قوستاناي سۋيتسيدتىك وقيعالار جونىنەن ەلىمىزدەگى بەستىككە كىرەدى

قوستاناي. 8 مامىر. قوستاناي وبلىسى جاسوسپىرىمدەر اراسىنداعى سۋيتسيدتىك وقيعالار سانى جونىنەن رەسپۋبليكا ايماقتارىنىڭ بەستىگىنە كىرىپ وتىر. بۇل تۋرالى alau.kz سايتىنا سىلتەمە جاساعان egemen.kz ءتىلشىسى حابارلادى. وبلىس اكىمىنىڭ ورىنباسارى مارات جۇندىباەۆتىڭ ايتۋىنشا, جىل باسىنان بەرى سۋيتسيدتىك بىرنەشە وقيعا تىركەلگەن. ونىڭ ىشىندە 8 ءجاسوسپىرىم ومىردەن قوشتاسۋعا ۇمتىلعان, 2 ءجاسوسپىرىم وزىنە قول جۇمساعان. وبلىس وڭىرىندەگى اۋداندار مەن قالالار اراسىندا بۇل جونىنەن رۋدنىي قالاسى باستى ورىندا تۇر. رۋدنىي قالالىق ءبىلىم بەرۋ ءبولىمىنىڭ باسشىسى ولگا كانونەنكونىڭ مالىمەتىنشە, سۋيتسيدتىك فاكتىلەردىڭ باسىم كوپشىلىگى كومپيۋتەرمەن بايلانىستى كورىنەدى. سوندىقتان قالادا بارلىق قاجەتتى شارالار قاراستىرىلىپ جاتىر. قالالىق پروكۋراتۋرامەن بىرلەسىپ, سۋيتسيدتىك باعىتتاعى جەلىلەر باقىلانادى, بالالارمەن جانە ولاردىڭ اتا-انالارىمەن ناقتى جۇمىستار جۇرگىزىلۋدە. ءنازيرا جارىمبەتوۆا. دەرەك, فوتو: alau.kz.