«اشىق ۇكىمەتتى» ەنگىزۋ ماسەلەلەرى تالقىلاندى

كىشى جۇمىس توبى «100 ناقتى قادام» ۇلت جوسپارىن ءىس جۇزىندە ىسكە اسىرۋ ماقساتىندا ءماجىلىس دەپۋتاتتارىنان, مەملەكەتتىك ور­گاندار مەن ۇكىمەتتىك ەمەس ۇيىم­داردىڭ وكىلدەرىنەن قۇرىلادى. «اشىق ۇكىمەتتى» ەنگىزۋ بويىنشا اتقارىلىپ جاتقان جۇمىس جونىندە ينۆەستيتسيالار جانە دامۋ ۆيتسە-ءمينيسترى ساكەن سارسەنوۆ تانىستىردى. ءوزىنىڭ سوزىندە س.سارسەنوۆ ينۆەستيتسيالار جانە دامۋ مينيسترلىگى تاراپىنان مەملەكەتتىك ورگانداردى, حالىقتى تەحنيكالىق, سونداي-اق, اقپاراتتىق قولداۋ بويىنشا بەلسەندى جۇمىس اتقارىلىپ جاتقانىن اتاپ ءوتتى. سونداي-اق, ينۆەستيتسيالار جانە دامۋ مينيسترلىگى زاڭدى ورىنداۋ بويىنشا اقپارات يەلەرىن وقىتۋ ءۇشىن مودەلدى الاڭ رەتىندە ارەكەت ەتۋگە دايىن ەكەندىگىن مالىمدەدى. الماتى اكىمدىگى ءباسپاسوز قىزمەتىنىڭ جەتەكشىسى گۇلجازيرا سايداحمەدوۆا ءوزىنىڭ سوزىندە «اقپاراتقا قول جەتكىزۋ تۋرالى» زاڭدى ىسكە اسىرۋ بويىنشا الماتى قالاسىنىڭ اكىمدىگىندە مودەلدى الاڭ قۇرۋ بويىنشا اتقارىلىپ جاتقان جۇمىس تۋرالى باياندادى. وتىرىستا, سونىمەن قاتار, «اقپاراتقا قول جەتكىزۋ تۋرالى» زاڭ ەرەجەلەرىن وڭىرلەردە ءتۇسىندىرۋ بويىنشا حالىقارالىق ينستيتۋتتارمەن بىرلەسكەن جۇمىستىڭ پەرسپەكتيۆالارى تالقىلاندى. ءبىرىنشى سەمينار-ترەنينگ وڭتۇستىك قازاقستان وبلىسىندا 28-29 ساۋىردە وتسە, ەندى مۇنداي ءىس-شارالار تاعى توعىز ايماقتا جوسپارلانىپ وتىر. وتىرىس بارىسىندا كىشى جۇمىس كوميسسياسىنىڭ مۇشەلەرى «اقپاراتقا قول جەتكىزۋ تۋرالى» زاڭ نورمالارىن جەدەل ىسكە اسىرۋ ءبىزدىڭ ازاماتتارىمىزعا وزدەرىنە قاجەتتى تولىق, دايەكتى اقپاراتتى شۇعىل تۇردە الۋىنا, نقا جوبالارىن, رەسپۋبليكالىق جانە جەرگىلىكتى بيۋدجەتتەردى تالقىلاۋعا قاتىسۋعا, ۇسىنىستار مەن ۇسىنىمداردى ەنگىزۋگە, سونداي-اق, مەملەكەتتىك ورگانداردىڭ قىزمەتىن باعالاۋعا مۇمكىندىك بەرەتىنىن اتاپ ءوتتى. وتىرىستى قورىتىندىلاي كەلە, م.اشىمباەۆ قارالىپ وتىرعان ماسەلە جان-جاقتى ءارى نىسانالى تالقىلانعانىن جانە تالقىلاۋ بارىسىندا ايتىلعان بارلىق سىندارلى ەسكەرتۋلەر مەن ۇسىنىستار قازاقستاندا «اشىق ۇكىمەتتى» ەنگىزۋ بويىنشا ودان ءارى جۇمىس بارىسىندا ەسكەرىلۋگە ءتيىس ەكەنىن اتاپ كورسەتتى, دەپ حابارلادى ءماجىلىستىڭ ءباسپاسوز قىزمەتى.