميكانىڭ جەكەلەگەن سالالارى بولىنىسىندە ەكونوميكالىق احۋالعا تەرىس اسەر ەتەتىنى نەمەسە پەرسپەكتيۆادا اسەر ەتۋى مۇمكىن ەكەنى انىقتالسا, مۇددەلى مەملەكەتتىك ورگان وسى قاعيدالاردىڭ 20, 21, 22, 23, 24, 25-تارماقتارىندا كوزدەلگەن تارتىپپەن وسىنداي اكتىنى جويۋ نەمەسە وزگەرتۋ تۋرالى ۇسىنىس دايىندايدى.
4. كوميسسيا القاسىنىڭ شەشىمدەرىن جويۋ نەمەسە
وزگەرتۋ تۋرالى ۇسىنىستاردى دايىنداۋ جانە ەنگىزۋ ءتارتىبى
20. ەگەر مەملەكەتتىك ورگاننىڭ پىكىرى بويىنشا كوميسسيا القاسىنىڭ كۇشىنە ەنبەگەن شەشىمىن جويۋ نەمەسە وزگەرتۋ تۋرالى شەشىم قابىلداۋ قاجەت بولعان جاعدايدا مۇددەلى مەملەكەتتىك ورگان ەاەو تۋرالى شارتقا 1-قوسىمشانىڭ 30-تارماعىنا سايكەس مۇنداي شەشىمدى جويۋ نەمەسە وزگەرتۋ تۋرالى ۇسىنىس (بۇدان ءارى – كوميسسيا القاسىنىڭ شەشىمىن جويۋ نەمەسە وزگەرتۋ تۋرالى ۇسىنىس) دايىندايدى.
كوميسسيا القاسىنىڭ شەشىمىن جويۋ نەمەسە وزگەرتۋ تۋرالى ۇسىنىس وسى شەشىمدى ىسكە اسىرۋ ناتيجەسىندە ىقتيمال زالالدىڭ دارەجەسىن باعالاۋدى قوسا العاندا, وسىنداي ۇستانىمنىڭ نەگىزدەمەسىن, سونداي-اق وزگەرىستەر جوباسىن نە كوميسسيا القاسىنىڭ قابىلدانعان شەشىمىن جويۋ تۋرالى شەشىم جوباسىن قامتيدى.
21. كوميسسيا القاسىنىڭ شەشىمىن جويۋ نەمەسە وزگەرتۋ تۋرالى ۇسىنىستى ونى دايىنداعان مەملەكەتتىك ورگان كوميسسيا القاسىنىڭ ءتيىستى شەشىمى جاريالانعان كۇننەن باستاپ 2 (ەكى) جۇمىس كۇنى ىشىندە, ال تاراتىلۋى شەكتەۋلى قۇجاتتارعا جاتاتىن, القا قابىلداعان كوميسسيا شەشىمىنە قاتىستى ونى قابىلداعان كۇننەن باستاپ, بىراق كۇشىنە ەنگەن كۇنىنە دەيىن 7 (جەتى) جۇمىس كۇنىنەن كەشىكتىرمەي, ۋاكىلەتتى ورگانعا, قازاقستان رەسپۋبليكاسىنىڭ سىرتقى ىستەر مينيسترلىگىنە, قازاقستان رەسپۋبليكاسىنىڭ ادىلەت مينيسترلىگىنە جانە قاجەت بولعان جاعدايدا باسقا دا مۇددەلى مەملەكەتتىك ورگاندارعا قاراۋ ءۇشىن جولدايدى.
22. وسى قاعيدالاردىڭ 21-تارماعىندا كورسەتىلگەن مەملەكەتتىك ورگاندار كوميسسيا القاسىنىڭ شەشىمىن جويۋ نەمەسە وزگەرتۋ تۋرالى ۇسىنىستى العان كۇننەن باستاپ 2 (ەكى) جۇمىس كۇنى ىشىندە وسى ۇسىنىستى دايىنداعان مەملەكەتتىك ورگانعا ءوز ۇستانىمىن جولدايدى.
23. ەگەر وسى قاعيدالاردىڭ 22-تارماعىندا كورسەتىلگەن مەرزىم اياقتالعان كۇننەن باستاپ 1 ء(بىر) جۇمىس كۇنى وتكەن سوڭ كوميسسيا القاسىنىڭ شەشىمىن جويۋ نەمەسە وزگەرتۋ تۋرالى ۇسىنىس دايىنداعان مەملەكەتتىك ورگانعا ۋاكىلەتتى ورگاننىڭ, قازاقستان رەسپۋبليكاسى سىرتقى ىستەر مينيسترلىگىنىڭ, قازاقستان رەسپۋبليكاسى ادىلەت مينيسترلىگىنىڭ نەمەسە باسقا دا مۇددەلى مەملەكەتتىك ورگانداردىڭ ۇستانىمى تۇسپەگەن جاعدايدا بۇل ۇسىنىس كەلىسىلگەن دەپ سانالادى.
