فوتو: اقمولا وبلىسى پوليتسيا دەپارتامەنتى
اقمولا وبلىسىنىڭ دەنساۋلىق ساقتاۋ باسقارماسى حابارلاعانداي, وقىس وقيعادان سوڭ ول اۋرۋحاناعا اۋىر جاعدايدا جەتكىزىلگەن.
«23 اقپان كۇنى تاڭەرتەڭ قىز ومىردەن وزدى. ول كوپتەگەن اسا اۋىر جاراقات الدى: باس سۇيەكتىڭ كەڭ كولەمدى سىنۋى, باس سۇيەكتىڭ نەگىزى جانە بەت قاڭقاسىنىڭ زاقىمدانۋى, سونداي-اق اۋىر اشىق باس-مي جاراقاتى, اۋىر دارەجەدەگى تراۆماتيكالىق شوك. مەديتسينالىق بولجام باستاپقىدا وتە قولايسىز بولدى, سەبەبى الىنعان جاراقاتتار ومىرگە ۇيلەسپەيتىن ەدى», دەپ حابارلادى دەنساۋلىق ساقتاۋ باسقارماسى.
وقيعادان كەيىن وڭىرلىك پوليتسيا بۋراباي كۋرورتتىق ايماقتارىندا شانالار مەن كۆادروتسيكلدەردى تەكسەرۋگە كىرىستى. بۇل كولىكتەردىڭ يەلەرىنە تەحنيكا قولدانۋ ەرەجەلەرىن قاتاڭ ساقتاۋ, قورعاۋ قۇرالدارىن پايدالانۋ جانە قاۋىپسىزدىك تالاپتارىن بۇزۋمەن جولاۋشىلاردى تاسىمالداماۋ كەرەكتىگى ەسكەرتىلدى.
ايتا كەتەيىك, 14 اقپاندا بۋراباي كەنتىندە قاردا جۇرەتىن كولىك قاتىسقان اپات بولدى. سالدارىنان جولاۋشى جاراقات الىپ, مەديتسينالىق مەكەمەگە جەتكىزىلدى. جۇرگىزۋشى دە دەنە جاراقاتىن العان.
