تاعايىنداۋلار

مەملەكەت باسشىسىنىڭ جارلىقتارىمەن: جانار سەيداحمەتقىزى ايتجانوۆا قازاق­ستان رەسپۋبليكاسىنىڭ شۆەيتساريا كونفە­دە­راتسياسىنداعى توتەنشە جانە وكىلەتتى ەلشىسى, جەنەۆا قالاسىنداعى (شۆەيتساريا) بىرىككەن ۇلتتار ۇيىمىنىڭ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ تاعايىندالدى, ول قازاقستان رەسپۋبليكاسىنىڭ ەكونوميكالىق ينتەگراتسيا ىستەرى ءمينيسترى قىزمەتىنەن بوساتىلدى. ماعجان جانبوتا ۇلى ءىلياسوۆ قازاقستان رەسپۋب­ليكاسىنىڭ نيدەرلاند كورولدىگىندەگى توتەنشە جانە وكىلەتتى ەلشىسى جانە حيميالىق قارۋعا تىيىم سالۋ جونىندەگى ۇيىم جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ; التاي يبراگيم ۇلى ابيبۋللاەۆ قازاقستان رەس­­پۋب­ليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى بولىپ; ۇسەن ابدىقادىر ۇلى سۇلەيمەن قازاقستان رەسپۋبليكاسىنىڭ سينگاپۋر رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى. حرونيكا مەملەكەت باسشىسىنىڭ جارلىعىمەن ماينۋرا ساۆەتقىزى مىرزاماديەۆا قازاقستان رەسپۋبليكاسىنىڭ نيدەرلاند كورولدىگىندەگى توتەنشە جانە وكىلەتتى ەلشىسى قىزمەتىنەن, حيميالىق قارۋعا تىيىم سالۋ جونىندەگى ۇيىم جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋدان بوساتىلدى. * * * مەملەكەت باسشىسىنىڭ وكىمدەرىمەن باسقا جۇمىسقا اۋىسۋىنا بايلانىستى: مۇحتار ابرار ۇلى قۇل-مۇحاممەد قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنەن; ماعجان جانبوتا ۇلى ءىلياسوۆ قازاقستان رەسپۋبليكاسى پرەزيدەنتىنىڭ كەڭەسشىسى – قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى قىزمەتىنەن بوساتىلدى.