قاراعاندى. 5 ءساۋىر. قاراعاندىلىق گيمناسشى قىز الينا ءادىلحانوۆا كوركەم گيمناستيكادان استانادا وتكەن ازيا چەمپيوناتىندا ءۇش التىن مەدالدى جەڭىپ الدى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
وسى تولايىم تابىسقا وراي قاراعاندىدا ءباسپاسوز ءماسليحاتى ءوتتى. 14 جاستاعى الينا ءادىلحانوۆا سارىقۇرلىق سىنىندا بارلىعى 6 مەدال جەڭىپ الدى. ونىڭ ۇشەۋى – التىن, قالعانى – كۇمىس.
«مەنىڭ ەڭ باستى قارسىلاستارىم جاپونيا مەن وزبەكستان گيناسشىلارى بولدى. الايدا, ولار تەك جارىس كىلەمىندە عانا قارسىلاس, ال ءومىردىڭ وزىندە ءبىز دوسپىز. ولار مەنى جەڭىسىممەن قۇتتىقتادى», – دەيدى الينا.
گيمناسشى قىزدىڭ جاتتىقتىرۋشىسى ليۋدميلا ماكاروۆا شاكىرتىنىڭ جەتىستىگى جوعارى بولسا دا, تورەشىلەردىڭ كەيبىر ساتتەردە بۇرمالاۋشىلىققا جول بەرگەندەرىن ايتتى. ماماننىڭ ويىنشا, الينا وسى چەمپيوناتتا ءتورت «التىن» الۋى كەرەك ەكەن.
قايرات ءابىلدينوۆ.
