ەلوردادا جەڭىس كۇنىنە ارنالعان ۆەلوشەرۋ ءوتتى

استانا. 7 مامىر. استانادا جەڭىستىڭ 71 جىلدىعىنا ارنالعان مەرەكەلىك ۆەلوشەرۋ ءوتتى. بۇل تۋرالى bnews.kz-كە سىلتەمە جاساعان egemen.kz ءتىلشىسى حابارلادى. ايتۋلى شارانى قازاقستان ۆەلوسپورت فەدەراتسياسى مەن «استانا» پرەزيدەنتتىك سپورت كلۋبى بىرلەسىپ ۇيىمداستىردى. ۆەلوشەرۋ سورەسى «سالتانات سارايى» ماڭىنان باستالىپ, قابانباي باتىر كوشەسى ارقىلى «سارىارقا» رەسپۋبليكالىق ۆەلوترەگىندەگى مارەدەن اياقتالدى. ۇيىمداستىرۋشىلاردىڭ ايتۋىنشا, بۇل اكتسيا حالىقتى سپورتپەن شۇعىلدانىپ, سالاۋاتتى ءومىر سالتىن ۇستانۋعا, ۆەلوسپورتتى ناسيحاتتاۋعا باعىتتالعان. بۇدان بولەك, مەرەكەلىك شارا ۇلى وتان سوعىسى ارداگەرلەرىنىڭ ۇلى ەرلىگىنە تاعزىم ەتۋدى كوزدەيدى. ايتا كەتەيىك, بۇگىنگى تاڭدا ەلىمىزدە ۆەلوسپورتتىڭ تانىمالدىلىعى ارتىپ كەلەدى. ماسەلەن, الماتىدا وتكەن سوڭعى ۆەلوشەرۋگە ءۇش مىڭنان استام ادام قاتىسقان. تالعات رايىمبەك. دەرەك, فوتو: bnews.kz.