قازاقستان رەسپۋبليكاسى ۇكىمەتىنىڭ قاۋلىسى

2010 جىلعى 30 جەلتوقسان    №1449    استانا, ۇكىمەت ءۇيى كەلىسىم-شارت بويىنشا جۇمىستاردى ورىنداۋ ءۇشىن قاجەتتى قازاقستان رەسپۋبليكاسىنىڭ اۋماعىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ارنالعان شىعىستاردى ايقىنداۋ قاعيداسىن بەكىتۋ تۋرالى «جەر  قويناۋى  جانە  جەر  قويناۋىن  پايدالانۋ  تۋرالى»  قازاقستان رەسپۋبليكاسىنىڭ   2010   جىلعى   24   ماۋسىمداعى   زاڭىنىڭ 16-بابىنىڭ 62) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان كەلىسىم-شارت بويىنشا جۇمىستاردى ورىنداۋ ءۇشىن قاجەتتى قازاقستان رەسپۋبليكاسىنىڭ اۋماعىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ارنالعان شىعىستاردى ايقىنداۋ قاعيداسى بەكىتىلسىن. 2. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭ    پرەمەر-ءمينيسترى    ك.ءماسىموۆ.

قازاقستان رەسپۋبليكاسى ۇكىمەتىنىڭ

2010 جىلعى 30 جەلتوقسانداعى  №1449

قاۋلىسىمەن بەكىتىلگەن

كەلىسىم-شارت بويىنشا جۇمىستاردى ورىنداۋ ءۇشىن قاجەتتى قازاقستان رەسپۋبليكاسىنىڭ اۋماعىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا ارنالعان شىعىستاردى ايقىنداۋ قاعيداسى 1. جالپى ەرەجەلەر 1. وسى كەلىسىم-شارت بويىنشا جۇمىستاردى ورىنداۋ ءۇشىن قاجەتتى قازاقستان رەسپۋبليكاسىنىڭ اۋماعىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇ­مىس­تارعا ارنالعان شىعىستاردى ايقىنداۋ قاعيداسى (بۇدان ءارى – قاعيدا), «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنا (بۇدان ءارى – زاڭ) سايكەس ازىرلەندى. 2. وسى قاعيدادا زاڭدا بەلگىلەنگەن ۇعىمدار, سونداي-اق مىناداي ۇعىمدار قولدانىلادى: 1) پايدالى قازبالاردى بارلاۋ مەن ءوندىرۋ كەزىندەگى عىلىمي-زەرتتەۋ جۇمىستارى – جاڭا عىلىمي نەمەسە تەح­نيكالىق بىلىمدەر مەن ۇعىمدار الۋ ماقساتىندا ءجۇر­گىزىلەتىن بىرەگەي نەمەسە جوسپارلانعان زەرتتەۋلەر; 2) پايدالى قازبالاردى بارلاۋ مەن ءوندىرۋ كەزىندەگى تاجىريبەلىك-كونسترۋكتورلىق جۇمىستار – عىلىمي-زەرت­تەۋ نەمەسە باسقا دا بىلىمدەردىڭ ناتيجەلەرىن قول­دانۋ نەگىزىندە جاڭا جانە نەعۇرلىم جەتىلدىرىلگەن ماتەريال­داردى, مەحانيزمدەردى, ونىمدەردى, تەحنولوگيالاردى, ءجۇ­يەلەردى نەمەسە قىزمەتتەردى كوممەرتسيالىق ءوندىرۋ باستالعانعا دەيىن ولاردى جوسپارلاۋ جانە جوبالاۋ. 3. قاعيدا قۇزىرەتتى ورگان مەن وبلىستىڭ, رەسپۋب­لي­كالىق ماڭىزى بار قالانىڭ, استانانىڭ جەرگىلىكتى ات­قارۋشى ورگانىنىڭ كەلىسىمشارت بويىنشا جۇمىستار­دى ورىنداۋ ءۇشىن قاجەتتى قازاقستان رەسپۋبليكاسىنىڭ اۋ­ماعىنداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستارعا (بۇدان ءارى – عزتكج) ارنالعان شىعىستاردىڭ شاماسىن ايقىنداۋ ءتارتىبىن بەلگىلەيدى. 4. قاعيدا ونەركاسىپتىڭ ءوندىرۋ سالالارىنداعى پاي­دالى قازبالاردى بارلاۋمەن, وندىرۋمەن بايلانىستى عزتكج-نىڭ بارلىق تۇرلەرىنە قولدانىلادى. 5. عزتكج-گە ارنالعان شىعىستار: 1) پايدالى قازبالاردى بارلاۋ, ءوندىرۋ كەزىندە جاڭا تەح­نولوگيالار مەن ادىستەردى ازىرلەۋدى نەمەسە قولدانىس­تاعىلارىن جاقسارتۋدى; 2) وسى زەرتتەۋلەر ناتيجەسىندە الىنعان عىلىمي نەمەسە تەحنيكالىق بىلىمدەردى پراكتيكادا قولدانۋدى قام­تيدى. 2. عزتكج-گە ارنالعان شىعىستاردى ايقىنداۋ ءتارتىبى 6. قۇزىرەتتى ورگان كەلىسىمشارت بويىنشا جۇمىس­تاردى ورىنداۋ ءۇشىن قاجەتتى جانە جەر قويناۋىن پايدالانۋ قۇقىعىن الۋ كونكۋرسىنىڭ شارتىنا قوسىلاتىن قازاقستان رەسپۋبليكاسىنىڭ اۋماعىنداعى عزتكج-گە ار­نالعان شى­عىستاردى ايقىنداۋ كەزىندە پايدالى قاز­بالاردىڭ قورىن جانە (نەمەسە) كەلىسىم-شارت اۋماعىنىڭ اۋ­دانىن ەسكەرەدى. 