سوڭعى كەزدەرى «جىگىتتىڭ كوبى اسكەرگە جارامسىز» نەمەسە «اسكەرگە بارعىسى كەلمەيدى», «وتان الدىنداعى پارىزىن وتەۋگە قۇلشىنىس جوق», دەگەن سىڭايلى اڭگىمەلەر ءجيى ايتىلىپ ءجۇر. ءتىپتى, «سول ءۇشىن اسكەردەن جالتارعاندارعا جازانى دا كۇشەيتىپتى» دەگەندى دە ەستىدىك. شىنىمەن, سولاي ما؟ جالپى, كوكتەمگى اسكەرگە شاقىرۋ ناۋقانى قالاي بولىپ جاتىر؟
بۇل سۇراقتاردى قازاقستان رەسپۋبليكاسى قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى – جاساقتاۋ باسقارماسىنىڭ باستىعى امانتاي وسەرباەۆقا جولداعان ەدىك.
– امانتاي سلامجان ۇلى, ەلىمىزدە قازىر جاس ازاماتتاردى كوكتەمگى مەرزىمدى اسكەري قىزمەتكە شاقىرۋ ءجۇرىپ جاتقانى بەلگىلى. وسى جۇمىستىڭ بۇگىنگە دەيىنگى قورىتىندىسىمەن ءبولىسسەڭىز.
– 2016 جىلدىڭ 1 ساۋىرىندە ەلىمىزدىڭ بارلىق وڭىرلەرىندە 18 بەن 27 جاس ارالىعىنداعى جاس ازاماتتاردى مەرزىمدى اسكەري قىزمەتكە شاقىرۋ باستالدى. كوكتەمگى شاقىرۋ ناۋقانى ماۋسىم ايىنا دەيىن جالعاساتىنىن ايتا كەتەيىك. ياعني, ناقتى قورىتىندىسىن ايتۋ ءۇشىن ناۋقان ءالى اياقتالعان جوق. 1 ءساۋىر مەن 3 مامىر ارالىعىندا كەلىپ ءتۇسكەن مالىمەتكە سايكەس, 9 مىڭعا جۋىق اسكەرگە شاقىرىلۋشىدان ىرىكتەلىپ, اسكەرگە 3500-گە جۋىق ازامات شاقىرىلدى. 500-گە جۋىق اسكەرگە شاقىرىلۋشى جارامسىز دەپ تانىلدى. 1000-عا جۋىق ازامات كەيىنگە قالدىرىلدى. ىرىكتەۋدىڭ بارلىق كەزەڭىنەن وتكەن 3500-گە جۋىق جاڭادان شاقىرتىلعان بوزبالا اسكەري بولىمدەرگە جونەلتىلدى. ونىڭ ىشىندە ۇلتتىق قاۋىپسىزدىك كوميتەتى شەكارا قىزمەتىنە – 2500, قارۋلى كۇشتەرگە – 700, مەملەكەتتىك كۇزەت قىزمەتىنە 300-گە جۋىق ازامات ىرىكتەلدى.
– اسكەرگە شاقىرتۋ الاتىن 18 بەن 27 جاستاعى ازاماتتاردىڭ اراسىندا اسكەرگە وتەتىندەر كوبىنە 20-21-دەگىلەر. ماسەلەن, 27 جاستاعى جىگىتتىڭ «اسكەرگە كەتىپ بارا جاتىرمىن» دەگەنىن ەستىمەپپىن. وسىندايدا جالپى اسكەرگە شاقىرۋ جاسىن 27 ەمەس, ودان گورى تومەندەتۋگە بولماس پا ەدى دەگەن وي كەلەدى. بۇلاي دەۋىمە ءبىر سەبەپ, جاسىندا جارامسىز بولعان جىگىت, جاسى ۇلعايعاندا دا جارامدى بولۋى ەكىتالاي عوي. قايتا, وسى جاسى ۇلعايعاندار كوميسسيادان وتۋگە ۋاقىتىندا كەلمەي, ءبىراز ماسەلە تۋىنداپ جاتادى. كوبىسىنىڭ جۇمىسباستى نەمەسە بالالى-شاعالى بولاتىنى تاعى بار.
