ۇلى وتان سوعىسىنىڭ ارداگەرلەرىنە ءبىزدىڭ قولداۋىمىز بەن كوڭىل ءبولۋىمىز وتە قاجەت.
نۇرسۇلتان نازارباەۆ
مەملەكەتىمىزدىڭ تاريحىنداعى ەڭ ماڭىزدى كۇندەردىڭ ءبىرى, 9 مامىر – جەڭىس مەرەكەسى جاقىنداپ كەلەدى. وسىدان 71 جىل بۇرىن ءبىزدىڭ اتالارىمىز بەن اكەلەرىمىز ۇلى وتان سوعىسىندا جەڭىسكە جەتتى. ولار جانقيارلىق ەرلىكتەرىنىڭ ارقاسىندا وتانىمىزدى قورعاپ, بىزگە بەيبىت ءومىر مەن اشىق اسپان سىيلادى. تسەسنابانك ارداگەرلەردىڭ كۇندەلىكتى ومىرىندە تۇراقتى نەگىزدە كومەك كورسەتۋگە ۇندەيتىن «ارداگەرلەرگە قولداۋ كورسەتۋ!» اكتسياسىنىڭ باستالعانى جونىندە حابارلاۋدى زور مارتە سانايدى. ويتكەنى, تسەسنابانك جىل سايىن جەڭىس كۇنىن مەرەكەلەۋگە بەلسەنە قاتىسادى. 2016 جىلدان باستاپ تسەسنابانك اي سايىنعى ماتەريالدىق كومەك كورسەتۋ ارقىلى وزىنە قازاقستان قالالارىنداعى 23 ارداگەرگە قامقورلىق تانىتۋ قۇرمەتىن زور ماقتانىشپەن قابىلداپ الادى. جەڭىس جاۋىنگەرلەرىنىڭ بولاشاق ءۇشىن جاساعان ەرەن ەرلىكتەرى باعا جەتپەس ماقتانىشىمىز! ولار كەلەشەك ۇرپاق, ءبىزدىڭ ەركىندىگىمىز ءۇشىن كۇرەستى! ۇلى وتان سوعىسىنىڭ ادامزات بالاسىنىڭ جانىنا سالعان جان جاراسىن جادىندا ساقتاعان بارلىق ازاماتتاردى اكتسيانى قولداۋعا جانە ارداگەرلەرگە ۇنەمى قامقورلىق تانىتۋ مىندەتىن الۋعا شاقىرامىز. ۇلى جەڭىس جاساسىن! ايبىندى جاۋىنگەرلەر جاساسىن! اكتسيا جايلى تولىعىراق ءبىزدىڭ رەسمي سايتىمىزدا: www.tsb.kz مارات اققۇل, «ەگەمەن قازاقستان»
