استانا. 4 مامىر. وزبەكستاندىق گيمناستشى وكسانا چۋسوۆيتينا برازيليانىڭ ريو-دە-جانەيرو قالاسىندا وتەتىن وليمپيا ويىندارىنا قاتىساتىن بولادى. بۇل تۋرالى egemen.kz ءتىلشىسى حابارلادى.
ول كەزىندە سپورتتىق گيمناستيكادان وليمپيادا چەمپيونى بولعان. سپورتتىڭ وسى تۇرىمەن 25 جىلدان بەرى اينالىسىپ كەلەدى. وليمپياداعا التى رەت قاتىسقان. بيىلعى ويىندار ونىڭ جەتىنشى جارىسى بولادى. وكسانا چۋسوۆيتينا بيىل 41 جاسقا تولادى. راسىن ايتۋ كەرەك, بۇعان دەيىن گيمناستشىلار اراسىندا ەشكىم 41 جاسىندا وليمپيا ويىندارىنا قاتىسىپ كورگەن ەمەس. سوندىقتان وزبەكستاندىق سپورتشى ءتورت جىلدا ءبىر اينالىپ كەلەتىن ءدۇبىرلى دودا تاريحىندا ەڭ جاسى ۇلكەن گيمناستشى اتانادى.
ارىپتەستەرى ونى قالجىڭداپ «اجە» دەپ اتايدى ەكەن. وكسانا مۇنداي قالجىڭدى كوتەرەدى. ول ءوزىن ءالى 17 جاستاعى بويجەتكەن سياقتى سەزىنەدى. گيمناستشى وزبەكستاندا تۋىپ-وسكەن. سوڭعى كەزدەرى گەرمانيا قۇراما كومانداسىندا ونەر كورسەتتى.
داستان كەنجالين.
دەرەك, فوتو: centralasian.org
[caption id="attachment_38163" align="aligncenter" width="494"]
663414[/caption]