– ءسىزدىڭ «اسكەرگە شاقىرۋ جاسىن 27-گە دەيىن ەمەس, ودان گورى تومەندەتۋگە بولماس پا ەدى» دەگەن پىكىرىڭىزگە توقتالسام, اسكەرگە شاقىرىلاتىن ازاماتتاردىڭ جاس ارالىعى «اسكەري قىزمەت پەن ءاسكەري قىزمەتشىلەردىڭ ءمارتەبەسى تۋرالى» قازاقستان رەسپۋبليكاسىنىڭ زاڭىنا سايكەس بەكىتىلگەن. ءبۇگىندە ءاسكەرگە شاقىرىلۋشىنىڭ جاسىن تومەندەتۋ ماسەلەسى قاراستىرىلىپ جاتىر. وزدەرىڭىز بىلەسىزدەر, كوبىنە-كوپ 20-21 جاستاعى جىگىتتەر ىرىكتەلىپ الىنادى. ماسەلەن, 22 جاستان اسقان ىرىكتەۋدەن وتە الماي, اسكەرگە قابىلدانباي قالعان ازاماتتار اقىلى تۇردە اسكەري دايارلىقتان ءوتىپ, اسكەري بيلەت الۋعا بولادى. مۇنداي دا مۇمكىندىكتەر قاراستىرىلعان.
– قازىرگى كۇنى اسكەردەن جالتاراتىندار كوپ پە؟ ءوزىڭىز ءبىلەتىندەي, وتكەن جىلدان بەرى ءاسكەردەن جالتارعاندارعا جازا كۇشەيدى. وسى جايىندا كەڭىرەك توقتالساڭىز؟
– قازىرگى ۋاقىتتا شاقىرتۋ پۋنكتىنە ءوز ەركىمەن كەلۋشىلەردىڭ سانى كۇننەن-كۇنگە ارتا تۇسكەنىن زور قۋانىشپەن ايتا الامىز. اسكەردەن ءارتۇرلى الەۋمەتتىك نەمەسە جەكە باسىنىڭ ماسەلەسى بويىنشا جالتارىپ, جەرگىلىكتى اسكەري باسقارۋ ورگاندارىندا ەسەپكە الۋ قاعيداتتارىن بۇزعاندار بار, ارينە. الايدا, ءاسكەري قىزمەتتەن جالتارعاندار جاۋاپقا تارتىلاتىن بولادى. اسكەري قىزمەتتەن جالتارۋ مىڭ ايلىق ەسەپتىك كورسەتكىش مولشەرىندە ايىپپۇل تولەۋمەن, نە وسىنداي مولشەردەگى تۇزەۋ جۇمىستارىمەن, نەمەسە ءبىر جىلعا دەيىن بوستاندىقتى شەكتەۋمەن, نە وسىنداي مەرزىمگە بوستاندىقتان ايىرۋمەن جازالانادى. ەگەر ءاسكەرگە شاقىرىلۋشى تەرگەۋ ورگانى ءىستى سوتقا وتكىزگەنگە دەيىن ءوز ەركىمەن اسكەرگە شاقىرۋ پۋنكتىنە كەلسە, وندا ول قىلمىستىق جاۋاپكەرشىلىكتەن بوساتىلادى. ءاسكەري قىزمەتتەن بوساتۋعا زاڭدى سەبەپتەرى بولماي جالتارعان ازاماتتارعا مىڭ ايلىق ەسەپتىك كورسەتكىش كولەمىندە ايىپپۇل سالىنادى نەمەسە ەڭبەكپەن تۇزەتۋ جۇمىستارىنا جىبەرىلەدى, ءتىپتى ءبىر جىلعا باس بوستاندىعىنان ايىرىلۋى مۇمكىن.
