قونىستويلار كوبەيمەك

قاي كەزەڭدە دە باسپانا ماسەلەسى كۇن تارتىبىنەن تۇسكەن ەمەس. قازىر ىشكى كوشى-قوننىڭ توقتاماۋىنا وراي, وبلىس ورتالىعىندا جانە كىشى­گىرىم قالالاردا بۇل ءما­سە­لە وتكىر­لەنە تۇسكەن ءتارىزدى. الەۋ­مەتتىك باسپاناعا كەزەك تە ۇزىن-سونار. ال جەرگىلىكتى بيۋدجەت قاراجاتى تۇرعىنداردىڭ بۇل سۇ­رانىسىنىڭ بارلىعىن وتەۋ­گە قاۋ­قارسىز. سوندىقتان تۇر­عىن ءۇي قۇرىلىسىنا قاراجات ءتۇرلى باعدارلامالار مەن قارجى ينستيتۋتتارىنان تارتىلادى. سونداي قارجى كوزدەرىنىڭ باسىندا «بايتەرەك» ۇلتتىق باسقارۋشى حولدينگى تۇر. قوستانايعا ونىڭ باسقارما توراعاسى قۋاندىق ءبيشىم­باەۆ باسقارعان كومپانيا­لار توبىنىڭ دەلەگاتسياسى كەلىپ, وبلىس اكىمدىگىمەن بىرقا­تار كەلىسىمدەرگە قول قويدى. دەلە­گاتسيا مۇشەلەرى سالىنىپ جات­قان كوپ قاباتتى تۇرعىن ءۇي قۇرى­لىستارىن ارالاپ كوردى. قۋاندىق بيشىمباەۆ وبلىس اكىمى ارحيمەد مۇحامبەتوۆپەن بىرگە «اەروپورت» شاعىن اۋدانىنداعى قۇرىلىسى ەندى باستالاتىن 9 قاباتتى تۇرعىن ءۇيدىڭ ىرگەتاسىنا تاس قالادى. جالپى, قوستاناي وبلىسىندا 2016-2017 جىلدارى ءتۇرلى قارجىلاندىرۋ ينستيتۋتتارىن پايدالانا وتىرىپ, 13 ميلليارد تەڭگەگە 112 مىڭ شارشى مەتر قولجەتىمدى الەۋمەتتىك تۇرعىن ءۇي سالۋ جوسپارلانىپ وتىر. بۇل 1800 قوستانايلىق وتباسىنىڭ باسپانا جاعدايىن جاقسارتادى دەگەن ءسوز. سونىمەن قاتار, وسى حولدينگ قۇرامىنا كىرەتىن باسقا دا كومپانيالارمەن بىرنەشە تۇرعىن ءۇي باعدارلامالارى شەڭبەرىندە جۇمىس باستالماق. وبلىس اكىمدى­گىنىڭ 3,4 ميلليارد تەڭگەنىڭ وبليگاتسيالارىن شىعارۋ ارقىلى «تۇرعىنۇيقۇرىلىسجيناقبانكى» اق سالىمشىلارىنا ارنالعان نەسيەلىك قۇرىلىسىنا «بايتەرەك دەۆەلوپمەنت» اق قارجىسى تارتىلادى. بۇل 528 پاتەرلى 9 ءۇي سالۋعا مۇمكىندىك بەرەدى. وسى جوبالاردى جۇزەگە اسىرۋ ءۇشىن وبلىس اكىمدىگى مەن اتالعان بانك اراسىندا باسپانا سالۋدى تۇرعىن ءۇي قۇرىلىسى سالىمدارى جۇيەسى ارقىلى جۇزەگە اسىرۋ جونىندەگى ىنتىماقتاستىق مەموراندۋمىنا وبلىس اكىمى ارحيمەد مۇحامبەتوۆ پەن «تۇرعىنۇيقۇرىلىسجيناقبانكى» اق باسقارما توراعاسى ايباتىر جۇماعۇلوۆ قول قويدى. سونداي-اق, مەملەكەت-جەكە­مەنشىك ارىپتەستىگى نەگىزىندە