ۇكىمەتكە ۇسىنىمدار جولدانادى

پارلامەنت ماجىلىسىندە «قازاقستان رەسپۋبليكا­سىن­دا­عى قولما-قول اقشاسىز ەسەپ ايىرىسۋدىڭ جاعدايى جانە دامۋ بولاشاعى» دەگەن تاقى­رىپ بويىنشا دوڭگەلەك ۇستەل ءوتتى. دوڭگەلەك ۇستەلدى ءماجى­لىس­تىڭ قارجى جانە بيۋدجەت, اگرارلىق ماسەلەلەر كوميتەتتەرى ۇيىمداستىردى. ۇلتتىق بانك توراعاسىنىڭ ورىنباسارى بيسەنعالي ءتاجىيا­قوۆ «قازاقستان رەسپۋبليكاسىن­داعى قولما-قول اقشاسىز ەسەپ ايىرىسۋدىڭ قازىرگى جاعدايى جانە دامۋ بولاشاعى» تاقىرى­بىندا بايانداما جاسادى. قازاق­ستان رەسپۋبليكاسىنىڭ قارجى ۆيتسە-ءمينيسترى بەرىك شولپان­قۇ­لوۆ  اتالعان تاقىرىپ توڭىرەگىن­دە جان-جاقتى اڭگىمەلەدى. سون­داي-اق وسى ماسەلە بويىنشا قار­جى نارىعىن جانە قارجى ۇي­ىمدارىن رەتتەۋ مەن قاداعا­لاۋ اگەنتتىگى توراعاسىنىڭ ورىن­با­سارى قۋات قوجاحمەتوۆ ءسوز سويلەدى. پارلامەنت ءماجىلىسىنىڭ قار­جى جانە بيۋدجەت كوميتەتىنىڭ ءتورايىمى گۇلجان قاراقۇسوۆا مەن پارلامەنت ءماجىلىسىنىڭ اگرارلىق ماسەلەلەر كوميتەتى­نىڭ حاتشىسى يۆان چيركالين ءوز سوزدەرىندە قازاقستان رەسپۋب­ليكا­سىن­داعى قولما-قول اقشا­سىز ەسەپ ايىرىسۋدىڭ دامۋ پروب­لەمالارى تاقىرىبىن قوزعادى. دوڭگەلەك ۇستەلگە پارلامەنتشىلەرمەن قاتار, «قازكوم­مەرتس­بانك», «بتا بانك»,  «تسەنتر­كرەديتبانك», «قازاقستان حالىق بانكى», سونداي-اق قازاقستان بويىنشا «VISA» جانە «Master Card» حالىقارالىق تولەم جۇيەسىنىڭ وكىلدەرى قاتىسىپ, ءوز پىكىرلەرىمەن ءبولىستى. دوڭگەلەك ۇستەلدى جۇرگىزگەن پارلامەنت ءماجىلىسىنىڭ قارجى جانە بيۋدجەت كوميتەتىنىڭ حات­شىسى سانسىزباي ەسىلوۆ قورىتىندى ءسوز سويلەپ, وسى باسقوسۋدا كۇن تارتىبىندەگى ماسەلە بويىنشا جان-جاقتى پىكىر الماسۋ بولعانىن اتاپ ءوتتى. ۇكىمەتكە جانە بىرقاتار مەملەكەتتىك ورگاندارعا دوڭگەلەك ۇستەلدىڭ قورىتىندىسى بويىنشا ءبىر جۇيەگە كەلتىرىلگەن ۇسىنىمدار جولداناتىن بولدى, دەپ حابارلادى پارلامەنت ءماجىلىسىنىڭ ءباسپاسوز قىزمەتى.