– وتكەن جىلدان بەرى قانشا جىگىتكە اسكەردەن جالتارعانى ءۇشىن ايىپپۇل سالىندى؟
– وتكەن جىلى ەسەپكە الۋ قاعيداتىن بۇزىپ, ۋاقىتىندا جەرگىلىكتى تىركەلگەن جەرى بويىنشا شاقىرۋ پۋنكتىنە كەلمەگەنى ءۇشىن 5 مىڭعا جۋىق ازاماتقا ايىپپۇل سالىندى. الايدا, ەسكەرتۋ, ءتۇسىندىرۋ باعىتىندا پروفيلاكتيكالىق جۇمىستار اتقارىلىپ جاتىر.
– ەستۋىمىزشە, قازىرگى كۇنى اسكەردەگى جاعداي بۇرىنعىداي ەمەس, الدەقايدا جاقسارعان ءارى مەرزىمى دە ءبىر جىل عانا. وعان قوسا, اسكەرگە بارىپ كەلگەندەرگە دە ەلىمىزدە ەرەكشەلىكتەر بار. ماسەلەن, جۇمىسقا ورنالاسۋىنا دا ارتىقشىلىقتار قاراستىرىلعان. ال سوعان قاراماستان, اسكەرگە بارعىسى كەلمەيتىندەر از ەمەس. مۇمكىن مۇنىڭ ءبىر سەبەبى اسكەردەگى قازىرگى جاعداي تۋرالى ناسيحات جۇمىستارىنىڭ ازدىعى بولار؟
–«اسكەرگە بارعىسى كەلمەيتىندەر از ەمەس» دەگەن پىكىرىڭىزگە كەلىسپەيمىن. كەرىسىنشە, جىلدان-جىلعا وتان الدىنداعى پارىزىن وتەيمىن دەگەن جاستاردىڭ سانى ارتىپ كەلەدى. ءسوزىمنىڭ دالەلى رەتىندە ايتايىن, اسكەرگە شاقىرۋ پۋنكتتەرىنە بارىپ كورىڭىزشى, ىرىكتەۋدەن, مەديتسينالىق كوميسسيادان ءوتىپ, اسكەرگە قابىلدانسام دەگەن جاستاردىڭ ۇمتىلىسىن كورىپ, ءوزىڭىز دە بۇل ءسوزىمە كۋا بولاسىز. قازاقستان رەسپۋبليكاسى كونستيتۋتسياسىنىڭ 36-بابىنا سايكەس «قازاقستان رەسپۋبليكاسىن قورعاۋ – ونىڭ ءار ازاماتىنىڭ قاسيەتتى بورىشى» بولىپ تابىلادى. اسكەرگە بارىپ-كەلگەندەرگە زاڭ بويىنشا ەشقانداي ارتىقشىلىقتار قاراستىرىلماعان. الايدا, ءاسكەري بيلەتى بار ازاماتتارعا قىزمەتكە ورنالاسۋ الدەقايدا جەڭىل كەلەدى.
اسكەرگە شاقىرۋ بارىسىندا جەرگىلىكتى اتقارۋشى ورگاندار جەرگىلىكتى اسكەري باسقارۋ ورگاندارىمەن, اسكەري بولىمدەرمەن بىرلەسىپ, جالپى ءبىلىم بەرۋ مەكەمەلەرىندە قارۋلى كۇشتەردىڭ مارتەبەسىن ارتتىرۋعا جانە ءاسكەري قىزمەتتى ناسيحاتتاۋعا باعىتتالعان اسكەري-پاتريوتتىق ءىس-شارالار وتكىزىلۋدە. سونىڭ ءىشىندە, «اسكەرگە شاقىرىلۋشى كۇنى», «جاس اسكەر كۇنى», «ەرلىك ساباقتارى» سياقتى بىرنەشە اكتسيالار ۇيىمداستىرىلدى.
بۇگىندە جاستاردىڭ اسكەري بورىشىن وتەۋگە دەگەن ۇمتىلىسىن ارتتىرۋ ماقساتىندا بارلىق مەكتەپتەردە وتەتىن العاشقى اسكەري دايىندىق ساباعى اسكەري بولىمدەرمەن, اسكەري قىزمەتشىلەرمەن ءوزارا تىعىز بايلانىستا جۇرگىزىلەدى. قارۋ-جاراق تۇرلەرى تانىستىرىلىپ, جاۋىنگەرلىك دايارلىق ساباقتارى وتكىزىلەدى. مۇنىڭ ءبارى بوزبالالاردىڭ قىزىعۋشىلىعىن ارتتىرا تۇسۋدە.
