دوستىققا قوسقان ۇلەسكە لايىقتى باعا

ەلباسى نۇرسۇلتان نازارباەۆ رەسەي فەدەراتسياسى فەدەرالدىق جينالىسى فەدەراتسيا كەڭەسىنىڭ ءتورايىمى ۆالەنتينا ماتۆيەنكومەن كەزدەستى, دەپ حابارلادى قازاقستان پرەزيدەنتىنىڭ ءباسپاسوز قىزمەتى. كەزدەسۋ بارىسىندا ەكى ەلدىڭ ءوزارا ىقپالداستىعىن, سونىڭ ىشىندە پارلامەنتارالىق سالاداعى ءىس-قيمىلىن نىعايتۋ ماسەلەلەرى تالقىلاندى. نۇرسۇلتان نازارباەۆ قازاقستان مەن رەسەي اراسىنداعى ىنتىماقتاستىق كوپجاقتى سيپاتتا ەكەنىن, وعان نەگىز قالاۋشى قۇجات ءححى عاسىرداعى تاتۋ كورشىلىك جانە وداقتاستىق تۋرالى شارت بولىپ سانالاتىنىن جانە ول ەۋرازيالىق ەكونوميكالىق وداق قۇرۋ تۋرالى شەشىم قابىلداۋعا ىقپال ەتكەنىن اتاپ ءوتتى. بۇل ورايدا قازاقستان پرە­زي­دەنتى وسى ينتەگراتسيالىق بىرلەستىكتىڭ دامۋىنا نازار اۋداردى, سونداي-اق, ەۋروپالىق كوميسسيا توراعاسى ج.-ك.يۋن­كەر­مەن كۇزدە ەۋرازيالىق ەكونو­ميكالىق وداق – ەۋروپالىق وداق بىرلەسكەن فورۋمىن وتكىزۋ تۋرالى ۋاعدالاستىققا قول جەتكىزىلگەنىن ايتتى. رەسەي فەدەرالدىق جينالىسى فەدەراتسيا كەڭەسىنىڭ ءتورايىمى قابىلداۋ ءۇشىن العىس ايتىپ, ەكى ەلدىڭ اراسىنداعى ستراتەگيالىق جانە دوستىق قارىم-قاتىناستاردى ودان ءارى دامىتۋعا بار كۇش-جىگەرىن جۇمساۋعا ءازىر ەكەنىن ءبىلدىردى. كەزدەسۋ بارىسىندا مەم­لەكەت باسشىسى, سونداي-اق, ۆ.مات­ۆيەنكوعا قازاقستان مەن رەسەي ارا­سىنداعى دوستىق پەن ىنتىماق­تاستىقتى نىعايتۋعا قوسقان ۇلەسى ءۇشىن ءىى دارەجەلى «دوستىق» وردەنىن تاپسىردى.