ەلەك وزەنىنە شاباقتار جىبەرىلدى

«قازحروم» تۇك» اق-تىڭ فيليا­لى – اقتوبە فەر­روقورىتپا زاۋىتى تابيعات قورعاۋ شارا­لارىنا باسا ماڭىز بەرەدى. بىلتىردان بەرى كاسىپورىن وزەن-كول­دەردى بالىقتاندىرۋعا اتسالىسۋدا. بۇل باستامانى بۇدان بىلاي جىل سايىن جالعاستىرۋ كوزدەلۋدە. بيىل دا كاسىپورىن جىلداعى ءداستۇر بويىنشا اقتوبە قا­لاسىنىڭ ىرگەسىندەگى ەلەك وزەنىنە تەز كوبەيەتىن 46290 ءبىر جىلدىق ۇساق تۇقى شا­باقتارىن جىبەردى. وسى يگىلىكتى ءىس-شارانى وي­داعىداي جۇزەگە اسىرۋعا 3,5 ميلليون تەڭگەگە جۋىق قار­جى ءبولىندى. – وزەن-كولدەردى بالىق­تان­دىرۋ شاراسىنا مەتاللۋرگتەر دە ءوز ۇلەستەرىن قو­سىپ, وسىمەن ەكىنشى رەت قا­­تىسىپ وتىر. بىلتىر ەلەك وزەنىنە تەز وسەتىن 50 مىڭ تۇقى بالىقتارىن ءجى­بەرسە, بيىل دا بۇل باس­تاما جال­عاسىن تاۋىپ ۇساق شا­باقتار «ارداعىم» شارۋا قوجا­لىعىنان الىنىپ وزەنگە جىبە­رىلدى. مۇنداي شارا­­لار قالا­مىزدىڭ ەكولوگيالىق احۋالىن جاقسارتۋعا, وزەن­­­­­دەردىڭ بالىق قورىن كوبەي­تۋگە ءمۇم­كىندىك بەرەدى, – دەيدى ەنەر­گە­تيكالىق قام­تا­ماسىز ەتۋ باسقارماسى باس­­تىعىنىڭ جىلۋ-ەنەرگەتيكا جونىندەگى ورىنباسارى وسەرباي قاينەكەەۆ. – وزەن-كولدەردى با­لىق­­تان­دارۋ باس­تاماسىنا اقتوبە فەرروقورىتپا زاۋى­تىنىڭ ۇجىمى وبلىس بويىنشا العاشقىلاردىڭ ءبىرى بولىپ ءۇن قوسىپ, ەلەك وزەنىن بالىقتاندىرۋعا اتسالىسقان بىردەن-ءبىر كاسىپورىن بولىپ تابى­لادى. مەتاللۋرگتەر ءۋا­دەسىنە بەرىك, ىستەرىنە ادال ەكەندىكتەرىن تىڭ­عى­لىق­تى ىستەرىمەن ءدا­لەل­دەپ, قالا تۇرعىندارىنا ۇلكەن قۋا­نىش سىيلاپ, وبلىستىڭ ەكو­لوگيالىق ماسەلەلەرىن شەشۋگە ۇيىتقى بولۋدا, – دەيدى وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقار­ماسىنىڭ باسشىسى نۇرجان اققۇل. بۇل كاسىپورىن قورشاعان ورتانى قورعاۋ باعىتىندا زاۋىت­تاعى گازدان تازارتۋ سۇزگىلەرىن اۋىستىرۋ, ءوندىرىس ايماعىنا اعاش وتىرعىزۋ, كوگالداندىرۋ, اباتتاندىرۋ, ەكولوگيالىق ايلىقتار وتكىزۋ, سەنبىلىكتەر ۇيىمداستىرۋ سياقتى شارالاردى تۇراقتى وتكىزىپ وتىرادى. اعىمداعى جىلى زاۋىتتىڭ قورشاعان ورتانى قورعاۋ باسقارماسىنىڭ جۇمىس جوس­پارىندا ەكو­لوگيالىق شارالاردى جۇزەگە اسىرۋعا 1782 674 مىڭ تەڭگە كولەمىندە قارجى قاراستىرىلعان. بۇگىنگى تاڭدا وسى باسقارمانىڭ باستاماسىمەن 2006 جىلدان بەرى قالا جانە ءوندىرىس ايماعىنا ءبىر ميلليوننان استام ءتۇرلى اعاش كوشەتتەرى وتىرعىزىلدى. العاش رەت مەتاللۋرگتەردىڭ قولىمەن وتىرعىزىلعان كوشەتتەر بۇگىندە ءزاۋلىم اعاش بولىپ بوي تۇزەپ, قالا جانە ءوندىرىس ايماعىنا ەرەكشە ءسان بەرىپ, كوركىنە كورىك قوسۋدا. ساتىبالدى ءساۋىرباي, «ەگەمەن قازاقستان» اقتوبە وبلىسى