اقتوبە. 9 مامىر. اقتوبەدە №6655 اسكەري بولىمىندە وتان قورعاۋشىلار كۇنى جانە ۇلى جەڭىستىڭ 71 جىلدىعىنا ارنالعان سالتاناتتى شارا بولدى. بۇل تۋرالى egemen.kz ءتىلشىسى حابارلادى.
وعان اسكەري قۇرام, سوعىس جانە ەڭبەك ارداگەرلەرى, مەكتەپ وقۋشىلارى قاتىستى. سالتاناتتى شارادا وبلىس اكىمى بەردىبەك ساپارباەۆ ءسوز الىپ, اسكەريلەردى جانە جينالعانداردى ءتول مەرەكەسىمەن جانە ۇلى جەڭىستىڭ 71 جىلدىعىمەن قۇتتىقتادى.
«تاۋەلسىز مەملەكەتىمىزدىڭ سالتانات قۇرۋىندا اعا ۇرپاقتىڭ جاۋىنگەرلىك ەرلىك ونەگەسىنىڭ ماڭىزى زور. ال, قازىر قىزمەت ەتىپ جاتقان اسكەريلەر ەگەمەن ەلىمىزدىڭ قاۋىپسىزدىگىن قامتاماسىز ەتىپ, ەل تىنىشتىعىن قورعاۋدا ولشەۋسىز ەڭبەك ەتىپ كەلەدى. بۇل ءاربىر قازاقستاندىق ءۇشىن ابىرويلى مىندەت, ازاماتتىق پارىز», دەي كەلىپ ءوڭىر باسشىسى مەرەكەمەن قۇتتىقتادى.
مەرەكەلىك شارا اياسىندا ءبىر توپ اسكەريلەردى «ءمىنسىز قىزمەتى ءۇشىن» مەدالىمەن ماراپاتتاۋ ءراسىمى بولدى. ولاردىڭ ارسىندا كاپيتاندار قايرات وسپانوۆ, اسىلان نۇرعازيەۆ, اعا لەيتەنانت ارتۋر ابدراحمانوۆ ءىىى دارەجەلى, اعا سەرجانتتار عالىمجان مەرالى, عالىمجان قوجاقۇلوۆ ءىى دارەجەەلى, پودپولكوۆنيك ماناربەك قابيزوۆ, مايورلار ەسبولات ونەرباەۆ, شىنار جۇمانبەتوۆا جانە لەيتەنانت سەرگەي گاپاروۆ ءى دارەجەلى «ءمىنسىز قىزمەتى ءۇشىن» مەدالدارىمەن ماراپاتتالدى.اسكەري ءبولىمنىڭ ءبىر توپ جاۋىنشگەرلەرىنە وڭىردە قوعامدىق ءتارتىپتى ساقتاۋ. ءبىر توپ اسكەريلەرگە ازاماتتاردىڭ قاۋىپسىزدىگىن قورعاۋ مىندەتىن ابىرويلى اتقارعانى ءۇشىن وبلىس اكىمىنىڭ العىس حاتى تاپسىرىلدى. وسىنداي ماراپاتقا ىشكى ىستەر اسكەرىنىڭ ارداگەرلەرى امانگەلدى وسپانوۆ پەن كارپ مالوۆوي دا يە بولدى.
شارا بارىسىندا اسكەري ءبولىم جاۋىنگەرلەرى سالتاناتتى شەرۋمەن ءوتتى. شاراعا قاتىسۋشىلار اسكەري قارۋ –جاراقپەن, تەحنيكامەن تانىستى.
ساتىبالدى ءساۋىرباي.
دەرەك: egemen.kz
فوتو: حايرەدەن راۋشانوۆ.
