جاپونيادا بالالار سانى ازايىپ بارادى

استانا. 5 مامىر. جاپونيادا 15 جاسقا دەيىنگى بالالار سانى ەڭ تومەنگى دەيگەيگە جەتتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. حالقى 127 ميلليوندى قۇرايتىن كۇنشىعىس ەلىندە 2016 جىلدىڭ 1 ءساۋىرى بويىنشا جاسوسپىرىمدەر سانى سانى – 16,05 ميلليون. بۇل وتكەن جىلدىڭ العاشقى ءۇش ايىمەن سالىستىرعاندا 150 مىڭعا از. رەسمي مالىمەتتەر بويىنشا بالالار ۇلەسى –13 پايىز, ياعني 1950 جىلدان بەرگى رەكوردتىق دەڭگەيدەگى از كورسەتكىش بولىپ ەسەپتەلەدى. 12-14 جاس ارالىعىنداعى بالالار سانى – 3,42 ميلليون بولسا, جاڭا تۋعان نارەستە مەن 2 جاسقا دەيىنگى بۇلدىرشىندەر سانى – 3,07 ميلليون. سونىمەن قاتار, ۇلدار سانى – 8,22 ميلليوندى قۇراسا, قىزداردىڭ قاتارى – 7,82 ميلليون. وسى كورسەتكىشپەن جاپونيا ەڭ كەمىندە 40 ميلليون حالقى بار ەلدەردىڭ اراسىندا ەڭ سوڭعى ورىندا كەلەدى. بۇعان بىردەن-ءبىر سەبەپ – تۋ كورسەتكىشىنىڭ ازايۋى. ايتا كەتەيىك, اتالعان مەملەكەتتە قارتتاردىڭ سانى ارتىپ كەلەدى. ستاتيستيكا بويىنشا, 65 جاستان جوعارى تۇرعىنداردىڭ سانى 34,8 ميلليون, بۇل جالپى حالىقتىڭ شامامەن 26,7 پايىزىن قۇرايدى. ايان ءابدۋالي. دەرەك: تاسس. فوتو: kazpravda.kz.