سولتۇستىك قازاقستاندا دەپارتامەنت باسشىسى تاعايىندالدى

پەتروپاۆل. 3 مامىر. ادىلەت ءمينيسترىنىڭ بۇيرىعىمەن رۋسلان سۇلتان ۇلى كاكتاي سولتۇستىك قازاقستان وبلىستىق ادىلەت دەپارتامەنتى باسشىسىنىڭ مىندەتىن اتقارۋشى بولىپ تاعايىندالدى. بۇل تۋرالى وبلىستىق اكىمدىكتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. رۋسلان كاكتاي 1979 جىلى تۋعان. ول – قاراعاندىنىڭ «فەميدا» زاڭ ينستيتۋتىن جانە ەكونوميكا ۋنيۆەرسيتەتىن زاڭگەر, ەكونوميست ماماندىقتارى بويىنشا بىتىرگەن. ەڭبەك جولىن 2001 جىلى قاراعاندى وبلىسى بويىنشا قارجى پوليتسياسى دەپارتامەنتىنىڭ ەكونوميكالىق قىلمىستاردى اشۋ جونىندەگى باسقارماسىنىڭ ينسپەكتورىنان باستاپ, 2001 – 2011 جىلدارى ەكونوميكالىق جانە سىبايلاس جەمقورلىق قىلمىستارىمەن كۇرەس دەپارتامەنتىندە ءتۇرلى قىزمەتتەر اتقارعان. 2011 – 2012 جىلدارى سولتۇستىك قازاقستان وبلىسى بويىنشا ەكونوميكالىق جانە سىبايلاس جەمقورلىق قىلمىستارىمەن كۇرەس جونىندەگى دەپارتامەنت باسقارماسى باستىعىنىڭ ورىنباسارى بولىپ ىستەگەن. 2012 – 2015 جىلدارى ادىلەت مينيسترلىگى سوت اكتىلەرىن ورىنداۋ جونىندەگى كوميتەتىنىڭ تۇتقىندالعان جانە مەملەكەت كىرىسىنە الىنعان م ۇلىكتەر بويىنشا جۇمىستى ۇيىمداستىرۋ باسقارماسىنىڭ باستىعى, ادىلەت ءمينيسترىنىڭ كومەكشىسى, استانا قالاسى ادىلەت دەپارتامەنتى باسشىسىنىڭ ورىنباسارى, استانا قالاسى ورتالىق سوت ساراپتاماسى ينستيتۋتىنىڭ ديرەكتورى قىزمەتتەرىن اتقارعان. وسى تاعايىنداۋعا دەيىن ادىلەت مينيسترلىگىنىڭ زاڭعا سايكەس اكتىلەر دەپارتامەنتى كولىك, ينفراقۇرىلىم جانە تەلەكوممۋنيكاتسيالار ماسەلەلەرى بويىنشا زاڭعا سايكەس اكتىلەر ساراپتامالارى باسقارماسىنىڭ ساراپشىسى بولعان. ءومىر ەسقالي. دەرەك, فوتو: سولتۇستىك قازاقستان وبلىستىق اكىمىنىڭ ءباسپاسوز قىزمەتى.