مايدانگەرلەر ماداقتالدى

استانادا ورنالاسقان رەسەيدىڭ عىلىم مەن مادەنيەت ورتالىعىندا ۇلى جەڭىستىڭ 71 جىلدىعىنا بايلانىستى كەشەگى كۇندەي كۇركىرەپ وتكەن سۇراپىل سوعىستا كەۋدەلەرىن وققا توسىپ, وتانىن قورعاعان مايدانگەرلەردى ماداقتاۋ ءراسىمى بولدى. سالتاناتتى قابىلداۋعا قاتىسقان قارت ساربازداردى رف قازاقستانداعى توتەنشە جانە وكىلەتتى ەلشىسى ميحايل بوچار­نيكوۆ الداعى ايتۋلى مەرەكەمەن قۇتتىقتاپ, ادامزاتتى فاشيزم ارانىنان امان الىپ قالعان­دارى ءۇشىن ولارعا العىس سەزىمىن ءبىلدىردى. تاريح قايتالاۋدى سۇيە­تىندىكتەن, تاعى ايتا كەتەيىك, ەكىن­شى دۇنيەجۇزىلىك قىرعىندا ءبىر ميل­ليوننان استام قازاقستاندىق جاۋىنگەرلەر قولدارىنا قارۋ ۇستاپ, قايسارلىق پەن قاھارماندىقتىڭ قايتالانباس ۇلگىلەرىن كورسەتتى. ەسىل بوزداقتاردىڭ تەڭ جارىمى قازا تاۋىپ, سۇيەكتەرى ۇرىس دالاسىندا قالدى. قازاقستاندا جاساقتالعان اسكە­­ري قۇرامالاردىڭ قاتارىن­دا اقمولا قالاسىندا ۇيىم­داس­تى­رىلعان 310-شى, 387-ءشى, 29-شى اتقىشتار جانە 106-شى كاۆالەريالىق ديۆيزيالار با­قاي­شاعىنا دەيىن قارۋلانعان باس­قىنشىلارمەن ەرلىكپەن شايقاسقانى بەلگىلى. استانا قالالىق ارداگەرلەر كەڭەسى توراعاسىنىڭ ورىنباسارى اناتولي گولۋبچيكوۆتىڭ ايتۋىنشا, قازىر ەلوردادا ەلىنىڭ ازاتتىعى ءۇشىن ەتىگىمەن قان كەشكەن 170 قاريا تۇرادى. سولاردىڭ ساپىنداعى قا­دان بەكەنوۆ, احات بەكمادي, ما­ريا پولتوراتسكايا, مويسەي گولد­بەرگ, الەكسەي فرولوۆ, بارلىباي تابەشوۆ, ولەگ ليننيك جانە باس­قالار وسى كەزدەسۋگە كەلدى. تاياق­تارىنا سۇيەنگەن تارلانبوزدار ءبىر-بىرىمەن قاۋقىلداسىپ, كەيىنگى جاستارعا ەستەلىكتەرىن ايتىپ, كو­ڭىلدەرى كوتەرىلىپ قالعانىن كوردىك. قۇرمەتتى قوناقتارعا ارنالعان كونتسەرتتە قاليبەك قۋانىشباەۆ اتىنداعى قازاق اكادەميالىق دراما تەاترى كامەرالىق وركەسترىنىڭ سۇيەمەلدەۋىمەن قۇ­دايبەرگەن ءابىلدين, ازات تۇرا­نەل, تۇرسىن ءتو­رە­مۇراتوۆا, باقىت­جان سۇل­تا­نوۆ, ءالىمجان باقىت­جا­نوۆ سىن­دى ونەرپاز وركەن­دەر يسااك دۋنا­ەۆ­سكي, نيكيتا بوگو­سلوۆ­سكي, يان فرەنكەل, سەيدوللا ءباي­­تەر­ەكوۆ, ۆاسيلي سولوۆەۆ-سەدوي, داۆيد تۋحمانوۆ سياقتى كور­نەكتى كومپوزيتورلاردىڭ كوپ­شى­­لىككە ابدەن تانىمال اندەرىن ورىن­­داپ, ءبارىمىزدى ادەمى اسەرگە بولەدى. كەزدەسۋدەن كەيىن ءالى دە قا­تاردان قالماعان قارۋلاستار ءوز­دە­رىنىڭ قۇرمەتىنە جاي­ىلعان داستارقاننان ءدام تاتتى. تالعات باتىرحان, «ەگەمەن قازاقستان» سۋرەتتى تۇسىرگەن ورىنباي بالمۇرات