ءدىنتانۋ عىلىمى مەن ءبىلىمى – ماڭىزدى سالا

استانا قالاسىندا ەلىمىزدىڭ مادەنيەت جانە سپورت مينيستر­لىگىنىڭ ءدىن ىستەرى كوميتەتىنە قاراستى ءدىن ماسەلەلەرى ءجونىن­دەگى عى­لىمي-زەرتتەۋ جانە تالداۋ ورتالىعى «قازاقستانداعى ءدىنتانۋ عى­­لى­مى مەن ءبىلىمىنىڭ دامۋ ءۇردىسى جانە وزەكتى ماسەلەلەرى» تاقى­رى­­بىندا رەسپۋبليكالىق عىلىمي-تاجىريبەلىك كونفەرەنتسيا وتكىزدى. سالا ماماندارىنىڭ ايتۋىنشا, مۇنداي جيىندى ۇيىمداستىرۋ قازاقستانداعى دىنتانۋلىق ءبىلىم بەرۋ جۇيەسىن بىرىزدىلەندىرۋ, مازمۇندىق تۇرعىدان بايىتۋ, وسى سالاداعى تاجىريبەلىك كۋرستاردىڭ سانى مەن ساپاسىن ارتتىرۋ تالابىنان تۋىنداپ وتىر ەكەن. وتىرىستا ءسوز العان ءدىن ىستەرى كوميتەتىنىڭ توراعاسى عا­لىم شويكين قازىرگى ءدىني احۋال قو­عامنىڭ ساناسىنداعى راديكال­دى جانە تەرىس پيعىلدى اعىم­دارعا قارسى يممۋنيتەتتى قالىپ­تاس­تىرۋعا, زايىرلى مەملەكەت قۇن­دى­لىقتارىنا قۇرمەت سەزىمىن ءسىڭى­رۋگە, ءارتۇرلى كونفەسسيا وكىلدەرىنە تولەرانتتى قارىم-قاتىناس مادە­نيەتىن قالىپتاستىرۋعا, ءدىنتا­نۋ­لىق ءبىلىمنىڭ ساپاسىن جەتىلدىرۋگە يتەرمەلەپ وتىرعانىن جەتكىزدى. «قازاقستان ازاماتتارى مەن شەتەلدىكتەردىڭ ەل اۋماعىنا ەركىن كىرىپ, شىعۋى, اقپاراتتىق تەح­نو­لوگيالاردىڭ, بايلانىس قۇرال­دارىنىڭ, ينتەرنەتتىڭ كەڭىنەن تارالۋى, رەسپۋبليكادا ءتۇرلى ءدىني اعىم يدەيالارىنىڭ تارالۋىنا دا سەبەپ بولىپ وتىرعانى جاسىرىن ەمەس. بۇل رەتتە, جاستارىمىزدىڭ بويىندا راديكالدى جانە دەسترۋكتيۆتى يدەيالارعا قارسى يممۋنيتەتتى قالىپ­تاستىرۋ, مەملەكەتتىڭ زاي­ىر­لىلىق قاعيداتتارىنا قۇرمەت كور­سەتۋ, الەمدىك جانە ءداستۇرلى دىندەر­دىڭ نەگىزدەرى تۋرالى وبەك­تيۆتى اقپارات الۋ, ءتۇرلى كونفەس­سيانى ۇستانۋشىلارعا دەگەن تولە­رانت­تى قارىم-قاتىناستى تاربيە­لەۋ ءۇشىن ءبىلىم بەرۋ جۇيەسىنىڭ ءتۇرلى دەڭگەيلەرىندە دىنتانۋلىق ءجا­نە ءدىني ءبىلىم بەرۋدى ەنگىزۋ اسا ماڭىزدى. سەبەبى, ءدىنتانۋ – قازىرگى ادام­زات قوعامىنىڭ كەشەندىك ءبىلى­مى مەن عىلىمىنىڭ ماڭىزدى سالاسى», – دەدى ع. شويكين ءوز سوزىندە. ال ءدىن ماسەلەلەرى جونىندەگى عىلىمي-زەرتتەۋ جانە تالداۋ ورتالىعىنىڭ ديرەكتورى اي­نۇر ابدىراسىلقىزى وتكەن جىلى ءوزى جەتەكشىلىك ەتەتىن ورتالىق پەن ەلدەگى بارلىق ءدىنتانۋ كافەد­را­لارىنىڭ اراسىندا ىنتىماق­تاستىق تۋرالى مەموراندۋمعا قول قويىلعانىنا توقتالدى. «بۇل مەموراندۋم اياسىندا ءوزارا باي­لا­نىسىمىز جانداندى. اقپارات­تار الماستىق, مالىمەتتەر جي­ناق­تادىق. ءبىزدىڭ سايتىمىزدا ءدىنتانۋ كا­فەد­رالارىنىڭ جۇمىستارى كەڭىنەن ناسيحاتتالا باستادى. وسىن­­داي زەرتتەۋ جۇمىستارىنىڭ ءنا­­تي­جەسىندە ارنايى كىتاپشا شى­عار­دىق», – دەدى اينۇر ءابدىراسىل­قىزى. ونىڭ ايتۋىنشا, ەڭ ءبىرىنشى كەزەكتە ماماندار ءدىنتانۋ كافەد­را­لارى وقىتۋشىلارىنىڭ ساپا­لىق قۇرامىنا تالداۋ جاساعان ەكەن. «سوڭ­عى جىلدارى ءدىنتانۋ ماگيس­تر­­- لەرىنىڭ دايارلانىپ, ءوندىرىس­كە ارالاسا باستاۋى, ءبىزدىڭ كافەدرا­لاردىڭ جۇمىستارىنا ەداۋىر سەرپىن بەردى. بۇعان قوسا, قازىر ءدىنتانۋ كافەدرالارىندا 10 كاسىبي ءپان وقىتىلادى. ياعني, كاسىبي جانە بازالىق پاندەر بارلىق پاندەردىڭ 30 پايىزىن قۇراپ وتىر», – دەدى ورتالىق ديرەكتورى. بۇل كۇنگى جيىندا سالا ماماندارى وتاندىق ءدىنتانۋ عىلىمىنىڭ وزەكتى ماسەلەلەرى جونىندەگى وي-پايىمدارىمەن ءبولىسىپ, ءدىنتانۋ ءبىلىمى مەن عىلىمىن جەتىلدىرۋ جونىندە ۇسىنىستار ازىرلەدى. ءلايلا ەدىلقىزى, «ەگەمەن قازاقستان»