بالا قيالىنا شەك بار ما؟ قازىر زىڭگىتتەي جىگىت بولعانداردىڭ بارلىعىنىڭ دا كىشكەنتاي كەزىندە ارمان قۇشاعىندا تەربەتىلگەنىن ەشكىم دە جوققا شىعارا الماسى انىق. ايبات كارىموۆ تە بالا كەزىنەن اسكەري ادام بولۋدى جانى قالايتىن. مۇنداي ويدىڭ ءوز قيالىنا قالاي قانات بىتىرگەنىن تاپ باسىپ ايتا المايدى. ايتەۋىر, اسكەري ادام بولسام دەپ تالپىنعانى ەسىندە.
سودان دا بولار, شۇبارقۇدىقتاعى ورتا مەكتەپتىڭ سەگىزىنشى سىنىبىن بىتىرگەن سوڭ وبلىس ورتالىعىنداعى ەسەت باتىر اتىنداعى پوليتسيا مەكتەبىنە ءتۇسىپ, ونى جاقسى اياقتاعانى. ۇستازدار وتباسىندا تاربيەلەنگەن ونىڭ مەكتەپتە دە, پوليتسيا مەكتەپ-ينتەرناتىندا دا ۇلگىلى بولۋى سول تاربيەنىڭ ارقاسى دەۋ ورىندى. بالا بولىپ, شالكەس مىنەز تانىتپادى دەسەك, اقيقاتتان اتتاعانىمىز بولار ەدى. ول دا بالالىق شاقتىڭ بال داۋرەنىن بەلىنەن كەشتى. بىراق, ارتىق قىلىقتارعا بارعان ەمەس.
– مەن ءوزىم ۇستازدار وتباسىندا ءوستىم. وتباسىنداعى ءۇش بالانىڭ كەنجەسىمىن. اكەم سران دا, مارقۇم انام كۇلاندا دا مۇعالىمدەر. مەن نەگە ەكەنىن بىلمەيمىن, اسكەري ادام بولۋدى ارماندادىم. سول ارمانىما جەتتىم دە. مىندەتتى اسكەري بورىشىمدى استانادا وتكەردىم, 2007 جىلى وسىندا ورنالاسقان №6655 اسكەري بولىمگە كەلىسىمشارتپەن جۇمىسقا تۇردىم. قازىر وسى اسكەري ءبولىمنىڭ تىلداعى جۇمىستار جونىندەگى كومەندانتىمىن, – دەدى ول.
ونىڭ ومىرىندەگى وقىس وقيعا 2009 جىلدىڭ ءساۋىر ايىندا بولعان ەدى. قاشاندا جان-جاقتاعى وقيعالارعا قاعىلەزدىكپەن قارايتىن ايبات ءورتتى بىردەن اڭعاردى. ول ءورت تۇتانعان «انار» كافەسى ەكەنىن دە كەيىن ەستىدى. بىراق, ءبىر ساتتە ويلانىپ-تولعاناتىن ۋاقىتتىڭ جوقتىعىن سەزىنگەن ول قاسىنداعى ساربازداردى, وقىس وقيعاعا تاڭعالۋشىلاردى كەيىن ىسىرىپ, قاۋىپسىزدىك ايماعىن قورعادى. وسىنداي ۇيىمداستىرۋ جۇمىسىن اتقارىپ جۇرگەن ول, كافەنىڭ ىشىندە قالعان يەسىن قۇتقارۋدىڭ قاجەتتىلىگىن ءتۇسىندى. ءسويتتى دە ول وتقا ورانعان كافەگە كىرىپ, ءتۇتىنگە تۇنشىققان كافەنىڭ قوجايىنىن دالاعا الىپ شىقتى. ايباتتىڭ بۇل ازاماتتىعى اقتوبەلىكتەرگە تەز تارادى. سوندىقتان دا بولار, وعان دەگەن قالالىقتاردىڭ ىقىلاسى, نيەتى ەرەكشە.
