سايىپقىران سەرجانت

بۇگىنگىنىڭ باتىرى اسحات قوڭىروۆ قاسيەتتى قارقارالى توپىراعىنىڭ تۋماسى. وسى اۋدانداعى ارقالىق دەگەن اۋىلدا دۇنيەگە كەلگەن. اسكەري قىز­مەتكەر بولۋدى بالا كەزىنەن ارمانداعان ەكەن. سول ارمانى اداستىرماپتى. بۇگىنگى كۇندە سەرجانت شەنىندەگى بۇل ازامات ناعىز اسكەري قىزمەتكەر. ونىڭ ۇستىنە بەيبىت كۇندە ەرلىگىمەن كوزگە تۇسكەن باتىردىڭ ءوزى! باتىر دەمەكشى, ءبىزدىڭ ايتپاق وقي­عا­مىز بىلاي بولعان ەدى. «ورتالىق» ءوڭىر­لىك قولباسشىلىعىنا قا­راستى №6505 ءاس­كەري ءبولىمنىڭ قىز­مەتشىسى سەرجانت اسحات قوڭىروۆتىڭ جۇمىستان ۇيىنە كەلگەن بەتى-تۇعىن. اسكەري كيىمىن شەشىپ ۇلگەرمەي كورشى ءپا­تەر­دىڭ تەرەزەسىنەن بۋداقتاپ ءتۇتىن شى­عىپ جاتقانىن كورىپ قالادى. ەسىكتى اشىپ ەدى, كىرەبەرىس كوك ءتۇتىن, تىسقا شىعۋ مۇمكىن ەمەس ەكەن. جىلدام قيمىلداپ, الدىمەن ۇيدەگى كارى ەنەسىن, ودان كەيىن گاز باللونىن تىسقا شىعارىپ ۇلگەردى. سول ۋاقىتتا اۋلاعا كومەك سۇراپ شىققان كورشى ايەلدىڭ داۋىسىن ەستىدى. ورتكە ورانعان پاتەردە كارى كىسىنىڭ قالعانىن جانە پروپان  تولى گاز باللونى بار ەكەنىن ەستىگەن سەرجانت ويلانىپ تا جاتپاستان وتقا قويىپ كەتكەن. الدىمەن گاز باللونىن تەرەزەدەن تىسقا لاقتىرىپ, سونان كەيىن بارىپ بۇل كەزدە ەسسىز جاتقان كەيۋانانى دالاعا كوتەرىپ الىپ شىقتى. سوندا عانا كوردى: شالبارىنىڭ بالاعى جانىپ جاتىر ەكەن, ەتىگىنىڭ تابانى دا بالقي باستاپتى... ءسويتىپ, سىن ساعاتتا كوزسىز ەرلىكتىڭ كەرەمەت ۇلگىسىن  كورسەتكەن سەرجانتتىڭ شيراق ارەكەتىنىڭ ارقاسىندا كوپ قاباتتى ءۇيدىڭ  كىرەبەرىسى امان قالدى. ءيا, ءيا, ەگەر دە گاز باللونى جارىلار بولسا, تۇتاس پودەزدىڭ ك ۇلى كوككە ۇشار ەدى! بۇل وقيعا وتكەن جىلدىڭ قازان ايىندا بولعان ەدى. بۇگىنگى كۇندە اسحات تۇك بولماعانداي وزىنە جۇك­تەلگەن مىندەتتەردى تياناقتى اتقارىپ ءجۇر. «مۇنداي جاعدايدا ساسىپ قالماي, دۇرىس شەشىم قابىلداعانىما قۋانىشتىمىن. جالپى, كەز كەلگەن اسكەري ادام مەنىڭ ورنىمدا بولسا وسىلاي ىستەيدى دەپ ويلايمىن. جارعىدا جازىلماعان. بىراق, ادامداردى قۇتقارۋ, اسىرەسە, اسكەريلەردىڭ قاستەرلى مىندەتى!», – دەيدى باتىرىڭ. «قازىرگى تاڭدا قازاقستان رەسپۋبليكاسى ۇلتتىق ۇلانى «ورتالىق» وڭىرلىك قولباس­شىلىعىنا قاراستى № 6505 اسكەري ءبولىمىنىڭ اسكەري قىزمەتشىسى, سەرجانت اسحات قوڭىروۆتىڭ ەرلىگى ەسكەرىلىپ, اسكەري ءبولىم باسشىلىعىنا ماراپاتقا ۇسىنىلدى», دەيدى قر ۇلتتىق ۇلانى «ورتالىق» وڭىرلىك قولباسشىلىعى ءباسپاسوز قىزمەتىنىڭ باسشىسى, مايور قانات دوس ۇلى. اسحاتتىڭ وسى ەرلىگىن وبلىس اكىمى, اسكەري ءبولىمنىڭ باسشىلىعى دا لايىقتى تۇردە اتاپ ءوتتى. بۇدان بولەك, ءتىلسىز جاۋدان امان قالعان تۇرعىنداردىڭ قۇتقارۋشىعا ايتار العىسى دا شەكسىز بولدى. ەگەمەن ەلىمىز ءۇشىن ادام ءومىرى – باعا جەتپەس بايلىق بولسا, ادام ءومىرىن ساقتاپ قالۋ – تەڭدەسسىز ەرلىك. ال اسحات قوڭىروۆ سەكىلدى قايسار رۋحتى جىگىتتەردى قالاي عانا بەيبىت كۇننىڭ باتىرى دەمەسكە؟! اسحات قازىر قاراعاندى مەملەكەتتىك تەحنيكالىق ۋنيۆەرسيتەتىندە سىرتتاي وقىپ ءجۇر. جوعارى ءبىلىم العان سوڭ وفيتسەر بولىپ, قول باستاۋ – الداعى ماقساتتىڭ ءبىرى. كەشكە جۇمىستان شارشاپ كەلگەنىندە سۇيىكتى جارى اينۇر ك ۇلىمدەپ قارسى الادى. ەكى جاستان اسقان ق ۇلىنشاعى ايارۋ جۇگىرىپ كەلىپ موينىنا اسىلادى. مىنە, وتباسىنىڭ وسىنداي ىنتىماعى اسحاتتاي بەيبىت كۇننىڭ باتىرىنا كۇش بەرەدى, الداعى ماقساتتارىنا جەتۋىنە ىنتالاندىرادى. قايرات ءابىلدينوۆ, «ەگەمەن قازاقستان» قاراعاندى