پارلامەنت

«ماڭگىلىك ەل» – بابالار اماناتى

ءماجىلىس دەپۋتاتتارى قۋانىش سۇلتانوۆ, احمەت مۋرادوۆ, بەيبىت مام­راەۆ, ساپار اح­مە­توۆ جانە باقىتگۇل حامە­نوۆا اتىراۋ جۇرتشى­لى­عىمەن كەزدەسۋلەردە «ءماڭ­گىلىك ەل» پاتريوت­تىق اكتىسىنىڭ قابىل­دانۋىنىڭ ماڭىزىن ءتۇسىندىردى. دەپۋتاتتاردىڭ پىكىرىنشە, تاۋەلسىزدىك العالى بەرى ەلىمىزدە بارشانى ەلدىك, وتانشىلدىق مۇددەگە بىرىكتىرگەن الۋان-الۋان ىستەر اتقارىلىپ كەلەدى. سونىڭ ەڭ باستىسى – «ماڭگىلىك ەل» يدەياسى. ۇلى دالا ەلىنىڭ الەمدىك قوعامداستىققا ىشكى تۇراقتىلىعىمەن, ەتنوسارالىق كەلىسىم مەن بىرلىكتى, ىنتىماق پەن دوستىقتى نىعايتا العان رەفورمالاردىڭ جەمىستى بولۋىمەن تانىلۋىنىڭ تۇپكى ماقساتى – ەڭ دامىعان 30 ەلدىڭ بىرىنە اينالۋ. ماڭگىلىك ەل بولۋدى بابالارىمىز دا اڭسادى. بۇل اڭسارلى ماقساتتى ىسكە اسىرۋدا ەلباسى نۇرسۇلتان نازارباەۆتىڭ ەرەن ەڭبەگى بار. – قازاق جەرىنىڭ اۋماعىمەن ۇلى جىبەك جولىنىڭ وتە باستاعانىنا 2000 جىلدان استى. سول كەزدىڭ وزىندە ەلىمىز ساۋدا كەرۋەندەرىنىڭ قارىم-قاتىناستارىنىڭ, تاۋار الماسۋ جۇيەسىنىڭ ءبىر رەتكە كەلۋىنە ىقپال ەتىپ وتىرعان. قازىرگى تاڭدا ءبىزدىڭ تاۋەلسىز قازاقستانىمىز الەم ەلدەرىمەن تەك ديپلوماتيالىق, ەكونوميكالىق قاتىناستى عانا ەمەس, سونداي-اق, كوپتەگەن ەلدەرمەن ءبىلىم مەن عىلىم, مادەنيەت, مەديتسينا سالالارىندا, ءتىپتى, جاڭا تەحنولوگيالار جۇيەسىندە ارىپتەستىكتى جەتىلدىرىپ وتىر. ءبىز الەم ەلدەرىمەن بىلىممەن, اقىلمەن باسەكەلەس بولا الامىز, – دەدى ءماجىلىس دەپۋتاتى قۋانىش سۇلتانوۆ. ءماجىلىس دەپۋتاتى ساپار احمەتوۆتىڭ ايتۋىنشا, ەلىمىزدىڭ ءار وڭىرىندە 800-دەي جاڭا كاسىپورىن قۇرىلدى. ماشينا جاساۋ ءوندىرىسى دامىپ, جاڭا تەحنولوگيالار ءار سالادا ەنگىزىلۋدە. «نۇرلى جول» باعدارلاماسى اياسىندا 7000 كم. جول سالىنىپ جاتىر. كەزدەسۋلەردە ەل ومىرىندەگى وزگە دە وزەكتى ماسەلەلەرگە قاتىستى كەلەلى اڭگىمە قوزعالدى. جولداسبەك شوپەعۇل, «ەگەمەن قازاقستان» اتىراۋ

 كەستەگە سايكەس وتكەن كەزدەسۋلەر

ءماجىلىس دەپۋتاتى, «نۇر وتان» پارتياسى فراكتسيا­سى­نىڭ مۇشەسى جەكسەنباي دۇيسەباەۆ ماڭعىستاۋ وبلى­سى­نىڭ ەلدى مەكەندەرىندە سايلاۋشىلارمەن كەزدەسۋلەر وتكىزدى. دەپۋتات اقتاۋ قالاسىنداعى «ماڭعىستاۋ اتومەنەرگو كومبيناتى» جشس-ىندە, ماڭعىستاۋ اۋدانىنىڭ ورتالىعى شەتپە اۋىلىندا ورنالاسقان «كاسپي تسەمەنت» جشس-ىندە جۇمىسشىلارمەن كەزدەستى, سونداي-اق, اۋداننىڭ ەڭبەك ارداگەرلەرىمەن, اۋدان اقساقالدارىمەن, تۇرعىندارىمەن جۇزدەستى. كەزدەسۋلەر بارىسىندا بۇگىنگى كۇننىڭ كەيبىر كوكەيكەستى ماسەلەلەرىنە بايلانىستى اڭگىمە قوزعالدى. ج.دۇيسەباەۆ, سونىمەن قاتار, كەشە تۇپقاراعان اۋدانىندا جەرگىلىكتى تۇرعىندارمەن, ەڭبەك ارداگەرلەرىمەن بىرقاتار كەزدەسۋلەر وتكىزدى جانە «نۇر وتان» پارتياسىنىڭ وبلىستىق فيليالىندا جەرگىلىكتى بۇقارالىق اقپارات قۇرالدارى وكىلدەرىنە ارناپ بريفينگ بەردى. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى   اشىق ساۋال, تۇششىمدى جاۋاپ پارلامەنت سەناتىنىڭ دەپۋتاتى بەكتاس بەكنازاروۆ پەن پارلامەنت ءماجىلىسىنىڭ دەپۋتاتى باقىتجان ەرتاەۆ جامبىل جانە جۋالى اۋداندارىنىڭ تۇرعىندارىمەن كەزدەستى. الدىمەن ەكى اۋداننىڭ ءبىراز اۋىلدارىنا اتباسىن بۇرىپ, جەرگىلىكتى جۇرتپەن ەمەن-جارقىن اڭگىمەلەستى.   ورالحان ءداۋىت, «ەگەمەن قازاقستان»   دەپۋتاتتاردىڭ بۇل كەزدەسۋى اۋدان ورتالىعىنداعى مادەنيەت سارايىندا جالعاسىن تاپتى. جيىندا زاڭ شىعارۋشى قوس پالاتانىڭ قازىرگى تىنىس-تىرشىلىگى, قۇقىق قورعاۋ سالاسىنا قاتىستى زاڭدارداعى وزگەرىستەر, ەلدىڭ جاعدايى, اۋىل حالقىنىڭ تۇرمىسى كەڭىنەن اڭگىمە بولدى. جينالعان قاۋىم كوكەيلەرىندەگى ساۋالدارىن قويىپ, ەكى ورتادا اشىق ۇنقاتىسۋ ورنادى. ب.بەكنازاروۆ پەن ب.ەرتاەۆ كوپشىلىككە تولعاندىرعان سۇراقتارىنا قاتىستى ۇعىنىقتى نەگىزدە ماعلۇماتتار بەردى. ارينە, ءار سالانىڭ ءوز ماماندارى بار. ولار ءوز كاسىبىنىڭ قىر-سىرىن بەس ساۋساعىنداي بىلسە كەرەك. وسى ورايدا, اۋدان حالقى كوكەيلەرىندە جۇرگەن ساۋالدارىن اشىق جولداپ, ءوز ويلارىن دا ورتاعا سالىپ, تۇششىمدى جاۋاپتار الدى.   جامبىل وبلىسى