پاۆلودار. 11 مامىر. پاۆلودار قالاسىندا دەريباس اتىنداعى كوشە جەرلەسىمىز, كەڭەس وداعىنىڭ باتىرى قۇدايبەرگەن ماعزۇم ۇلى سۇراعانوۆتىڭ ەسىمىمەن اۋىستىرىلدى. بۇل تۋرالى egemen.kz ءتىلشىسى حابارلايدى.
قالاداعى «قازاقستان-پاۆلودار» وبلىستىق تەلەراديو كومپانياسى ورنالاسقان كوشە ەندى قۇدايبەرگەن سۇراعانوۆ ەسىمىمەن اتالادى. تەلەراديو كومپانيا عيماراتى الدىندا وتكەن سالتاناتتى شاراعا وبلىس اكىمدىگى, وبلىستىق ءماسليحات, مەملەكەتتىك ورگانداردىڭ وكىلدەرى, زيالى قاۋىم, باتىردىڭ تۋىستارى مەن جاقىندارى, اقپارات قۇرالدارى وكىلدەرى قاتىستى.
باتىر اتامىز 1921 جىلى قاشىر اۋدانى سۇلۋاعاش اۋىلىندا تۋعان. ول 1941 جىلى كىشى لەيتەنانتتار كۋرسىن ءبىتىرىپ, 1-بەلارۋس مايدانى 33-ارميا 142-ارتيللەريالىق بريگادا قۇرامىندا سوعىسقا قاتىستى. ستالينگراد تۇبىندەگى شايقاستا اۋىر جارالانىپ, گوسپيتالعا تۇسكەن. كەيىن ول بەلارۋس, ليتۆا, پولشانى ازات ەتۋگە قاتىستى. دنەپر, ۆيسلا, ودەر وزەندەرىنەن ءوتتى. اتامىز ءى دارەجەلى «داڭق» وردەنىمەن جانە ەكى «قىزىل جۇلدىز» وردەندەرىمەن ماراپاتتالدى. 1946 جىلعى قۇدايبەرگەن سۇراعانوۆقا كەڭەس وداعىنىڭ باتىرى اتاعى بەرىلدى.
فاريدا بىقاي.
دەرەك: egemen.kz.
فوتو: ۆالەري بۋگاەۆ.