24. كوميسسيانىڭ شەشىمىن جويۋ نەمەسە وزگەرتۋ تۋرالى ۇسىنىس بارلىق مۇددەلى مەملەكەتتىك ورگاندارمەن كەلىسىلگەن جاعدايدا وسى ۇسىنىستى دايىنداعان مەملەكەتتىك ورگان 2 (ەكى) جۇمىس كۇنى ىشىندە وسى ماسەلە بويىنشا ماتەريالدار جيىنتىعىن (كوميسسيا شەشىمىنىڭ جوباسىن, نەگىزدەمەلەرى بار انىقتامالىق ماتەريالداردى), سونداي-اق كوميسسيا كەڭەسىندەگى قازاقستان رەسپۋبليكاسى وكىلىنىڭ كوميسسيا القاسىنا ءتيىستى ءوتىنىشىنىڭ جوباسىن ۋاكىلەتتى ورگانعا جولدايدى.
ۋاكىلەتتى ورگان وسى تارماقتا كورسەتىلگەن ءتيىستى ماتەريالدار جيىنتىعىن العان كەزدە كوميسسيا كەڭەسىندەگى قازاقستان رەسپۋبليكاسىنىڭ وكىلىنە كوميسسيا القاسىنىڭ شەشىمىن جويۋ نەمەسە وزگەرتۋ ءراسىمىن باستاۋ تۋرالى قابىلدانعان شەشىم جونىندە ۇسىنىس ەنگىزەدى.
ەگەر كوميسسيا القاسى شەشىمىنىڭ كۇشىنە ەنۋ مەرزىمى ەاەو تۋرالى شارتقا 1-قوسىمشانىڭ 16-تارماعىنىڭ ءبىرىنشى ابزاتسىندا بەلگىلەنگەن مەرزىمنەن از بولسا, وسى قاعيدالاردىڭ 20, 21, 22, 23, 24-تارماقتارىندا كوزدەلگەن بارلىق ءىس-ارەكەتتەر بارىنشا قىسقا مەرزىمدە ورىندالادى.
كوميسسيا القاسىنىڭ شەشىمدەرىن جويۋ نەمەسە وزگەرتۋ تۋرالى ۇسىنىستار بويىنشا كەلىسەتىن مەملەكەتتىك ورگاندا نارازىلىقتار بولعان جاعدايدا قاتىناستار وسى قاعيدالاردىڭ 28-تارماعىنا سايكەس رەتتەلەدى.
25. كوميسسيا كەڭەسىندەگى قازاقستان رەسپۋبليكاسىنىڭ وكىلى كوميسسيا القاسىنىڭ شەشىمىن جويۋ نەمەسە وزگەرتۋ ءراسىمىن باستاۋ تۋرالى شەشىم قابىلداعان جاعدايدا, ول كوميسسيا القاسىنا ەاەو تۋرالى شارتقا 1-قوسىمشاعا سايكەس ءتيىستى ۇسىنىستى ەنگىزەدى.
5. كوميسسيا وتىرىستارىندا قاراۋ ءۇشىن قازاقستان تاراپىنىڭ
باستاماشىل ۇسىنىستارىن دايىنداۋ ءتارتىبى
26. مەملەكەتتىك ورگاندار ءوز قۇزىرەتى شەگىندە ءوز باستاماسى بويىنشا جانە (نەمەسە) قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى ۇكىمەتىنىڭ, كوميسسيا كەڭەسىندەگى قازاقستان رەسپۋبليكاسى وكىلىنىڭ تاپسىرمالارىنا سايكەس كوميسسيا وتىرىسىندا قاراۋ ءۇشىن كوميسسيا رەگلامەنتىنە سايكەس باستاماشىل ۇسىنىس دايىنداۋدى جۇزەگە اسىرادى.
27. ۇسىنىستى دايىنداعان مەملەكەتتىك ورگان كوميسسيانىڭ جۇمىس رەگلامەنتىنە سايكەس قۇجاتتار جيىنتىعىن قوسا وتىرىپ, رەسمي ۇستانىمدى جولداۋ ارقىلى ونى مۇددەلى مەملەكەتتىك ورگاندارمەن كەلىسۋدى قامتاماسىز ەتەدى.
ۇسىنىستى كەلىسۋ مەرزىمى مۇددەلى مەملەكەتتىك ورگاندارعا ءتيىستى ۇسىنىس كەلىپ تۇسكەن كۇننەن باستاپ 7 (جەتى) جۇمىس كۇنىنەن اسپايدى.
ۋاكىلەتتى ورگان, قازاقستان رەسپۋبليكاسىنىڭ سىرتقى ىستەر مينيسترلىگى, قازاقستان رەسپۋبليكاسىنىڭ ادىلەت مينيسترلىگى مىندەتتى كەلىسۋشى مەملەكەتتىك ورگاندار بولىپ تابىلادى.