دە «بايتەرەك دەۆەلوپمەنت» اق جەكە­مەنشىك قۇرىلىس كومپانيالارىمەن جۇمىس جۇرگىزبەك. سونىڭ ارقاسىندا قوستانايدا الداعى ۋاقىتتا 5,8 ميلليارد تەڭگە تۇراتىن 8 ءۇي سالىنباق. وندا 677 وتباسى جاڭا قونىسىن تابادى. وسىنداي يگىلىكتى جۇمىسقا نيەت بىلدىرگەن «بايتەرەك دەۆەلوپمەنت» كومپانياسى قوستانايلىق «بك-ستروي», «اگروفيرما «يرينا ي ك», «رەمسترويمونتاج» قۇرى­لىس كومپانيالارىمەن مەموران­دۋمعا قول قويدى. بۇل كەلىسىمدەر شەڭبەرىندە قوستاناي قالاسىنداعى «اەروپورت», «ارمان» شاعىن اۋداندارىندا جاڭا تۇرعىن ءۇي قۇرىلىستارى باستالادى. قۇرى­لىسشىلار ءوز تاراپىنان ساپالى تۇرعىن ۇيلەردى دەر ۋاقىتىندا سالاتىن بولادى, ال «بايتەرەك دەۆەلوپمەنت» قۇرىلىس جوبالارىن قارجىمەن قامتاماسىز ەتەدى. وبلىس اكىم­دىگى قۇرىلىس تۇسەتىن جەر ءبولىپ, ونىڭ ينفراقۇرىلىمىن قام­تاماسىز ەتەدى, كوركەيتۋ, كوگالداندىرۋ, بالالار الاڭىن سالۋ جۇمىستارىن جۇرگىزەدى. داعدارىس قيىندىقتارىنا بايلانىستى بيۋدجەت قورجىنى جۇ­قارعان ۋاقىتتا قارجى رەسۋرسىنا يە «بايتەرەك» ۇلتتىق باسقارۋشى حولدينگى ەلىمىزدەگى كوپتەگەن ينفراقۇرىلىمدىق جوبالاردى قارجىلاندىرىپ وتىر. سونىمەن قاتار «مەملەكەت-جەكەمەنشىك ارىپتەستىگى تۋرالى» زاڭ قارجى جانە جەكە مەنشىك قۇرىلىمداردان ينۆەستيتسيا تارتۋعا مۇمكىندىك بەرىپ وتىرعانى تاعى بار. – «نۇرلى جول» ينفرا­قۇ­رى­لىمدىق مەملەكەتتىك دامۋ باعدارلاماسى اياسىندا ءبىزدىڭ ەنشىلەس ۇيىمىمىز «بايتەرەك دەۆەلوپمەنت» 2016 جىلى قوستاناي وبلىسىندا قۇنى 7 ميلليارد تەڭگە بولاتىن 49 مىڭ شارشى مەتر تۇرعىن ءۇي سالاتىن بولادى, – دەدى قۋاندىق بيشىمباەۆ. – 2012 جىلدان باستاپ ءبىزدىڭ وبلىستا «تۇرعىن­ۇيقۇرى­لىس­جي­ناقبانكى» جەلىسىمەن مىڭنان اسا ادام باسپانالى بولدى. ءبۇ­گىندە 30 مىڭنان اسا قوستاناي­لىقتار بانكتىڭ سالىمشىلارى­نا اينالعان. مۇنىڭ ءوزى تۇرعىن ءۇي باعدارلاماسىنىڭ بۇل باعى­تى دا سۇرانىمعا يە دەگەن ءسوز. ءبىز «بايتەرەك» حولدينگى ءبولىم­شەلەرىمەن ىنتىماقتاسا وتىرىپ, ءالى دە مىڭداعان قوستاناي­لىقتاردىڭ باسپانا جاعدايىن جاقسارتاتىن بولامىز, – دەدى وبلىس اكىمى ارحيمەد مۇحامبەتوۆ. ءنازيرا جارىمبەتوۆا, «ەگەمەن قازاقستان» قوستاناي