فوتو: Pexels.سom
الەۋمەتتىك جەلىلەردە مەكەمە اكىمشىلىگى قىزداردى ەرلەردىڭ بولمەلەرى مەن اجەتحانالارىن تازالاۋعا ماجبۇرلەدى دەگەن اقپارات تارادى. بەينەروليك اۆتورىنىڭ ايتۋىنشا, ستۋدەنت قىزدار باس تارتقان جاعدايدا ولاردى جاتاقحانادان شىعارامىز دەپ قورقىتقان.
وڭىرلىك ءبىلىم باسقارماسى ارنايى جۇمىس كوميسسياسىن قۇرىپ, مەكەمەگە بارىپ تەكسەرۋ جۇرگىزگەن.
«كامەلەتكە تولماعان ءبىلىم الۋشىلاردى جۇمىسقا ماجبۇرلەۋگە جانە ولارعا قىسىم كورسەتۋگە جول بەرىلمەيدى. بۇل – بالا قۇقىقتارىنىڭ بۇزىلۋى جانە بالالار ەڭبەگىن پايدالانۋعا تىيىم سالۋ تالاپتارىنا قايشى ارەكەت. تەكسەرۋ قورىتىندىسى بويىنشا جاۋاپتى تۇلعالارعا تارتىپتىك جازا رەتىندە سوگىس بەرىلدى», دەلىنگەن حابارلامادا.
قازىرگى ۋاقىتتا ستۋدەنتتەر مەن اتا-انالار اراسىندا ءتۇسىندىرۋ جۇمىستارى جۇرگىزىلىپ جاتىر.
مەكتەپ اكىمشىلىگى مۇعالىمدەردەن ماجبۇرلەپ اقشا جيناعانى راس پا؟
ايتا كەتەيىك, تۇركىستان وبلىسى ءبىلىم باسقارماسىنا قاراستى كوپسالالى يندۋستريالدى-تەحنيكالىق كوللەدج جاتاقحاناسىندا جانجال تۋىندادى. ستۋدەنت قىزدار جاتاقحانا اكىمشىلىگى تاراپىنان قىسىم كورگەنىن ايتادى. ولاردى ەرلەر بولمەسى مەن دارەتحانانى تازالاۋعا, ەدەن جۋعا ماجبۇرلەگەن.
ازاماتتاردى اۆتونەسيە راسىمدەۋگە ماجبۇرلەگەن قىلمىستىق توپ ۇستالدى
