وڭتۇستىكتە جەر كودەكسى تۋرالى تۇسىنىكتەمە بەرىلدى

شىمكەنت. 4 مامىر. وڭتۇستىك قازاقستان وبلىستىق جەر قاتىناستارى باسقارماسىنىڭ باسشىسى سوزاقباي ابدىقۇلوۆ جۋرناليستەرمەن وتكىزگەن بريفينگتە جەر كودەكسىنىڭ شارۋالاردى قورعايتىنىن ايتتى. بۇل تۋرالى egemen.kz ءتىلشىسى حابارلادى. «جەر شەتەلدىكتەرگە ساتىلمايدى, تەك جالعا بەرىلەدى. جالپى, بارلىعىنا زاڭ بىردەي, شەتەلدىكتەرگە دە, قازاقستانعا دا. ەگەر ول ماقساتسىز پايدالانىپ جاتسا, تالاپتى بۇزسا, مەملەكەت مەنشىگىنە قايتارىلادى», دەدى سوزاقباي يسا ۇلى. ونىڭ ايتۋىنشا, جەردى 49 جىلعا جالعا الىپ, پايدالانىپ وتىرعان شارۋاعا بەرىلەدى. ويتكەنى, زاڭ شارۋالاردىڭ مۇددەسى ءۇشىن جاسالعان. ول ءوزى پايدالانىپ وتىرعان اۋماقتى گەكتارىنا بەلگىلەنگەن باعانىڭ 50 پايىزىمەن 10 جىلعا ءبولىپ تولەۋىنە مۇمكىندىك جاسالادى. بۇل شارۋالار ءۇشىن وتە ءتيىمدى. ال, ەگەر 5 جىلدىڭ ىشىندە 2 رەت جەردى پايدالانباسا, وعان ەسكەرتۋ بەرىلەدى. ءبىر جىلدىڭ ىشىندە ول قايتادان پايدالانۋ جۇمىستارىن جالعاستىرماcا, سوت ارقىلى قايتارىلادى. باقتيار تايجان. دەرەك, فوتو: egemen.kz