ەرلىك ەسەپپەن جاسالمايدى

جەلتوقسان ايى ەدى... ءالى ەسىمدە. دالىرەك ايتسام, 2013 جىلدىڭ 4 جەلتوقسانى بولاتىن. جوسپارلى اسكەري تاپسىرما بويىنشا الما­تىدان سەمەي قالاسىنا قاراي پويىزعا ءمىنىپ جولعا شىقتىق.  اسكەري قۇرامدا قاراۋىل باستىعى, قاراۋىل باستىعىنىڭ ەكى ورىنباسارى, ءتورت سارباز, ءبىر اسپاز جانە تەكسەرۋشى ءبىر وفيتسەر بار... جولاۋشىلار پويىزىنا ارنايى تىركەلگەن ءبىزدىڭ ۆاگوننىڭ ىشىندە 82 سوتتالعان تۇتقىن بولدى. جاڭعىزتوبە ستانساسىنان وتكەندە ادەتتەگىدەي, سوتتالۋشىلاردىڭ ءبىرى دارەتحاناعا سۇراندى. مەنىڭ قاراۋىمداعى ەكى ساقشىنىڭ ءبىرى كامەرانىڭ ەسىگىن باقىلايدى. سەبەبى, سوتتالعاندار كەز كەلگەن ءبىر ساتتىك مۇمكىندىكتى پايدالانىپ ءبىر-بىرىنە كۇماندى زاتتار ۇسىنۋى ابدەن مۇمكىن. ال ەكىنشى ساقشى مەنىمەن بىرگە جۇرەدى ءارى ماعان تۇتقىندارعا تاماق بەرەتىن كەزدە, ولاردى اجەتحاناعا شىعارۋدا قول­عابىس ەتەدى. ول مۇباراكوۆ دەگەن ساقشى ەدى. دارەت الۋعا رۇقسات سۇراعان تۇت­­قىندى دالىزگە شىعاردىق. وقي­عا ءبىز ساقشى ەكەۋمىز ورىن اۋىستىرعان كەزدە قاس-قاعىم ساتتە ورىن الدى. تەرىس قاراپ تۇرعان اككى تۇتقىن ءوز ەرنىن تىستەپ قاناتقان ەكەن. تالماۋسىراپ بارا جاتقان كەيىپپەن مۇباراكوۆقا قاراي سىلق ءتۇسىپ قۇلاعان سىڭاي تانىتتى. وسى كەزدە جاۋىنگەر ونى ەكى قو­لى­مەن ۇستاي الماق ەدى, سول كەزدە تۇتقىن ونىڭ جامباسىنداعى وقتاۋلى تاپانشانى ج ۇلىپ الىپ ۇلگەردى. اينالۋعا مۇرشا بەر­مەيتىن تار جەردە ارپالىس باس­تالىپ كەتتى. تەز قيمىلداپ تۇتقىن­نىڭ وڭ جاق بەتىنەن سول قولمەن قاتتى ۇردىم. وسى ساتتە تۇتقىن مۇباراكوۆتى ءبىر رەت اتىپ ۇلگەردى. مۇباراكوۆ قۇلاعاندا مەن تۇتقىنعا ۇمتىلدىم.تامبۋردىڭ ءىشى تار, قولىڭدى سوزۋ مۇمكىن ەمەس. ونىڭ ەكىنشى اتقان وعى مە­نىڭ ىشىمە ءتيدى. سول قولىممەن ءىشىمدى باسىپ ۇلگەرەر-ۇلگەرمەستەن تۇتقىندى باس سالدىم. كەڭىردەگىنە جابىسقان كۇيى توبىعىنان تەپتىم. ءالسىز شىقتى. قولىم جەڭىنە تيگەندە قۇشاقتاي الىپ, جامباسقا سالىپ الىپ ۇردىم. سول كەزدە ول مەنى ەكىنشى رەت اتتى. ەكەۋمىز بىردەي قۇلادىق. جانىما باتقانىنا قارا­ماستان «تىرپ» ەتكىزبەي باسىپ جاتتىم. «دابىلدى» ەستىپ قاراۋىل باستىعىمەن بىرگە تولىق قۇرامنىڭ ساربازدارى كەلىپ جەتتى. ماعان ال­­عاشقى مەديتسينالىق كومەك كورسەتىلدى. بۇل كەزدە سەمەي قالاسىنا جاقىنداپ تا قالعانبىز, 20 مينۋتتان سوڭ ستانساعا جەتىپ توق­تا­دىق. الدىمىزدان جەدەل ءجار­دەم شىقتى. تۇتقىندى قارۋ­سىز­داندىرىپ تاستاعانبىز. سەمەي­دىڭ اۋرۋحاناسىندا 25 كۇندەي جاتتىم. ىشىمە ەكى وق ءتيدى. ونىڭ ءبىرى ءىشىمدى تەسىپ وتكەن. دارىگەرلەر ءتورت رەت وپەراتسيا جاسادى.ءۇشىنشى وق... ءبارى­بىر سول جامباسىمدا قالىپ قويدى. سەمەيدەن الماتىعا الىپ كەلگەن ءۇش كۇننەن سوڭ قىزۋىم كوتەرىلىپ, وپەراتسيا ۇستەلىنە قايتا جاتتىم. تاعى وپەراتسيا جاسالدى. ايىعىپ شىققان كۇنى قازاقستان رەسپۋبليكاسىنىڭ پرەزيدەنتى, باس قولباسشىمىز نۇرسۇلتان ءابىش ۇلى نازارباەۆتىڭ ءوز قولىنان ءىى دارەجەلى «ايبىن» وردەنىن الدىم. اسكەري باسشىلىق وتكەن جىلدىڭ سوڭىندا لەيتەنانت اتاعىن بەردى, بۇعان قوسا, الماتى قالاسىنان ءبىر بولمەلى پاتەر سىيلادى. ...سول ءبىر وقيعا ۇمىتىلماستاي جا­دىمدا ساقتالىپ قالدى. ءبىر تۇسىنگەنىم, ەرلىك كۇتپەگەن جەردە, ويدا جوقتا جاسالادى ەكەن. جاندوس بايانباەۆ, لەيتەنانت,  №7552 اسكەري ءبولىمى بولىمشە كومانديرىنىڭ جاستار تاربيەسى ءىسى جونىندەگى كومەكشىسى, ءىى دارەجەلى «ايبىن» وردەنىنىڭ يەگەرى الماتى