قازاقستان رەسپۋبليكاسىنىڭ سىرتقى ىستەر مينيسترلىگى ەاەو ينستيتۋتسيونالدىق نەگىزىن جانە حالىقارالىق قىزمەتىن قوزعايتىن ماسەلەلەردى كەلىسەدى.
بارلىق مۇددەلى مەملەكەتتىك ورگاندارمەن كەلىسىلگەن جاعدايدا ۇسىنىستى دايىنداعان مەملەكەتتىك ورگان ودان ءارى قازاقستان رەسپۋبليكاسىنىڭ ۇكىمەتى جانىنداعى ەكونوميكالىق ينتەگراتسيا ماسەلەلەرى جونىندەگى كونسۋلتاتيۆتىك-كەڭەسشى ورگاننىڭ (بۇدان ءارى – كونسۋلتاتيۆتىك-كەڭەسشى ورگان) وتىرىسىنا شىعارۋ ءۇشىن ۋاكىلەتتى ورگانعا جىبەرۋدى قامتاماسىز ەتەدى.
ۇسىنىستى دايىنداعان مەملەكەتتىك ورگان ۋاكىلەتتى ورگانعا ەنگىزەتىن ۇسىنىستىڭ, قۇجاتتار جيىنتىعى مەن وزگە دە ماتەريالداردىڭ ءاربىر پاراعىنا ۇسىنىستى ازىرلەۋشى مەملەكەتتىك ورگاننىڭ جاۋاپتى لاۋازىمدى تۇلعاسى مەن ەاەو-نىڭ جۇمىس ىستەۋى ماسەلەلەرى بويىنشا ۋاكىلەتتى ورگانمەن ءوزارا ءىس-قيمىل جاساۋدى جۇرگىزەتىن كەلىسۋشى مەملەكەتتىك ورگاننىڭ تۇلعاسى قول قويۋلارى ءتيىس.
28. قارسىلىقتار بولعان جاعدايدا ۇسىنىستارعا كەلىسۋشى مەملەكەتتىك ورگاننىڭ بلانكىسىندە رەسىمدەلەتىن ەسكەرتۋلەرمەن قوسا بۇرىشتاما قويىلادى, وعان جاۋاپتى لاۋازىمدى تۇلعا قول قويادى جانە كەلىسىلەتىن ۇسىنىسقا (ونىڭ كوشىرمەلەرىنە) قوسا ۇسىنىلادى.
ۇسىنىستار بويىنشا كەلىسپەۋشىلىكتەر بولعان كەزدە ۇسىنىس دايىنداعان مەملەكەتتىك ورگاننىڭ جاۋاپتى لاۋازىمدى تۇلعاسى نە زاڭنامادا بەلگىلەنگەن تارتىپپەن ونى الماستىراتىن ادام حاتتامامەن رەسiمدەلەتىن ءوزارا قولايلى شەشىم ىزدەۋ ماقساتىندا ونى كەلىسۋشى مەملەكەتتىك ورگانداردىڭ جاۋاپتى لاۋازىمدى تۇلعالارىمەن تالقىلاۋدى قامتاماسىز ەتەدى.
تالقىلاۋدىڭ قورىتىندىسى بويىنشا كەلىسپەۋشىلىكتەر جونىندە ءوزارا قولايلى شەشىم ازىرلەۋ مۇمكىن بولماعان جاعدايدا ازىرلەۋشى مەملەكەتتىك ورگان كەلىسۋ كەڭەسىنىڭ حاتتاماسىمەن بىرگە كەلىسپەۋشىلىكتەرى بار ۇسىنىستى ودان ءارى كونسۋلتاتيۆتىك-كەڭەسشى ورگاننىڭ وتىرىسىنا شىعارۋ ءۇشىن ۋاكىلەتتى ورگانعا جىبەرەدى.
ۋاكىلەتتى ورگان مەملەكەتتىك ورگاننىڭ دايىندالعان ۇسىنىسىن كونسۋلتاتيۆتىك-كەڭەسشى ورگاننىڭ وتىرىسىندا قاراۋعا شىعارادى.
29. مۇددەلى مەملەكەتتىك ورگاندارمەن كەلىسىلگەن جانە كونسۋلتاتيۆتىك-كەڭەسشى ورگاننىڭ وتىرىسىندا ماقۇلدانعان ۇسىنىستى دايىنداعان مەملەكەتتىك ورگان ونى وسى قاعيدالاردىڭ 8-تارماعىنا سايكەس قازاقستان رەسپۋبليكاسىنىڭ سىرتقى ىستەر مينيسترلىگى ارقىلى كەيىننەن كوميسسياعا جىبەرۋ ءۇشىن ۋاكىلەتتى ورگانعا جولدايدى.
