قارت مايدانگەردى ۇلىقتادى

وڭتۇستىك قازاقستان وبلىستىق سوتى­نىڭ ۇجىمى ۇلى وتان سوعىسىنىڭ اردا­گەرى, قازاقستان رەسپۋبليكاسىنىڭ قۇر­مەتتى سۋدياسى ايتجان بەكنازاروۆ اقسا­قالدى جەڭىس مەرەكەسىمەن قۇتتىقتادى. سوت ۇجىمى قارت مايدانگەردى سوعىس جانە ەڭبەك ارداگەرلەرىنىڭ ەسىمى جازىل­عان داڭق تاقتاسىنىڭ جانىندا قارسى الىپ, ەسكەرتكىشكە گۇل شوقتارىن قويدى. كۇندەي كۇركىرەپ وتكەن سوعىستىڭ بەل ورتاسىندا بولعان ايتجان اقساقال كەشەگى قارۋلاس دوستارى تۋرالى ەستەلىكتەر ايتتى. داڭق تاقتاسىنا ەسىمى التىن ارىپپەن جا­زىلعان ارداگەر سۋديالاردىڭ ەكەۋى كە­ڭەس وداعىنىڭ باتىرى ەكەندىگىن ەسكە الدى. سالتاناتتى شارادا ەتنومادەني بىرلەستىكتەردىڭ وكىلدەرى دە ءوز قۇتتىق­تاۋ­لارىن جەتكىزدى. – ءبىز كورگەن سۇراپىل سوعىستى كەيىن­گى ۇرپاق كورمەي-اق قويسىن, – دەدى ايت­جان اقساقال. – ەلىمىزدىڭ مەملەكەت باس­شىسى نۇرسۇلتان نازارباەۆ ادامزات بالاسىن اۋىر زارداپقا ۇشىراتاتىن يادرولىق قارۋدى تاراتپاۋ جونىندە دۇنيەجۇزىنىڭ باسشىلارىنا ۇندەۋ جاريالادى. ويتكەنى, ەندىگى سوعىستا جەڭىمپازدار بولمايدى. ەلىمىز امان, جۇرتىمىز تىنىش بولسىن. قازاقستانىمىز داۋىرلەي بەرسىن. جۇزگە اياق باسقان ابىز اقساقالدىڭ تىلەگى وسى. باقتيار تايجان, «ەگەمەن قازاقستان» وڭتۇستىك قازاقستان وبلىسى