– وتان قورعاۋشى كۇنىنە وراي قانداي شارالار ۇيىمداستىرىلۋدا؟
– 7 مامىر – وتان قورعاۋشى كۇنىنە وراي قورعانىس مينيسترلىگىنىڭ باستاماسىمەن اۋقىمدى اسكەري-پاتريوتتىق جانە مادەني-بۇقارالىق شارالار وتەدى. اتاپ ايتقاندا, ەلىمىزدىڭ بارلىق ءوڭىرىندە اسكەري سالتاناتتى ساپقا تۇرۋ, «ماڭگىلىك ەل تۇعىرى – قۋاتتى ارميا!» تاقىرىبىندا اشىق ەسىك كۇندەرى, قارۋلى كۇشتەر اسكەري قىزمەتشىلەرىنىڭ قاتىسۋىمەن وتەتىن ەرلىك ساباقتارى, قورعانىس مينيسترلىگى ورتالىق وركەسترىنىڭ كورسەتىلىمى, مەرەكەلىك كونتسەرتتەر جانە وزگە دە اۋقىمدى مەرەكەلىك ءىس-شارالار جوسپارلانۋدا.
اڭگىمەلەسكەن
دينارا بىتىكوۆا,
«ەگەمەن قازاقستان»
سوڭعى كەزدەرى «جىگىتتىڭ كوبى اسكەرگە جارامسىز» نەمەسە «اسكەرگە بارعىسى كەلمەيدى», «وتان الدىنداعى پارىزىن وتەۋگە قۇلشىنىس جوق», دەگەن سىڭايلى اڭگىمەلەر ءجيى ايتىلىپ ءجۇر. ءتىپتى, «سول ءۇشىن اسكەردەن جالتارعاندارعا جازانى دا كۇشەيتىپتى» دەگەندى دە ەستىدىك. شىنىمەن, سولاي ما؟ جالپى, كوكتەمگى اسكەرگە شاقىرۋ ناۋقانى قالاي بولىپ جاتىر؟
بۇل سۇراقتاردى قازاقستان رەسپۋبليكاسى قارۋلى كۇشتەرى باس شتابى ۇيىمداستىرۋ-جۇمىلدىرۋ جۇمىستارى دەپارتامەنتى باستىعىنىڭ ورىنباسارى – جاساقتاۋ باسقارماسىنىڭ باستىعى امانتاي وسەرباەۆقا جولداعان ەدىك.
– امانتاي سلامجان ۇلى, ەلىمىزدە قازىر جاس ازاماتتاردى كوكتەمگى مەرزىمدى اسكەري قىزمەتكە شاقىرۋ ءجۇرىپ جاتقانى بەلگىلى. وسى جۇمىستىڭ بۇگىنگە دەيىنگى قورىتىندىسىمەن ءبولىسسەڭىز.
– 2016 جىلدىڭ 1 ساۋىرىندە ەلىمىزدىڭ بارلىق وڭىرلەرىندە 18 بەن 27 جاس ارالىعىنداعى جاس ازاماتتاردى مەرزىمدى اسكەري قىزمەتكە شاقىرۋ باستالدى. كوكتەمگى شاقىرۋ ناۋقانى ماۋسىم ايىنا دەيىن جالعاساتىنىن ايتا كەتەيىك. ياعني, ناقتى قورىتىندىسىن ايتۋ ءۇشىن ناۋقان ءالى اياقتالعان جوق. 1 ءساۋىر مەن 3 مامىر ارالىعىندا كەلىپ ءتۇسكەن مالىمەتكە سايكەس, 9 مىڭعا جۋىق اسكەرگە شاقىرىلۋشىدان ىرىكتەلىپ, اسكەرگە 3500-گە جۋىق ازامات شاقىرىلدى. 500-گە جۋىق اسكەرگە شاقىرىلۋشى جارامسىز دەپ تانىلدى. 1000-عا جۋىق ازامات كەيىنگە قالدىرىلدى. ىرىكتەۋدىڭ بارلىق كەزەڭىنەن وتكەن 3500-گە جۋىق جاڭادان شاقىرتىلعان بوزبالا اسكەري بولىمدەرگە جونەلتىلدى. ونىڭ ىشىندە ۇلتتىق قاۋىپسىزدىك كوميتەتى شەكارا قىزمەتىنە – 2500, قارۋلى كۇشتەرگە – 700, مەملەكەتتىك كۇزەت قىزمەتىنە 300-گە جۋىق ازامات ىرىكتەلدى.