30. ۋاكىلەتتى ورگان ۇسىنىستى دايىنداعان مەملەكەتتىك ورگاندى جانە كوميسسيا كەڭەسىندەگى قازاقستان رەسپۋبليكاسىنىڭ وكىلىن ۇسىنىستى كوميسسيادا قاراۋ قورىتىندىسى تۋرالى حاباردار ەتەدى.
6. كوميسسيا كەڭەسىندەگى قازاقستان رەسپۋبليكاسى وكىلىنىڭ
قىزمەتىن قامتاماسىز ەتۋ ءتارتىبى
31. كوميسسيا كەڭەسى وتىرىسى كۇن ءتارتىبىنىڭ جوباسى جانە وعان قوسا بەرىلەتىن, كوميسسيا رەگلامەنتىنىڭ 16-تارماعىنا سايكەس كوميسسيا كەڭەسىندەگى قازاقستان رەسپۋبليكاسىنىڭ وكىلىنە كەلىسۋگە تۇسكەن ماتەريالداردى قازاقستان رەسپۋبليكاسى پرەمەر-ءمينيسترىنىڭ كەڭسەسى ۋاكىلەتتى ورگانعا, قازاقستان رەسپۋبليكاسىنىڭ ادىلەت مينيسترلىگىنە, قازاقستان رەسپۋبليكاسىنىڭ سىرتقى ىستەر مينيسترلىگىنە, قازاقستان رەسپۋبليكاسىنىڭ قارجى مينيسترلىگىنە, قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگىنە, سونداي-اق ولاردىڭ باسقارۋ سالالارىنا سايكەس وزگە مەملەكەتتىك ورگاندارعا جانە ۇكپ-عا تۇسكەن كۇننەن باستاپ 5 (بەس) جۇمىس كۇنى ىشىندە قاراۋ جانە ۇسىنىستار دايىنداۋ ءۇشىن جىبەرەدى.
32. مەملەكەتتىك ورگان كوميسسيا كەڭەسى وتىرىسىنىڭ كۇن ءتارتىبىنىڭ جوباسى جانە وعان قوسا بەرىلگەن ماتەريالدار تۇسكەن كۇننەن باستاپ 10 (ون) جۇمىس كۇنى ىشىندە ءتيىستى ماسەلە بويىنشا قازاقستان تاراپىنىڭ جالپى ۇستانىمىن قالىپتاستىرۋ ءۇشىن مەملەكەتتىك ورگاننىڭ رەسمي ۇستانىمىن ازىرلەۋدى, سونداي-اق قاجەت بولعان جاعدايدا كونسۋلتاتيۆتىك-كەڭەسشى ورگاننىڭ وتىرىسىندا قاراۋدى جۇزەگە اسىرادى.
33. كوميسسيا كەڭەسىندەگى قازاقستان رەسپۋبليكاسىنىڭ وكىلىنە كەلىپ تۇسكەن كوميسسيا كەڭەسى وتىرىسىنىڭ بەكىتىلگەن كۇن ءتارتىبى مەن وعان قوسا بەرىلەتىن ماتەريالدار كوميسسيا رەگلامەنتىنىڭ 21-تارماعىنا سايكەس قازاقستان تاراپىنىڭ ۇستانىمىن قالىپتاستىرۋ ءۇشىن قاراۋعا, ۇسىنىستار دايىنداۋعا جانە ونى كەلىسۋگە وسى قاعيدالاردىڭ 31-تارماعىنا سايكەس تارتىپپەن جىبەرىلەدى.
مەملەكەتتىك ورگان قازاقستان تاراپىنىڭ جالپى ۇستانىمىن قالىپتاستىرۋ ءۇشىن وسى قاعيدالارعا سايكەس ۋاكىلەتتى ورگانعا كوميسسيا كەڭەسىنىڭ وتىرىسى وتەتىن كۇنگە دەيىن 5 (بەس) جۇمىس كۇنىنەن كەشىكتىرمەي رەسمي ۇستانىمدى دايىنداۋدى, كەلىسۋدى, سونداي-اق جىبەرۋدى قامتاماسىز ەتەدى.
كورسەتىلگەن مەرزىمدى كونسۋلتاتيۆتىك-كەڭەسشى ورگاننىڭ وتىرىسىندا قاراۋدىڭ قورىتىندىسى بويىنشا كوميسسيا كەڭەسىندەگى قازاقستان رەسپۋبليكاسىنىڭ وكىلى قىسقارتۋى مۇمكىن.
34. ۋاكىلەتتى ورگان مەملەكەتتىك ورگانداردىڭ رەسمي ۇستانىمدارىن جيناقتايدى جانە كوميسسيا كەڭەسى وتىرىسىنىڭ ماتەريالدارى بويىنشا قازاقستان تاراپىنىڭ قورىتىندى ۇستانىمىن قالىپتاستىرۋ ءۇشىن كوميسسيا كەنەسىندەگى قازاقستان رەسپۋبليكاسىنىڭ وكىلى توراعالىق ەتەتىن كونسۋلتاتيۆتىك-كەڭەسشى ورگاننىڭ وتىرىستارىندا قارالۋىن قامتاماسىز ەتەدى.
