سۋ قويمالارىنا 24 ميلليون ريپۋس تۇقىمدى شاباق جىبەرىلدى

پەتروپاۆل. 4 مامىر.  «ۆەيسا» اپپاراتىندا ريپۋس تۇقىمدى دەرناسىلدەر جاساندى جولمەن ۇرىقتاندىرىلىپ,  التى ايدان كەيىن  سۋعا جىبەرىلىپ وتىرادى. بۇل تۋرالى egemen ءتىلشىسى حابارلادى. «بۇگىنگى كۇنى  سيگ تۇقىمدى 55 ميلليون  شاباق ءوسىرىلىپ, ونىڭ 48 ميلليونى سەرگەەۆ سۋ قويماسىنا جىبەرىلدى», –  دەيدى پەتروپاۆل بالىق پيتومنيگىنىڭ ديرەكتورى ەرجان جۇماباەۆ. ونىڭ سوزىنە قاراعاندا,  بيىل وڭىردەگى وزەن-كولدەرگە تۇقى جانە البىرت تۇقىمدى 96 ميلليون دەرناسىلدى تاراتۋ جوسپارلانعان. بۇل جۇمىستاردى اتقارۋعا  ەل قازىناسىنان 58 ميلليون تەڭگە قاراجات بولىنگەن. باستى ماقسات – سۋ استى جاندىكتەرىنىڭ سانىن كوبەيتۋ. سولتۇستىك قازاقستان وبلىسىنداعى «قازاق بالىق شارۋاشىلىعى عىلىمي-زەرتتەۋ ينستيتۋتى» فيليالىنىڭ زەرتحانا مەڭگەرۋشىسى ۆيكتور فەفەلوۆتىڭ  ايتۋىنشا, ريپۋس تۇقىمدى بالىقتار وتە ءوسىمتال ءارى  نارىقتا باعالى. وڭىردە سۋلى دا نۋلى جەرلەر كوپ. بۇل شاباقتاردىڭ ءومىر ءسۇرىپ كەتۋلەرىنە قولايلى. پەتروپاۆل بالىق پيتومنيگى مەملەكەتتىك تاپسىرىس اياسىندا وڭىردەگى سۋ قويمالارىنا 40 ميلليون كارپ شاباقتارىن جىبەرۋدى دە كوزدەپ وتىر. ءومىر ەسقالي. دەرەك: egemen.kz. فوتو: azattyq.org.