– اسكەرگە شاقىرتۋ الاتىن 18 بەن 27 جاستاعى ازاماتتاردىڭ اراسىندا اسكەرگە وتەتىندەر كوبىنە 20-21-دەگىلەر. ماسەلەن, 27 جاستاعى جىگىتتىڭ «اسكەرگە كەتىپ بارا جاتىرمىن» دەگەنىن ەستىمەپپىن. وسىندايدا جالپى اسكەرگە شاقىرۋ جاسىن 27 ەمەس, ودان گورى تومەندەتۋگە بولماس پا ەدى دەگەن وي كەلەدى. بۇلاي دەۋىمە ءبىر سەبەپ, جاسىندا جارامسىز بولعان جىگىت, جاسى ۇلعايعاندا دا جارامدى بولۋى ەكىتالاي عوي. قايتا, وسى جاسى ۇلعايعاندار كوميسسيادان وتۋگە ۋاقىتىندا كەلمەي, ءبىراز ماسەلە تۋىنداپ جاتادى. كوبىسىنىڭ جۇمىسباستى نەمەسە بالالى-شاعالى بولاتىنى تاعى بار.
– ءسىزدىڭ «اسكەرگە شاقىرۋ جاسىن 27-گە دەيىن ەمەس, ودان گورى تومەندەتۋگە بولماس پا ەدى» دەگەن پىكىرىڭىزگە توقتالسام, اسكەرگە شاقىرىلاتىن ازاماتتاردىڭ جاس ارالىعى «اسكەري قىزمەت پەن ءاسكەري قىزمەتشىلەردىڭ ءمارتەبەسى تۋرالى» قازاقستان رەسپۋبليكاسىنىڭ زاڭىنا سايكەس بەكىتىلگەن. ءبۇگىندە ءاسكەرگە شاقىرىلۋشىنىڭ جاسىن تومەندەتۋ ماسەلەسى قاراستىرىلىپ جاتىر. وزدەرىڭىز بىلەسىزدەر, كوبىنە-كوپ 20-21 جاستاعى جىگىتتەر ىرىكتەلىپ الىنادى. ماسەلەن, 22 جاستان اسقان ىرىكتەۋدەن وتە الماي, اسكەرگە قابىلدانباي قالعان ازاماتتار اقىلى تۇردە اسكەري دايارلىقتان ءوتىپ, اسكەري بيلەت الۋعا بولادى. مۇنداي دا مۇمكىندىكتەر قاراستىرىلعان.
