قيىندىقتاردى ەڭسەرۋگە مۇمكىندىك جەتكىلىكتى

مەملەكەت باسشىسى نۇرسۇلتان نازارباەۆ رەسەي فەدەرا­تسياسىنىڭ پرەزيدەنتى ۆلاديمير پۋتينمەن كەزدەستى, دەپ ­حابارلادى قازاقستان رەسپۋبليكاسى پرەزيدەنتىنىڭ باسپا­سوز قىزمەتى. كەزدەسۋ بارىسىندا مەملەكەتتەر باسشىلارى ەكىجاقتى ىنتى­ماقتاستىقتىڭ قازىرگى اسپەكتىلەرىن, سونداي-اق, كۇن تارتىبىندەگى ءبىر­قاتار وڭىرلىك جانە حالىقارالىق ماسەلەلەردى تالقىلادى. نۇرسۇلتان نازارباەۆ ۆ.پۋ­تين­دى ۇلى وتان سوعىسىنداعى جە­­ڭىستىڭ 71 جىلدىعىمەن جانە ۆوس­­توچنىي عارىش ايلاعىنان العاش­قى زىمىران ۇشىرىلۋىمەن قۇتتىقتادى. – بۇگىندە كەز كەلگەن مەملەكەت وسىنداي زاماناۋي عارىش ايلاعىن ىسكە قوسا المايدى. بۇل ءسىزدىڭ قولىڭىزدان كەلدى.  ءسىزدىڭ ەل ءۇشىن وسى ءبىر تاريحي وقيعا كوپتەگەن ۇرپاقتىڭ جادىندا قالاتىن بولادى, – دەدى مەملەكەت باسشىسى. سونىمەن قاتار, نۇرسۇلتان نازارباەۆ بيىل جوعارى ەۋرا­زيالىق ەكونوميكالىق كەڭەستىڭ وتىرىسى, شانحاي ىنتىماقتاستىق ۇيىمىنىڭ ءسامميتى جانە تمد مەملەكەتتەرى باسشىلارىنىڭ كەڭەسى وتەتىنىن ەسكە سالدى. – بيىل كۇن تارتىبىندە كوپ كەزدەسۋ بار, باعدارلاما اۋقىم­دى. قازىرگى كۇردەلى كەزەڭدە ەۋ­را­زيالىق ەكونوميكالىق وداق قالىپتى رەجىمدە دامىپ جاتىر. داعدارىس ۋاقىتىندا تۋىنداپ جات­قان قيىندىقتاردى ەڭسەرۋگە بو­لادى, – دەپ اتاپ ءوتتى قازاقستان پرەزيدەنتى. رەسەي پرەزيدەنتى ۇلى وتان سوعىسىنداعى جەڭىستىڭ 71 جىل­دى­عىنا ارنالعان پارادقا قاتى­سۋ ماقساتىمەن ماسكەۋگە كەلگەنى ءۇشىن نۇرسۇلتان نازارباەۆقا العىس ايتتى. – ءبىزدىڭ قارىم-قاتىناسى­مىز دا وسىلاي جاقسى ءارى جان-جاقتى دامي بەرەتىنىنە سە­نىم­دىمىن. بۇگىن ءسىز كورسەتكەن ءىلتيپات ەرتەڭگى كۇنى دە ءوزارا سە­نىمدى نىعايتىپ, دوستىق باي­­لا­نىستارىمىزدىڭ بۇدان ءارى دامي بەرۋى ءۇشىن جاقسى جاعداي قا­لىپتاستىراتىنى ءسوزسىز, – دەدى ۆ.پۋتين.