پەتروپاۆلدا «قىزىلجار بارىسى» انىقتالدى

پەتروپاۆل. 11 مامىر. پەتروپاۆل قالاسىندا وتكەن «قىزىلجار بارىسى» وبلىستىق تۋرنيرىنە 28  پالۋان قاتىسىپ, ءوزارا كۇش سىناستى. بۇل تۋرالى وبلىستىق دەنە شىنىقتىرۋ جانە سپورت باسقارماسىنا سىلتەمە جاساعان egemen.kz ءتىلشىسى حابارلادى. اۋداندار مەن قالالاردان سايدىڭ تاسىنداي ىرىكتەلىپ كەلگەن پالۋاندارعا وبلىس اكىمىنىڭ ورىنباسارى انارحان دۇيسەنوۆا ساتتىلىك تىلەدى. جارىس قورىتىندىسى بويىنشا, التىن بەلبەۋ مەن 150 مىڭ تەڭگەنىڭ سەرتيفيكاتىن 21 جاستاعى پالۋان التىنبەك ايساعيتوۆ يەلەندى. ول م.قوزىباەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى. قازاقشا كۇرەسپەن 3 جىلدان بەرى اينالىسادى. ەكىنشى ورىنعا پەتروپاۆلدىق دۋلات الپىسوۆ يە بولدى. وعان 100 مىڭ تەڭگەنىڭ سەرتيفيكاتى تابىس ەتىلدى. داۋرەن نۇرعوجين جارىستىڭ قولا جۇلدەگەرى اتانىپ, 50 مىڭ تەڭگە الدى. ايتا كەتەيىك, «قىزىلجار بارىسى» ءتۋرنيرىنىڭ جەڭىمپازدارى رەسپۋبليكالىق سايىستا وبلىس نامىسىن قورعايتىن بولادى. ءومىر ەسقالي. دەرەك, فوتو: سولتۇستىك قازاقستان وبلىستىق دەنە شىنىقتىرۋ جانە سپورت باسقارماسى.