«سارباز» ساپارعا ءازىر

اسكەري ماقساتتاعى وتاندىق كەمە جاساۋ ءوندىرىسى جاڭا ساپالىق كەزەڭگە اياق باس­تى. بۇل تۇجىرىمعا ورال قالاسىنداعى «زەنيت» زاۋىتىندا قۇراستىرىلعان سالماعى 250 توننا راكەتالىق-ارتيللەريالىق كو­­راب­ل كۋا. ونى جاساۋعا 200-دەن استام مامان تارتىلعان. اتالعان كورابلدىڭ بۇعان دە­يىنگى ءوندىرىس جەلىسىنەن سۋعا تۇسىرىلگەن كەمەلەرمەن سا­لىس­­تىرعانداعى باستى ايىر­ما­شى­لىعى, ءوز اتاۋىنان كورىنىپ تۇر­­عانىنداي, ەڭ سوڭعى ۇلگىدەگى ار­تيللەريالىق قۇرىلعىمەن جاب­دىق­تالعانى ءارى جاۋىنگەرلىك مو­دۋلدەر مەن راديوتەحنيكالىق قارۋلار ورناتىلعانى. ەلىمىزدەگى شەكارا قىز­مەتىنىڭ سۇرانىسىنا سايكەس قۇراس­تى­رىلعان كەمەگە  «سارباز» دەگەن اتاۋ قويىلعان. شەكارالىق كو­رابلدىڭ ۇزىندىعى 42 مەتر بولسا, ەنى 7 مەترگە دەيىن جەتەدى. وتان­­­دىق كەمە قۇراستىرۋشىلار تمد اۋماعىندا بالاماسى جوق وزدەرىنىڭ بۇل ينجەنەرلىك-كونس­ترۋكتورلىق ەڭبەگى مەن ءونىمىن تاۋەلسىزدىكتىڭ 25 جىلدىعىنا ارناپ وتىر. بۇل – رەتتىك سانى بو­يىنشا «زەنيتتەن»  كاسپيگە مەملەكەتىمىزدىڭ تەڭىزدەگى ءمۇد­دە­لەرىن قورعاۋعا اتتاناتىن 24-ءشى كورابل. «بۇگىنگى كۇن – مەم­لەكەتىمىزدىڭ ايبىنىن اسىرا الا­تىن تاريحي كۇن. سوندىق­تان, «سار­باز» كەمەسىمەن تەڭىز­گە ات­­­­تان­عالى وتىرعان شەكارا ساق­شىلارىنا اق جول تىلەيمىن», – دەدى كەمەنىڭ شاعان وزەنىنە ءتۇسىرىلۋ ءراسىمى كەزىندە باتىس قا­زاق­­­ستان وبلىسىنىڭ اكىمى التاي كولگىنوۆ. «زاۋىت ماماندارىنىڭ قولى­نان شىققان جاڭا كورابلدىڭ اتقاراتىن قىزمەتىن تەك تەڭىزدەگى شەكارانى قورعاۋمەن شەكتەي سالۋعا بولمايدى. سونىمەن بىرگە, بۇل بەساسپاپ كەمەنىڭ قوسىم­شا قۇرىلعىلارى. سالماعى 170 تون­ناعا دەيىنگى اۋىر جۇكتەردى تاسىمالداۋعا دا مۇمكىندىكتەر تۋعىزادى. ارينە, بۇل – ءبىز ءۇشىن ۇلكەن جەتىستىك. وسىنداي كۇردەلى مىندەتتى يگەرە العانىمىز ۇلكەن مەرەي. كەمە ءوندىرىسىن ودان ءارى جاڭ­عىرتۋ جونىندەگى جوبا اياسىندا بۇدان دا جوعارى سىنىپتاعى كورابلدەر قۇرىلىسىن مەڭگەرۋدى, سالماعى 600 تونناعا دەيىنگى ما­مانداندىرىلعان كەمەلەر مەن ءجۇزۋ قۇرالدارىن شىعارۋدى ويلاستىرىپ وتىرمىز», – دەدى گازەت تىلشىسىنە زاۋىت ديرەكتورى ۆياچەسلاۆ ۆاليەۆ. ەلىمىزدىڭ شەكارالىق قىز­مەتى باس شتابى جاعالاۋ كۇزەتى باس­­قارماسىنىڭ باستىعى سا­بىر حاسانوۆتىڭ ايتۋىنشا, ەل پرەزيدەنتى قول قويعان مەم­لەكەتتىك شەكارانى دامىتۋ مەن بەكەمدەۋ جونىندەگى كەشەندى جوسپارعا سايكەس, 2018 جىلعا دەيىن «سارباز» ۇلگىسىندەگى تاعى دا بىرنەشە كورابل مەن جىلدام جۇزەتىن ۇشقىر كاتەرلەر قۇراستىرىلماق. مۇنىڭ ءوزى كاسپي تەڭىزىندەگى ەلىمىزدىڭ قاۋىپسىزدىگىن كۇشەيتۋگە ەلەۋلى سەپتىگىن تيگىزبەك. مۇنىڭ ءبا­رى نەگىزىنەن زەنيتتىكتەردىڭ كۇ­شىمەن اتقارىلماق. وسى ارا­دا ولار تەڭىزدەگى شەكارا قىز­مەتىندە جۇرگەن كورابلدەرگە ءارتۇرلى تەحنيكالىق قىزمەتتەر كورسەتەتىنىن دە ايتا كەتكەن ءجون. سونىمەن, «سارباز» سۋعا ءتۇ­سىرىلدى. بۇدان ءارى ول جايىق وزەنى ارقىلى كاسپي تەڭىزىنە قاراي باعىت الماق. ەندەشە, ىسكە ءسات دەمەكپىز. تەمىر قۇسايىن, «ەگەمەن قازاقستان»  ورال سۋرەتتە: «سارباز» اسكەري كە­مەسى