– مەن, مۇنى ەشقانداي ەرلىك دەپ ەسەپتەمەيمىن, ازاماتتىق پارىزىم دەپ تۇسىنەمىن. مەنىڭ ورنىمداعى ءار ازامات وسىلاي ىستەيتىنىنە كەپىلدىك بەرەمىن. ءبىز تاتۋلىق پەن تۇراقتىلىق ىرگەتاسى بەرىك ەلدە تۇرىپ جاتىرمىز. سوندىقتان ءبىر-ءبىرىمىزدى قيىنشىلىقتان قۇتقارۋ ازاماتتىق پارىزىم دەپ ەسەپتەيمىن, – دەيدى ول.
وسىنداي ازاماتتىق قيمىلى ءۇشىن ول ىشكى ىستەر مينيسترلىگىنىڭ «قوعامدىق ءتارتىپتى قامتاماسىز ەتۋدە ۇزدىك شىققانى ءۇشىن» مەدالىمەن ماراپاتتالدى. مەكتەپكە باراتىن يسلامى مەن بالاباقشا تاربيەلەنۋشىسى يناباتىن وزىندەي ازامات بولسا ەكەن دەپ تىلەيدى. كوڭىلى قالاعان كاسىبىنە قالتقىسىز بولۋعا بەيىم جىگىت الداعى كۇندەرگە ۇلكەن ۇمىتپەن قارايدى. وتباسىنداعى ىنتىماقتى قالايتىن تالاپتى جاستىڭ الار اسۋى بيىك بولارىنا سەنىمىمىز مول.
ساتىبالدى ءساۋىرباي,
«ەگەمەن قازاقستان»
اقتوبە وبلىسى
بالا قيالىنا شەك بار ما؟ قازىر زىڭگىتتەي جىگىت بولعانداردىڭ بارلىعىنىڭ دا كىشكەنتاي كەزىندە ارمان قۇشاعىندا تەربەتىلگەنىن ەشكىم دە جوققا شىعارا الماسى انىق. ايبات كارىموۆ تە بالا كەزىنەن اسكەري ادام بولۋدى جانى قالايتىن. مۇنداي ويدىڭ ءوز قيالىنا قالاي قانات بىتىرگەنىن تاپ باسىپ ايتا المايدى. ايتەۋىر, اسكەري ادام بولسام دەپ تالپىنعانى ەسىندە.
سودان دا بولار, شۇبارقۇدىقتاعى ورتا مەكتەپتىڭ سەگىزىنشى سىنىبىن بىتىرگەن سوڭ وبلىس ورتالىعىنداعى ەسەت باتىر اتىنداعى پوليتسيا مەكتەبىنە ءتۇسىپ, ونى جاقسى اياقتاعانى. ۇستازدار وتباسىندا تاربيەلەنگەن ونىڭ مەكتەپتە دە, پوليتسيا مەكتەپ-ينتەرناتىندا دا ۇلگىلى بولۋى سول تاربيەنىڭ ارقاسى دەۋ ورىندى. بالا بولىپ, شالكەس مىنەز تانىتپادى دەسەك, اقيقاتتان اتتاعانىمىز بولار ەدى. ول دا بالالىق شاقتىڭ بال داۋرەنىن بەلىنەن كەشتى. بىراق, ارتىق قىلىقتارعا بارعان ەمەس.
– مەن ءوزىم ۇستازدار وتباسىندا ءوستىم. وتباسىنداعى ءۇش بالانىڭ كەنجەسىمىن. اكەم سران دا, مارقۇم انام كۇلاندا دا مۇعالىمدەر. مەن نەگە ەكەنىن بىلمەيمىن, اسكەري ادام بولۋدى ارماندادىم. سول ارمانىما جەتتىم دە. مىندەتتى اسكەري بورىشىمدى استانادا وتكەردىم, 2007 جىلى وسىندا ورنالاسقان №6655 اسكەري بولىمگە كەلىسىمشارتپەن جۇمىسقا تۇردىم. قازىر وسى اسكەري ءبولىمنىڭ تىلداعى جۇمىستار جونىندەگى كومەندانتىمىن, – دەدى ول.