– قازىرگى كۇنى اسكەردەن جالتاراتىندار كوپ پە؟ ءوزىڭىز ءبىلەتىندەي, وتكەن جىلدان بەرى ءاسكەردەن جالتارعاندارعا جازا كۇشەيدى. وسى جايىندا كەڭىرەك توقتالساڭىز؟
– قازىرگى ۋاقىتتا شاقىرتۋ پۋنكتىنە ءوز ەركىمەن كەلۋشىلەردىڭ سانى كۇننەن-كۇنگە ارتا تۇسكەنىن زور قۋانىشپەن ايتا الامىز. اسكەردەن ءارتۇرلى الەۋمەتتىك نەمەسە جەكە باسىنىڭ ماسەلەسى بويىنشا جالتارىپ, جەرگىلىكتى اسكەري باسقارۋ ورگاندارىندا ەسەپكە الۋ قاعيداتتارىن بۇزعاندار بار, ارينە. الايدا, ءاسكەري قىزمەتتەن جالتارعاندار جاۋاپقا تارتىلاتىن بولادى. اسكەري قىزمەتتەن جالتارۋ مىڭ ايلىق ەسەپتىك كورسەتكىش مولشەرىندە ايىپپۇل تولەۋمەن, نە وسىنداي مولشەردەگى تۇزەۋ جۇمىستارىمەن, نەمەسە ءبىر جىلعا دەيىن بوستاندىقتى شەكتەۋمەن, نە وسىنداي مەرزىمگە بوستاندىقتان ايىرۋمەن جازالانادى. ەگەر ءاسكەرگە شاقىرىلۋشى تەرگەۋ ورگانى ءىستى سوتقا وتكىزگەنگە دەيىن ءوز ەركىمەن اسكەرگە شاقىرۋ پۋنكتىنە كەلسە, وندا ول قىلمىستىق جاۋاپكەرشىلىكتەن بوساتىلادى. ءاسكەري قىزمەتتەن بوساتۋعا زاڭدى سەبەپتەرى بولماي جالتارعان ازاماتتارعا مىڭ ايلىق ەسەپتىك كورسەتكىش كولەمىندە ايىپپۇل سالىنادى نەمەسە ەڭبەكپەن تۇزەتۋ جۇمىستارىنا جىبەرىلەدى, ءتىپتى ءبىر جىلعا باس بوستاندىعىنان ايىرىلۋى مۇمكىن.
– وتكەن جىلدان بەرى قانشا جىگىتكە اسكەردەن جالتارعانى ءۇشىن ايىپپۇل سالىندى؟
– وتكەن جىلى ەسەپكە الۋ قاعيداتىن بۇزىپ, ۋاقىتىندا جەرگىلىكتى تىركەلگەن جەرى بويىنشا شاقىرۋ پۋنكتىنە كەلمەگەنى ءۇشىن 5 مىڭعا جۋىق ازاماتقا ايىپپۇل سالىندى. الايدا, ەسكەرتۋ, ءتۇسىندىرۋ باعىتىندا پروفيلاكتيكالىق جۇمىستار اتقارىلىپ جاتىر.
– ەستۋىمىزشە, قازىرگى كۇنى اسكەردەگى جاعداي بۇرىنعىداي ەمەس, الدەقايدا جاقسارعان ءارى مەرزىمى دە ءبىر جىل عانا. وعان قوسا, اسكەرگە بارىپ كەلگەندەرگە دە ەلىمىزدە ەرەكشەلىكتەر بار. ماسەلەن, جۇمىسقا ورنالاسۋىنا دا ارتىقشىلىقتار قاراستىرىلعان. ال سوعان قاراماستان, اسكەرگە بارعىسى كەلمەيتىندەر از ەمەس. مۇمكىن مۇنىڭ ءبىر سەبەبى اسكەردەگى قازىرگى جاعداي تۋرالى ناسيحات جۇمىستارىنىڭ ازدىعى بولار؟
–«اسكەرگە بارعىسى كەلمەيتىندەر از ەمەس» دەگەن پىكىرىڭىزگە كەلىسپەيمىن. كەرىسىنشە, جىلدان-جىلعا وتان الدىنداعى پارىزىن وتەيمىن دەگەن جاستاردىڭ سانى ارتىپ كەلەدى. ءسوزىمنىڭ دالەلى رەتىندە ايتايىن, اسكەرگە شاقىرۋ پۋنكتتەرىنە بارىپ كورىڭىزشى, ىرىكتەۋدەن, مەديتسينالىق كوميسسيادان ءوتىپ, اسكەرگە قابىلدانسام دەگەن جاستاردىڭ ۇمتىلىسىن كورىپ, ءوزىڭىز دە بۇل ءسوزىمە كۋا بولاسىز. قازاقستان رەسپۋبليكاسى كونستيتۋتسياسىنىڭ 36-بابىنا سايكەس «قازاقستان رەسپۋبليكاسىن قورعاۋ – ونىڭ ءار ازاماتىنىڭ قاسيەتتى بورىشى» بولىپ تابىلادى. اسكەرگە بارىپ-كەلگەندەرگە زاڭ بويىنشا ەشقانداي ارتىقشىلىقتار قاراستىرىلماعان. الايدا, ءاسكەري بيلەتى بار ازاماتتارعا قىزمەتكە ورنالاسۋ الدەقايدا جەڭىل كەلەدى.