35. كوميسسيا كەڭەسىندەگى قازاقستان رەسپۋبليكاسى وكىلىنىڭ ەاەو تۋرالى شارتقا 1-قوسىمشانىڭ 26-تارماعىنا سايكەس ماسەلەنى كوميسسيا كەڭەسى وتىرىسىنىڭ كۇن تارتىبىنە قوسۋ تۋرالى ۇسىنىسىن, ونىڭ ىشىندە قاجەتتى ماتەريالداردى دايىنداۋ وسى قاعيدالاردىڭ 26, 27, 28, 29, 30-تارماقتارىندا بەلگىلەنگەن تارتىپپەن جۇزەگە اسىرىلادى.
36. مۇددەلى مەملەكەتتىك ورگاندار مەملەكەتتىك ورگان باسشىسىنىڭ ورىنباسارى دەڭگەيىنەن تومەن ەمەس ءوز وكىلدەرىنىڭ كوميسسيا كەڭەسىنىڭ وتىرىسىنا قاتىسۋىن قامتاماسىز ەتەدى.
كوميسسيا كەڭەسىندەگى قازاقستان رەسپۋبليكاسىنىڭ وكىلىمەن كەلىسۋ بويىنشا كانديداتۋرا تومەن تۇرعان دەڭگەيدە ۇسىنىلۋى مۇمكىن.
7. كوميسسيا القاسى جانىنداعى كونسۋلتاتيۆتىك ورگانداردىڭ
قۇرامىنا ەنگىزۋ ءۇشىن ۋاكىلەتتى وكىلدەردى ايقىنداۋ ءتارتىبى
37. قازاقستان رەسپۋبليكاسىنىڭ ۇكىمەتىنە كەلىپ تۇسكەن, كوميسسيا القاسى جانىنداعى كونسۋلتاتيۆتىك ورگاندى قالىپتاستىرۋ ءۇشىن ۋاكىلەتتى وكىلدەردىڭ كانديداتۋرالارىن ۇسىنۋ تۋرالى كوميسسيا القاسىنىڭ وتىنىشتەرىن قازاقستان رەسپۋبليكاسى پرەمەر-ءمينيسترىنىڭ كەڭسەسى ولاردىڭ باسقارۋ سالالارىنا سايكەس مەملەكەتتىك ورگاندارعا, سونداي-اق ۋاكىلەتتى ورگانعا جىبەرەدى.
باسقارۋ سالاسىنا كوميسسيا القاسى جانىنداعى كونسۋلتاتيۆتىك ورگاننىڭ قۇزىرەتىنە كىرەتىن ماسەلەلەر جاتاتىن مەملەكەتتىك ورگاندار كورسەتىلگەن وتىنىشتەردى العان كۇننەن باستاپ 10 (ون) جۇمىس كۇنى ىشىندە وزدەرىنىڭ ۋاكىلەتتى وكىلدەرىن كوميسسيا القاسى جانىنداعى كونسۋلتاتيۆتىك ورگاننىڭ قۇرامىنا ەنگىزۋ تۋرالى ۇسىنىسىن ۋاكىلەتتى ورگانعا جىبەرەدى.
38. قازاقستان رەسپۋبليكاسىنىڭ مەملەكەتتىك ورگانىندا قۇرىلىمدىق بولىمشەنىڭ باسشىسىنان نە ونىڭ ورىنباسارىنان تومەن ەمەس لاۋازىمداعى تۇلعالار كونسۋلتاتيۆتىك ورگانداعى ۋاكىلەتتى وكىلدەر بولا الادى.
مەملەكەتتىك ورگان كوميسسيا القاسى جانىنداعى كونسۋلتاتيۆتىك ورگاننىڭ قۇرامىنا بيزنەس-قوعامداستىقتىڭ, عىلىمي جانە قوعامدىق ۇيىمداردىڭ وكىلدەرىن, كوميسسيا القاسى جانىنداعى كونسۋلتاتيۆتىك ورگاننىڭ قۇزىرەتىنە كىرەتىن ماسەلەلەر بويىنشا قاجەتتى بىلىكتىلىگى بار وزگە دە تاۋەلسىز ساراپشىلاردى ەنگىزۋ تۋرالى ۇسىنىستى دا جولداي الادى.
39. كونسۋلتاتيۆتىك ورگاننىڭ قۇرامىنا قازاقستان رەسپۋبليكاسىنىڭ وكىلدەرىن ەنگىزۋ تۋرالى بەرىلگەن ۇسىنىستاردىڭ نەگىزىندە ۋاكىلەتتى ورگان سوڭعى ۇسىنىستى العان كۇننەن باستاپ 5 (بەس) جۇمىس كۇنى ىشىندە كونسۋلتاتيۆتىك ورگانداعى مۇددەلى مەملەكەتتىك ورگانداردىڭ ۋاكىلەتتى وكىلدەرىنىڭ قۇرامىن قالىپتاستىرىپ, وسى قاعيدالاردىڭ 8-تارماعىنا سايكەس كەيىننەن كوميسسياعا جىبەرۋ ءۇشىن قازاقستان رەسپۋبليكاسىنىڭ سىرتقى ىستەر مينيسترلىگىنە جولدايدى.
