بىرلىك جىرى

– بىرلىك, قايدا باراسىڭ؟ – ەرتەڭگى كۇنىن ويلاعان, تويىن دا بىرگە تويلاعان, كيەلى رۋحىن جويماعان, تاتۋ ەلگە بارامىن! – بىرلىك, قايدا باراسىڭ؟! – ساناسى تازا بۇلاقتاي, «سوعىس» ءسوزىن ۇناتپاي, جەتىم-جەسىرىن جىلاتپاي جۇرگەن ەلگە بارامىن! – بىرلىك, قايدا باراسىڭ؟ – حالقىمەن بارىن بولىسكەن, بابادان ميراس جەر ءۇشىن, جان بەرىپ, قان توگىسكەن, باتىر ەلگە بارامىن! – بىرلىك, قايدا باراسىڭ؟ – جەر استى, ءۇستى بايلىعىن, جەيتىن اس, ىشەر شايلىعىن, وڭدى, سولدى شاشپاعان, الپاۋىتتار الدىندا, ويلانباي جاق اشپاعان, بايىپتى ەلگە بارامىن! – بىرلىك, قايدا باراسىڭ؟ – ادالدىق پەن تازالىق, ۇلگىلى ىسپەن ماقتانعان, جات ادەتتەن ساقتانعان, يماندى ەلگە بارامىن! – بىرلىك, قايدا باراسىڭ؟ سالت, ءداستۇرىن ساقتاعان, اتا-بابا ءۇمىتىن, ەڭبەكپەن ادال اقتاعان, ەرلەرىن قولداپ, جاقتاعان, كورگەندى ەلگە بارامىن! – بىرلىك, قايدا باراسىڭ؟ – ەرلەرى ەتپەي كۇندە ەگەس, ءبىرىن ءبىرى كۇندەمەس, جان جىلۋىن سىيلايتىن, جاماندىققا قيمايتىن, ىزەتتى ەلگە بارامىن! – بىرلىك, قايدا باراسىڭ؟ ادەپسىز ىسپەن باسىنسا, تارتىپكە سالار جاسىنشا, جاقسى ىسكە ەرىگەن, سامارقاننىڭ تاسىنشا, ۇيىمشىل ەلگە بارامىن. – بىرلىك, قايدا باراسىڭ؟ – جارقىراعان جۇلدىزى, يناباتتى ۇل, قىزى, كوڭىلىندەي اشىق اسپانى, ويىنا دا المايتىن, ىزگىلىكتەن باسقانى, شاتتىققا تولى ءار كۇنى, ورلەگەن دامۋ قارقىنى, تىنىش ەلگە بارامىن! ۇلى دالا ەلىنىڭ, ىنتىماق بولعان ۇرانى, بىرلىگى كەتپەي ماڭگىلىك, تاۋسىلماعاي جىر, ءانى! سەنبەك سانسىزباي ۇلى استانا