اسكەرگە شاقىرۋ بارىسىندا جەرگىلىكتى اتقارۋشى ورگاندار جەرگىلىكتى اسكەري باسقارۋ ورگاندارىمەن, اسكەري بولىمدەرمەن بىرلەسىپ, جالپى ءبىلىم بەرۋ مەكەمەلەرىندە قارۋلى كۇشتەردىڭ مارتەبەسىن ارتتىرۋعا جانە ءاسكەري قىزمەتتى ناسيحاتتاۋعا باعىتتالعان اسكەري-پاتريوتتىق ءىس-شارالار وتكىزىلۋدە. سونىڭ ءىشىندە, «اسكەرگە شاقىرىلۋشى كۇنى», «جاس اسكەر كۇنى», «ەرلىك ساباقتارى» سياقتى بىرنەشە اكتسيالار ۇيىمداستىرىلدى.
بۇگىندە جاستاردىڭ اسكەري بورىشىن وتەۋگە دەگەن ۇمتىلىسىن ارتتىرۋ ماقساتىندا بارلىق مەكتەپتەردە وتەتىن العاشقى اسكەري دايىندىق ساباعى اسكەري بولىمدەرمەن, اسكەري قىزمەتشىلەرمەن ءوزارا تىعىز بايلانىستا جۇرگىزىلەدى. قارۋ-جاراق تۇرلەرى تانىستىرىلىپ, جاۋىنگەرلىك دايارلىق ساباقتارى وتكىزىلەدى. مۇنىڭ ءبارى بوزبالالاردىڭ قىزىعۋشىلىعىن ارتتىرا تۇسۋدە.
– وتان قورعاۋشى كۇنىنە وراي قانداي شارالار ۇيىمداستىرىلۋدا؟
– 7 مامىر – وتان قورعاۋشى كۇنىنە وراي قورعانىس مينيسترلىگىنىڭ باستاماسىمەن اۋقىمدى اسكەري-پاتريوتتىق جانە مادەني-بۇقارالىق شارالار وتەدى. اتاپ ايتقاندا, ەلىمىزدىڭ بارلىق ءوڭىرىندە اسكەري سالتاناتتى ساپقا تۇرۋ, «ماڭگىلىك ەل تۇعىرى – قۋاتتى ارميا!» تاقىرىبىندا اشىق ەسىك كۇندەرى, قارۋلى كۇشتەر اسكەري قىزمەتشىلەرىنىڭ قاتىسۋىمەن وتەتىن ەرلىك ساباقتارى, قورعانىس مينيسترلىگى ورتالىق وركەسترىنىڭ كورسەتىلىمى, مەرەكەلىك كونتسەرتتەر جانە وزگە دە اۋقىمدى مەرەكەلىك ءىس-شارالار جوسپارلانۋدا.
اڭگىمەلەسكەن
دينارا بىتىكوۆا,
«ەگەمەن قازاقستان»
سوڭعى جاڭالىقتار
پرەزيدەنت: ورتالىق ازيانىڭ سۋ قاۋىپسىزدىگى – ورتاق مىندەت
پرەزيدەنت • كەشە
توقاەۆ: ارال باسسەينىندەگى ەكولوگيالىق احۋال الاڭداتارلىق
پرەزيدەنت • كەشە
پرەزيدەنت ارالدى قۇتقارۋ قورىنىڭ ءوڭىر ءۇشىن ماڭىزىن اتاپ ءوتتى
پرەزيدەنت • كەشە
فونوگرامماعا قاتىستى جاڭا ەرەجە كۇشىنە ەندى
مادەنيەت • كەشە
جانابىلوۆتەر ءىسى: پروكۋراتۋرا 4 جىل جازا سۇرادى
قوعام • كەشە
ارالدى قۇتقارۋ قورى قاتىسۋشىلارى اقورداعا كەلدى
پرەزيدەنت • كەشە
