«الماتى بارىسى» ءتۋرنيرىنىڭ جەڭىمپازى انىقتالدى

استانا. 3 مامىر. الماتىدا قازاق كۇرەسىنەن «الماتى بارىسى» ءتۋرنيرى اياقتالدى. وعان 24 پالۋان قاتىستى. بۇل تۋرالى egemen.kz ءتىلشىسى حابارلادى. تۋرنيردە دزيۋدودان 2014 جىلعى قازاقستان چەمپيونى ۆيكتور دەميانەنكو (105 كيلو) «الماتى بارىسى» اتاندى. ول فينالدا قازاق كۇرەسىنەن سپورت شەبەرىنە ۇمىتكەر, 2013 جىلعى جاستار اراسىنداعى قازاقستان چەمپيوناتىنىڭ جۇلدەگەرى باۋىرجان قابايدى جەڭدى. تۋرنير سوڭىندا وعان الماتى قالاسىنىڭ اكىمى, قالالىق قازاق كۇرەسى فەدەراتسياسىنىڭ پرەزيدەنتى باۋىرجان بايبەك التىن بەلبەۋ مەن Lada Priora اۆتوكولىگىنىڭ كىلتىن تابىس ەتتى. كۇمىس جۇلدەگەر باۋىرجان قابايعا 1 000 000 تەڭگە تابىس ەتىلدى. ءۇشىنشى ورىندى 2011 جىلعى دزيۋدودان قازاقستان چەمپيوناتىنىڭ جۇلدەگەرى اقجول مەدەتوۆ (110 كگ) يەلەندى. وعان 500 000 تەڭگە سىياقى بەرىلدى. ەندى ۆيكتور دەميانەنكو مەن باۋىرجان قاباي استانا قالاسىندا وتەتىن «قازاقستان بارىسى» تۋرنيرىنە قاتىساتىن بولادى. داستان كەنجالين. دەرەك, فوتو: الماتى قالاسىنىڭ دەنە شىنىقتىرۋ جانە سپورت باسقارماسى.