ونىڭ ومىرىندەگى وقىس وقيعا 2009 جىلدىڭ ءساۋىر ايىندا بولعان ەدى. قاشاندا جان-جاقتاعى وقيعالارعا قاعىلەزدىكپەن قارايتىن ايبات ءورتتى بىردەن اڭعاردى. ول ءورت تۇتانعان «انار» كافەسى ەكەنىن دە كەيىن ەستىدى. بىراق, ءبىر ساتتە ويلانىپ-تولعاناتىن ۋاقىتتىڭ جوقتىعىن سەزىنگەن ول قاسىنداعى ساربازداردى, وقىس وقيعاعا تاڭعالۋشىلاردى كەيىن ىسىرىپ, قاۋىپسىزدىك ايماعىن قورعادى. وسىنداي ۇيىمداستىرۋ جۇمىسىن اتقارىپ جۇرگەن ول, كافەنىڭ ىشىندە قالعان يەسىن قۇتقارۋدىڭ قاجەتتىلىگىن ءتۇسىندى. ءسويتتى دە ول وتقا ورانعان كافەگە كىرىپ, ءتۇتىنگە تۇنشىققان كافەنىڭ قوجايىنىن دالاعا الىپ شىقتى. ايباتتىڭ بۇل ازاماتتىعى اقتوبەلىكتەرگە تەز تارادى. سوندىقتان دا بولار, وعان دەگەن قالالىقتاردىڭ ىقىلاسى, نيەتى ەرەكشە.
– مەن, مۇنى ەشقانداي ەرلىك دەپ ەسەپتەمەيمىن, ازاماتتىق پارىزىم دەپ تۇسىنەمىن. مەنىڭ ورنىمداعى ءار ازامات وسىلاي ىستەيتىنىنە كەپىلدىك بەرەمىن. ءبىز تاتۋلىق پەن تۇراقتىلىق ىرگەتاسى بەرىك ەلدە تۇرىپ جاتىرمىز. سوندىقتان ءبىر-ءبىرىمىزدى قيىنشىلىقتان قۇتقارۋ ازاماتتىق پارىزىم دەپ ەسەپتەيمىن, – دەيدى ول.
وسىنداي ازاماتتىق قيمىلى ءۇشىن ول ىشكى ىستەر مينيسترلىگىنىڭ «قوعامدىق ءتارتىپتى قامتاماسىز ەتۋدە ۇزدىك شىققانى ءۇشىن» مەدالىمەن ماراپاتتالدى. مەكتەپكە باراتىن يسلامى مەن بالاباقشا تاربيەلەنۋشىسى يناباتىن وزىندەي ازامات بولسا ەكەن دەپ تىلەيدى. كوڭىلى قالاعان كاسىبىنە قالتقىسىز بولۋعا بەيىم جىگىت الداعى كۇندەرگە ۇلكەن ۇمىتپەن قارايدى. وتباسىنداعى ىنتىماقتى قالايتىن تالاپتى جاستىڭ الار اسۋى بيىك بولارىنا سەنىمىمىز مول.
ساتىبالدى ءساۋىرباي,
«ەگەمەن قازاقستان»
اقتوبە وبلىسى
سوڭعى جاڭالىقتار
پرەزيدەنت: ورتالىق ازيانىڭ سۋ قاۋىپسىزدىگى – ورتاق مىندەت
پرەزيدەنت • كەشە
توقاەۆ: ارال باسسەينىندەگى ەكولوگيالىق احۋال الاڭداتارلىق
پرەزيدەنت • كەشە
پرەزيدەنت ارالدى قۇتقارۋ قورىنىڭ ءوڭىر ءۇشىن ماڭىزىن اتاپ ءوتتى
پرەزيدەنت • كەشە
فونوگرامماعا قاتىستى جاڭا ەرەجە كۇشىنە ەندى
مادەنيەت • كەشە
جانابىلوۆتەر ءىسى: پروكۋراتۋرا 4 جىل جازا سۇرادى
قوعام • كەشە
ارالدى قۇتقارۋ قورى قاتىسۋشىلارى اقورداعا كەلدى
پرەزيدەنت • كەشە
