قازاقستان ازاماتى ۇندىستانداعى قوناق ۇيدە قايتىس بولدى

استانا. 10 مامىر. كەشە, 9 مامىر كۇنى قازاقستاندىق تۋريست ءبىرجان ومىرزاقوۆ ەسىمدى ازاماتتىڭ ءولى دەنەسى ءۇندىستاننىڭ ۆرينداۆان قالاسىنداعى قوناق ۇيلەردىڭ بىرىنەن تابىلدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى. «قازاقستاندىق ءبىرجان ومىرزاقوۆ ەلگە تۋريستىك ۆيزامەن كەلگەن. ول ۆرينداۆان پوليتسياسى ۋچاسكەسىنە قارايتىن نيكۋنج اشرامدا كەشە كەشكىلىك (8 مامىردا) بولمەنى جالعا العان – دەدى جەرگىلىكتى پوليتسيا وكىلدەرى. سونداي-اق, قوناق ءۇي قىزمەتكەرلەرى: «بۇگىن تاڭەرتەڭ (9 مامىر) ول ەسىگىن اشپاعان سوڭ پوليتسياعا شۇعىل حابار بەرىلدى. ولار بولمەدە ءمايىتتىڭ ۇستىنەن شىقتى», – دەيدى. ايتا كەتەيىك, پوليتسەيلەر قازاقستان رەسپۋبليكاسىنىڭ ەلشىلىگىنە بۇل وقىس وقيعا جايلى حابار بەرگەن. قازىرگى تاڭدا مۇردە جەرگىلىكتى ءمايىتحانادا. ورىن العان وقيعاعا بايلانىستى تەرگەۋ امالدارى جۇرگىزىلۋدە. تالعات رايىمبەك. دەرەك: inform.kz. فوتو: svopi.ru.