8. ونەركاسىپتىك سۋبسيديالار تۋرالى حابارلامالاردىڭ نىساندارى بويىنشا كوميسسيانى حاباردار ەتۋ ماقساتىندا مەملەكەتتىك ورگانداردىڭ ءوزارا ءىس-قيمىل ءتارتىبى
40. ەاەو تۋرالى شارتقا 28-قوسىمشانىڭ ونەركاسىپتىك سۋبسيديالاردى ۇسىنۋدىڭ بىرىڭعاي قاعيدالارى تۋرالى حاتتاماسىنىڭ IX بولىمىنە سايكەس ۋاكىلەتتى ورگان ەاەو مۇشە مەملەكەتتەرگە (بۇدان ءارى – مۇشە مەملەكەتتەر) جانە كوميسسياعا:
1) جىل سايىن, 1 جەلتوقساننان كەشىكتىرمەي رەسپۋبليكالىق جانە جەرگىلىكتى دەڭگەيدە كەزەكتى جىلى ۇسىنۋ جوسپارلانعان بارلىق سۋبسيديالار تۋرالى;
2) توقسان سايىن, ەسەپتى توقساننان كەيىنگى ايدىڭ 30 كۇنىنەن كەشىكتىرمەي رەسپۋبليكالىق جانە جەرگىلىكتى دەڭگەيدە ەسەپتى توقساندا ۇسىنىلعان سۋبسيديالار تۋرالى;
3) جىل سايىن, ەسەپتى جىلدان كەيىنگى جىلدىڭ 1 شىلدەسىنەن كەشىكتىرمەي رەسپۋبليكالىق جانە جەرگىلىكتى دەڭگەيدە ەسەپتى جىلى ۇسىنىلعان سۋبسيديالار تۋرالى حابارلايدى.
41. وسى قاعيدالارعا 1-قوسىمشادا كورسەتىلگەن مەملەكەتتىك ورگاندار مەن ۇيىمدار وسى قاعيدالارعا 2, 3, 4, 5, 6, 7, 8, 9, 10, 11, 12, 13-قوسىمشالارعا سايكەس ونەركاسىپتىك سۋبسيديالار تۋرالى حابارلامالاردىڭ نىسانىن تولتىرادى جانە ولاردىڭ ۋاكىلەتتى ورگانعا ۋاقتىلى:
1) جىل سايىن, 1 قازاننان كەشىكتىرمەي رەسپۋبليكالىق جانە جەرگىلىكتى دەڭگەيدە كەزەكتى جىلى ۇسىنۋ جوسپارلانعان بارلىق سۋبسيديالار تۋرالى حابارلامانىڭ;
2) توقسان سايىن, ەسەپتى توقساننان كەيىنگى ايدىڭ 15 كۇنىنەن كەشىكتىرمەي رەسپۋبليكالىق جانە جەرگىلىكتى دەڭگەيدە ەسەپتى توقساندا ۇسىنىلعان سۋبسيديالار تۋرالى حابارلامانىڭ;
3) جىل سايىن, ەسەپتى جىلدان كەيىنگى 1 مامىردان كەشىكتىرمەي رەسپۋبليكالىق جانە جەرگىلىكتى دەڭگەيدە ەسەپتى جىلى ۇسىنىلعان سۋبسيديالار تۋرالى حابارلامانىڭ ۇسىنىلۋىن قامتاماسىز ەتەدى.
42. ۋاكىلەتتى ورگان قازاقستان رەسپۋبليكاسىنىڭ قارجى مينيسترلىگىنە رەسپۋبليكالىق جانە جەرگىلىكتى دەڭگەيلەردە كەزەكتى جىلى ۇسىنۋ جوسپارلانعان اقشالاي قاراجات كولەمى تۋرالى سۇراۋ سالۋ جولدايدى.
43. قازاقستان رەسپۋبليكاسىنىڭ قارجى مينيسترلىگى ۋاكىلەتتى ورگانعا رەسپۋبليكالىق جانە جەرگىلىكتى دەڭگەيلەردە كەزەكتى جىلى ۇسىنۋ جوسپارلانعان اقشالاي قاراجات تۋرالى اقپاراتتى وسى قاعيدالاردىڭ 41-تارماعىنىڭ 1) تارماقشاسىندا كوزدەلگەن مەرزiمدەردە جولدايدى.
