ۆەدومستۆو مالىمەتىنشە, ول قىلمىستىق كودەكستىڭ 99-بابى 2-بولىگى بويىنشا كۇدىككە الىنعان.
ونىمەن بىرگە بۇعان دەيىن حابار-وشارسىز كەتتى دەپ حالىقارالىق ىزدەۋگە جاريالانعان بۇرىنعى جۇبايى دا انىقتالدى.
تەرگەۋ دەرەكتەرىنە سايكەس, 2025 جىلعى قاراشا ايىندا اتىراۋ وبلىسىندا كۇدىكتى ۇزاققا سوزىلعان تۇرمىستىق جانجال مەن پايداكۇنەمدىك نيەت نەگىزىندە ەكى ادامدى قاساقانا ءولتىرۋدى الدىن الا جوسپارلاپ, جۇزەگە اسىرعان.
«قىلمىستى جاساعاننان كەيىن ءىزىن جاسىرۋ ماقساتىندا مايىتتەردى شارۋاشىلىق قۇرىلىسىنىڭ استىنا كومىپ, قان ىزدەرىن جويعان, سونداي-اق جابىرلەنۋشىلەردىڭ مۇلكى مەن قاراجاتىن يەمدەنگەن», دەلىنگەن حابارلامادا.
قازىرگى ۋاقىتتا ولاردى قازاقستان رەسپۋبليكاسىنا دەپورتاتسيالاۋ ماسەلەسى قاراستىرىلىپ جاتىر.
ايتا كەتەيىك, 2025 جىلدىڭ 25 جەلتوقسانىندا پوليتسياعا ءتورت ادامنان تۇراتىن وتباسىنىڭ جوعالعانى تۋرالى حابار ءتۇستى: 66 جانە 64 جاستاعى ەرلى-زايىپتىلار جانە ولاردىڭ 33 جانە 35 جاستاعى ەكى ەرەسەك بالاسى. پوليتسيا «كىسى ءولتىرۋ» بابى بويىنشا قىلمىستىق ءىس قوزعادى.
قاڭتاردىڭ باسىندا شارۋاشىلىق عيماراتىندا ەرلى-زايىپتىلاردىڭ دەنەلەرى پىشاق جاراقاتى ىزدەرىمەن تابىلدى. پوليتسيا كۇدىكتىنى ىزدەۋگە جاريالادى.
اتىراۋ ماڭىندا جوعالعان وتباسى وقيعاسى: ىزدەۋ جۇمىسى قالاي ءجۇرىپ جاتىر
سونىمەن قاتار, اتىراۋ وبلىسى تجد 32 جاستاعى ناۋرىز مۇقانعالي مەن 35 جاستاعى مەيرامگۇل قارابالينانى رەسمي تۇردە ىزدەۋ توقتاتىلعانىن حابارلادى.