7. كومىرسۋتەك شيكىزاتىن بارلاۋعا عزتكج-گە ارنال­عان شىعىستار سوماسى مىناداي فورمۋلا بويىنشا انىق­تالادى: P = (l,5 AEK x S), مۇندا: ر – كومىرسۋتەك شيكىزاتىن بارلاۋعا عزتكج-گە ارنال­عان شىعىستار سوماسى; S – كەن ورنىنىڭ اۋدانى, شارشى كيلومەترمەن. 8. كومىرسۋتەك شيكىزاتىن وندىرۋگە عزتكج-گە ارنال­عان شىعىستار سوماسى مىناداي فورمۋلا بويىنشا انىق­تالادى: ر = (ق ح 0,04 %) + (قا ح 0,01 %), مۇندا: ر – كومىرسۋتەك شيكىزاتىن وندىرۋگە عزتكج-گە ار­نالعان شىعىستار سوماسى; ق – پايدالى قازبالار قورلارى جونىندەگى مەملەكەتتىك كوميسسيا (بۇدان ءارى – قمك) بەكىتكەن كومىرسۋتەك شيكىزاتىنىڭ جيىنتىق قورلارىنىڭ قۇنى; قا – الدىن الا باعالانعان س ساناتىنداعى قورلاردىڭ جيىنتىق قۇنى. 9. قاتتى پايدالى قازبالاردى بارلاۋعا عزتكج-گە ارنالعان شىعىستار سوماسى مىناداي فورمۋلا بويىنشا انىقتالادى: ر = 1 اەك ح S, مۇندا: ر – قاتتى پايدالى قازبالاردى بارلاۋعا عزتكج-گە ار­نالعان شىعىستار سوماسى; S – كەن ورنىنىڭ اۋدانى, شارشى كيلومەترمەن. 10. قاتتى پايدالى قازبالاردى وندىرۋگە عزتكج-گە ارنالعان شىعىستار سوماسى مىناداي فورمۋلا بويىنشا انىقتالادى: ر = (ق ح 0,01 %) + (قا ح 0,005 %), مۇندا: ر – قاتتى پايدالى قازبالاردى وندىرۋگە عزتكج-گە ار­نالعان شىعىستار سوماسى; ق – قمك بەكىتكەن قاتتى پايدالى قازبالاردىڭ جيىن­تىق قورلارىنىڭ قۇنى; قا – الدىن الا باعالانعان س ساناتىنداعى قورلاردىڭ جيىن­تىق قۇنى. 11. كەڭ تارالعان پايدالى قازبالاردى قوسپاعاندا, پايدالى قازبالاردىڭ جيىنتىق قورلارىنىڭ قۇنى ينفلياتسيا ەسكەرىلە وتىرىپ تۇزەتىلگەن جۇمىس باع­دار­لا­ما­سىندا كورسەتىلگەن بارلىق كەزەڭدە وندىرۋگە جۇمسالعان جالپى شىعىنداردىڭ سوماسى رەتىندە ايقىندالادى. 12. كەڭ تارالعان پايدالى قازبالاردى, جەراستى سۋ­لارى مەن ەمدىك بالشىقتاردى بارلاۋعا عزتكج-گە ار­نالعان شىعىستار سوماسى مىناداي فورمۋلا بويىنشا انىقتالادى: ر – 0,5 اەك ح S, مۇندا: ر – كەڭ   تارالعان   پايدالى   قازبالاردى,   جەراستى   سۋ­لارى  مەن   ەمدىك بالشىقتاردى بارلاۋعا عزتكج-گە ار­نالعان شىعىس­تار سوماسى; S – كەن ورنىنىڭ اۋدانى, شارشى كيلومەترمەن. 13. كەڭ تارالعان پايدالى قازبالاردى, جەراستى سۋ­لارى مەن ەمدىك بالشىقتاردى وندىرۋگە عزتكج-گە ارنالعان شىعىستار سوماسى مىناداي فورمۋلا بويىنشا انىقتالادى: ر = ق ح 0,01 %, مۇندا: ر – كەڭ تارالعان پايدالى قازبالاردى, جەراستى سۋلارى مەن ەمدىك بالشىقتاردى وندىرۋگە عزتكج-گە ارنالعان شىعىستار سوماسى; ق – A, ۆ, س1 وندەركاسىپتىك ساناتتارى بويىنشا مينەرالدىق شيكىزاتتىڭ قمك بەكىتكەن جيىنتىق قورىنىڭ قۇنى. 14. ستراتەگيالىق ماڭىزى بار جەر قويناۋى ۋچاسكەلەرى مەن كەن ورىندارىندا پايدالى قازبالاردى بارلاۋعا جانە (نەمەسە) وندىرۋگە عزتكج-گە ارنالعان شىعىستار سوماسى بارلاۋعا جانە (نەمەسە) وندىرۋگە جۇمىس باعدارلاماسىندا بەلگىلەنگەن شىعىنداردان پايىزدىق اراقاتىناسىندا كورسەتىلەدى. 15. جەر قويناۋىن پايدالانۋ كەلىسىم-شارتىنىڭ تالاپتارى بويىنشا كونكۋرس جەڭىمپازىمەن كەلىسسوزدەر جۇرگىزۋ كەزىندە عزتكج-گە ارنالعان شىعىستار سوماسى بولىگىندە كونكۋرستىق ۇسىنىستىڭ شارتتارى ازايتۋعا جاتپايدى.