44. ۋاكىلەتتى ورگان ەسەپتى جانە جوسپارلانعان كەزەڭدەردەگى ونەركاسىپتىك سۋبسيديالار تۋرالى حابارلامانى كونسۋلتاتيۆتىك-كەڭەسشى ورگاننىڭ وتىرىسىنا قاراۋعا شىعارادى جانە كەلىسىلگەن حابارلامالاردى مۇشە مەملەكەتتەرگە جانە كوميسسياعا وسى قاعيدالاردىڭ 40-تارماعىندا كورسەتىلگەن مەرزىمدە جولدايدى.
قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ,
قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق
كوميسسيامەن ءوزارا ءىس-قيمىل قاعيدالارىنا 1-قوسىمشا
ۋاكىلەتتى ورگانعا ونەركاسىپتىك سۋبسيديالار تۋرالى حابارلاما ۇسىناتىن
مەملەكەتتىك ورگاندار مەن ۇيىمداردىڭ تىزبەسى
1. قازاقستان رەسپۋبليكاسىنىڭ ينۆەستيتسيالار جانە دامۋ مينيسترلىگى;
2. قازاقستان رەسپۋبليكاسىنىڭ قارجى مينيسترلىگى;
3. وبلىستاردىڭ, رەسپۋبليكالىق ماڭىزى بار قالانىڭ جانە استانانىڭ جەرگىلىكتى اتقارۋشى ورگاندارى (بۇدان ءارى – جاو);
4. «بايتەرەك» ۇلتتىق باسقارۋشى حولدينگى» اكتسيونەرلىك قوعامى (بۇدان ءارى – «بايتەرەك» ۇبح» اق);
5. «دامۋ» كاسىپكەرلىكتى دامىتۋ قورى» اكتسيونەرلىك قوعامى (بۇدان ءارى – «دامۋ» كدق» اق).
قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ,
قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق
كوميسسيامەن ءوزارا ءىس-قيمىل قاعيدالارىنا 2-قوسىمشا
1-كەستە * – «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى: ءبىرىنشى باعىت
جوبانىڭ اتاۋى/قارىز الۋشى** 20__جىلعى 1 قاڭتاردان باستاپ
31 جەلتوقساندى قوسا العانعا دەيىن
كولەمى (مىڭ تەڭگە)
«دامۋ» كدق» اق كەپىلدىگىن تولەۋ
كاسىپكەرلەردىڭ جوبالارى بويىنشا مەملەكەتتىك گرانتتاردى تولەۋ
ەسكەرتپە:
* - جاو حابارلامالار نىسانىن وسى كەستەگە سايكەس تولتىرادى;
** - ونەركاسىپتىك قولداۋ شارالارى تۋرالى اقپاراتتى ەقجج كودتارى 05-بولىمنەن باستالىپ 33-بولىممەن اياقتالاتىن (ەقجج بولىمدەرى 05-33) سالالاردىڭ عانا قارجىلاندىرۋ كولەمىن كورسەتە وتىرىپ ۇسىنۋ كەرەك.
قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ,
قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق
كوميسسيامەن ءوزارا ءىس-قيمىل قاعيدالارىنا 3-قوسىمشا
2-كەستە * – «بيزنەستىڭ جول كارتاسى 2020» بيزنەستى قولداۋ مەن دامىتۋدىڭ بىرىڭعاي باعدارلاماسى: ەكىنشى باعىت
جوبانىڭ اتاۋى/قارىز الۋشى** 20__جىلعى 1 قاڭتاردان باستاپ
31 جەلتوقساندى قوسا العانعا دەيىن
كولەمى (مىڭ تەڭگە)
«دامۋ» كدق» اق كەپىلدىگىن تولەۋ
كاسىپكەرلەردىڭ جوبالارى بويىنشا مەملەكەتتىك گرانتتاردى تولەۋ
ەسكەرتپە:
* - جاو حابارلامالار نىسانىن وسى كەستەگە سايكەس تولتىرادى;
** - ونەركاسىپتىك قولداۋ شارالارى تۋرالى اقپاراتتى ەقجج كودتارى 05-بولىمنەن باستالىپ 33-بولىممەن اياقتالاتىن (ەقجج بولىمدەرى 05-33) سالالاردىڭ عانا قارجىلاندىرۋ كولەمىن كورسەتە وتىرىپ ۇسىنۋ كەرەك.
قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ,
قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق
كوميسسيامەن ءوزارا ءىس-قيمىل قاعيدالارىنا 4-قوسىمشا
3-كەستە * – «بيزنەستىڭ جول كارتاسى 2020» بيزنەستى قولداۋ جانە دامىتۋدىڭ بىرىڭعاي باعدارلاماسى
جوبانىڭ اتاۋى/قارىز الۋشى** 20__ جىلعى 1 قاڭتاردان باستاپ 31 جەلتوقساندى قوسا العانعا دەيىن
جالپى كولەمى (مىڭ تەڭگە)
كاسىپكەرلەردىڭ جوبالارى بويىنشا ەكىنشى دەڭگەيدەگى بانكتەرگە «دامۋ» كدق» اق-نىڭ سۋبسيديالار تولەۋى ء(بىرىنشى باعىت)
باعدارلامانىڭ ەكىنشى باعىتى شەڭبەرىندە كاسىپكەرلەردىڭ جوبالارى بويىنشا ەكىنشى دەڭگەيدەگى بانكتەرگە «دامۋ» كدق» اق-نىڭ سۋبسيديالار تولەۋى
ءۇشىنشى باعىت: كاسىپكەرلەردىڭ ۆاليۋتالىق تاۋەكەلدەرىن تومەندەتۋ
ساۋىقتىرۋ جانە كاسىپكەرلىك الەۋەتتى كۇشەيتۋ ءۇشىن كاسىپكەرلەردىڭ جوبالارى بويىنشا ەكىنشى دەڭگەيدەگى بانكتەرگە «دامۋ» كدق» اق-نىڭ سۋبسيديالار تولەۋى ء(تورتىنشى باعىت)
ەسكەرتپە:
* - «دامۋ» كدق» اق حابارلامالار نىسانىن وسى كەستەگە سايكەس تولتىرادى;
** - ونەركاسىپتىك قولداۋ شارالارى تۋرالى اقپاراتتى ەقجج كودتارى 05-بولىمنەن باستالىپ 33-بولىممەن اياقتالاتىن (ەقجج بولىمدەرى 05-33) سالالاردىڭ عانا قارجىلاندىرۋ كولەمىن كورسەتە وتىرىپ ۇسىنۋ كەرەك.
قازاقستان رەسپۋبليكاسىنىڭ ورتالىق اتقارۋشى مەملەكەتتىك ورگاندارىنىڭ, قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن قازاقستان رەسپۋبليكاسىنىڭ مەملەكەتتىك ورگاندارىنىڭ ەۋرازيالىق ەكونوميكالىق كوميسسيامەن ءوزارا ءىس-قيمىل قاعيدالارىنا 5-قوسىمشا
4-كەستە * – «دامۋ» كدق» اق باعدارلامالارى
باعدارلامانىڭ اتاۋى** 20__ جىلعى 1 قاڭتاردان باستاپ 31 جەلتوقساندى قوسا العانعا دەيىن
قارجى ۇيىمدارىندا ورنالاستىرىلعان قارجى قاراجاتى, مىڭ تەڭگە قارجى ۇيىمدارى قارىز الۋشىعا جىبەرگەن قارجى قاراجاتى
قارجى ۇيىمدارى شاعىن جانە ورتا كاسىپكەرلىك سۋبەكتىلەرىنە جىبەرگەن قارجى قاراجاتى, مىڭ تەڭگە ونىڭ ىشىندە قور قاراجاتى, مىڭ تەڭگە
1 2 3 4
كەيىننەن شاعىن جانە ورتا كاسىپكەرلىك سۋبەكتىلەرىنە كرەديت بەرۋ ءۇشىن قاراجاتتى ەكىنشى دەڭگەيدەگى بانكتەردە نەگىزدى تۇردە ورنالاستىرۋ باعدارلامالارى (1, 2, 3 -ترانشتار)
«دامۋ-وڭىرلەر» باعدارلاماسى (جاو-مەن قوسا قارجىلاندىرۋ باعدارلاماسى)
وڭدەۋ ونەركاسىبى سالاسىندا جۇمىسپەن اينالىساتىن شاعىن كاسىپكەرلىك سۋبەكتىلەرىن قولداۋعا ارنالعان «دامۋ-ءوندىرىس» باعدارلاماسى
وڭدەۋ ونەركاسىبى سالاسىندا جۇمىسپەن اينالىساتىن شاعىن جانە ورتا كاسىپكەرلىك سۋبەكتىلەرىنىڭ ليزينگتىك مامىلەلەرىن ەكىنشى دەڭگەيدەگى بانكتەر مەن ليزينگتىك كومپان
سوڭعى جاڭالىقتار
پاۆلوداردا سالىنىپ جاتقان ەرتىس كوپىرىندە ەكىنشى رەت ءورت شىقتى
ايماقتار • كەشە
كادردىڭ قادىرىن كەتىرمەسەك يگى...
قوعام • كەشە
مەملەكەت باسشىسى تاجىكستان پرەزيدەنتى ەمومالي راحمونمەن كەزدەستى
پرەزيدەنت • كەشە
قازاقستان موڭعوليانى بيدايمەن قامتاماسىز ەتەدى
قازاقستان • كەشە
اقتاۋداعى ساۋدا ورتالىعىندا بومبا قويىلعانى راس پا؟
ايماقتار • كەشە
مەملەكەت باسشىسى بىرقاتار ماڭىزدى زاڭعا قول قويدى
پرەزيدەنت • كەشە
كەنشىلەرگە بەرىلەتىن وتەماقى قالاي وزگەرەدى؟
قوعام • كەشە
