«ايانا» باستادى, «جىبەك» قوستادى

اقجايىق اۋدانىندا مەملەكەت-جەكەمەنشىك ارىپتەستىگىنىڭ مىسالدارى مول اقجايىق اۋدانىنىڭ ناعىز توعىز جولدىڭ تورابىنداعى ورتالىعى – چاپاەۆ اۋىلىنان كاسىپكەرلىكتىڭ سان ءتۇرىن كورۋگە بولادى, ال وسىندا سابيلەردى تاربيەلەيتىن جەكەگە تيەسىلى تۇڭ­عىش مەكەمە وتكەن كۇزدە ەسىك اشتى. زاماننىڭ وتكىر ءبىر سۇرا­نىسىنا ساي, تاجىريبەلى پەداگوگ, ما­ماندىعى بالاباقشا ادىسكەرى جانار بەرداليەۆا باتىل شەشىمگە كەلگەن-ءدى. جۇبايى مالىك تۇرسىن ۇلىمەن, ول دا مۇعالىم, جاۋاپتى ىستەردە شىڭدالعان جان, ءتيىستى مەكەمەلەردەگى ماماندارمەن اقىلداسا وتىرىپ, بيزنەس-جوسپارىن جاساپ, ىسكە كىرىسكەن وعان كوپشىلىك «بارەكەلدى!» دەستى. چاپاەۆتا بالاباقشا كەزەگىندەگى بۇلدىرشىندەر قاتارى ونداپ-جۇزدەپ سانالادى, دەمەك, مۇنى سەيىلتۋگە اتسالىسقاندارعا جۇرت ريزا بولماعاندا شە. «جۇمىسپەن قامتۋدىڭ جول كارتاسى-2020» باعدارلاماسىنا ساي ءوزىنىڭ 3 ميلليون تەڭگە نەسيە­گە قول جەتكىزۋىنە اۋدان اكىمدىگى, مۇددەلى باسقا دا مەكەمەلەر قول­داۋ كورسەتكەنى پەداگوگتىڭ ۇمتىلىسىن ۇشتادى. اۋىلدىڭ ءدال ورتاسىنداعى دەرلىك تۇرعىن ءۇيىن ءتيىستى تالاپقا ساي جابدىقتادى, قوسىمشا بولمە سالعىزدى. ءسويتىپ, 1,5-3 جاستاعى بالاپاندار ءۇشىن 15 ورىندىق «ايانا» بوبەكجايى ومىرگە كەلدى. وتكەن ازعانا ۋاقىت ونىڭ كىشكەنتايلاردى 1,5 جاستان قابىلدايتىنى, 8.00-دەن باستالاتىن جۇمىس ساعاتىنىڭ 20.00-گە دەيىن بولۋى, سەنبى كۇنى دە جۇمىس جاسايتىنى اتا-انالارعا ابدەن قولايلىلىعىن كورسەتتى. جاس ۇرپاقتىڭ كەلەشەك كەمەل تاعدىرىنا مەملەكەتتەن مىقتى نازار كۇشەيە تۇسپەسە, ەشقاشان كەمىمەيتىنى ءمالىم. «ايانا» يە­سىنىڭ جوسپارىنا بايلانىستى, بوبەكجايدىڭ ۇلكەن عيماراتىن تۇرعىزۋعا ىڭعايلى تۇستان جەر دە بەلگىلەنىپ, قازىر قۇجاتتار رەسىمدەلۋدە. ال ناۋرىزدا وتكەن اۋداندىق ءماسليحاتتىڭ سەسسياسى بالا سانىنا قاراي كومەك قارجىسىن ءبولدى. ەندى اتا-انالاردان وسىعان دەيىنگى 15 مىڭ تەڭگە تولەم 8 مىڭ تەڭگەگە تۇسەدى. مەملەكەت پەن جەكەمەنشىك ءارىپ­تەستىگىنىڭ ءبىر قىرىنان مىسال دەگەن وسى. «جاقسىلىق جاقسىلىققا ۇلاس­سىن!», – دەگەن جاماعاتتىڭ تولايىم تىلەگىنە وراي, جاڭا جىل ەسىك قاعىپ تۇرعان ساتتە اۋىلدا تا­عى ءبىر وسىنداي مەكەمە سالتا­نات­تى جاعدايدا ءوز قىزمەتىن باس­تادى. زارينا نۇرماتوۆا جەتەك­شىلىك جاسايتىن بۇل «جىبەك» بوبەكجايىندا قازىر 1-4 جاستاعى 20 ءسابي تاربيەلەنۋدە. بالا سانىن كوبەيتە تۇسۋگە مۇمكىندىك تە جوق ەمەس. «جىبەككە» دە اۋدان بيۋدجەتىنەن دەمەۋ قاراس­تى­رىلعان. بالالاردى مەكتەپكە دەيىنگى ۇيىمدار قىزمەتىمەن قام­تۋ ءجو­­نىندە وبلىس رەسپۋبليكا بو­­يىنشا ىلگەرى كورسەتكىشتى يە­لەنۋشىلەردىڭ ءبىرى بولىپ تابىلادى. جەكە بالاباقشالار كو­بەيە تۇسەتىن نىشان بايقالادى. ءبىلىم سالاسىنداعى مەملەكەت پەن جەكەمەنشىك ارىپتەستىگى دە وسىعان سالماقتى ۇلەس قوساتىنى ءسوزسىز. بولات ەسقاليەۆ, جۋرناليست سۋرەتتە: اقجايىق اۋدا­نىنداعى تۇڭعىش جە­كە ءبو­بەك­­­جايدىڭ يەسى جا­نار بەر­داليەۆا تاربيە­لەنۋ­شىلەر­مەن بىرگە باتىس قازاقستان وبلىسى