اسكەري جادىگەرلەر اسەرى

استاناداعى اسكەري-تاريحي مۋزەيدە الەمدىك دەڭگەيدەگى ستوكگولم قالاسى ارميا مۋزەيىنىڭ «ءومىر مەن ءولىم اراسىنداعى زاتتار» اتتى كورمەسىنىڭ اشىلۋ سالتاناتى ءوتتى. كورمە 2010 جىلى سول جىلدىڭ ۇزدىك ەستەتيكالىق جوباسى رەتىندە «التىن ۆيترينا» جۇلدەسىنە يە بولعان ەدى. سونىمەن قاتار, شۆەتسيا, نورۆەگيا, بەلگيا, پولشا, بەلارۋس جانە ەستونيا ەلدەرىندە كەڭىنەن تانىلعان ەكەن.  اتالعان جىلجىمالى كورمە ءبۇ­گىنگى تاڭدا ارميا مۋزەيىنىڭ الەم­دىك دەڭگەيدەگى ەڭ ۇزدىك جوباسى بولىپ تابىلادى. كورمەنىڭ ەرەك­شەلىگى سول, مۇندا قارۋ-جاراق اتىمەن جوق. ەكسپوناتتاردىڭ دەنى – كۇندەلىكتى تۇرمىستا, ياعني سوعىس­تاردا تۇتىنىلعان زاتتار: ىدىس-اياق, قۇرال-سايمان, اساي-مۇسەيلەر. ءبىر قاراعاندا, جاي زاتتار سەكىلدى كورىنەتىن بۇل قۇندى دۇنيەلەردىڭ استارىندا نەبىر بۇلتارتپاس شىندىق پەن تاريح اقيقاتى جاتىر. سوعىس سۇراپىلىندا وتباسىنان جىراقتا جۇرگەن جاۋىن­گەر­دىڭ ەڭ قىمبات تا قاسيەتتى جادىگەر بويتۇمارلارىمەن وسى اسكە­ري كورمەدە عانا تانىسا الاسىز. ۇيىم­داستىرىلىپ جاتقان شارا حالىق­ارالىق دەڭگەيدەگى اسكەري-تاريحي مۋزەيلەرمەن جاقسى قارىم-قاتى­ناس ورناتىپ, الداعى ۋاقىتتا ءتاجى­ريبە الماسۋعا كوپتەن-كوپ سەپتىگىن تيگىزبەك. سونداي-اق, كورمەنىڭ اشىلۋ سالتاناتىنا قورعانىس مينيسترلىگىنىڭ باسشىلارى, عىلىم مەن مادەنيەت, قوعام قايراتكەرلەرى, ستوكگولمدىك ارميا مۋزەيىنىڭ ديرەكتورى ەۆا-سوفي ەرنستەلل جانە استانا قالاسىنداعى ديپلوماتيالىق كورپۋستار وكىلدەرى قاتىسىپ, پايىمدى پىكىر, ۇتقىر ۇسىنىستارىمەن ءبولىستى. 522 ەكسپونات قويىلعان كورمە 2016 جىلدىڭ 15 قازانىنا دەيىن جالعاسادى. راۋشان تاۋىرحانقىزى, «ەگەمەن قازاقستان»