قوستاناي. 28 ءساۋىر. لوندون وليمپياداسىنىڭ قولا جۇلدەگەرى, ءۇش دۇركىن الەم چەمپيونى, بوكسشى يۆان دىچكو وبلىستاعى «جاستار ەسىرتكىگە قارسى!» اكتسياسىنا قاتىستى. شارانى قوستاناي وبلىستىق ىشكى ىستەر دەپارتامەنتى ەسىرتكىمەن كۇرەس باسقارماسى كوللەدجدەر ستۋدەنتتەرى ءۇشىن ۇيىمداستىردى. بۇل تۋرالى وبلىستىق ىشكى ىستەر دەپارتمامەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
اكتسيانى ۇيىمداستىرۋشى وبلىستىق ەسىرتكىمەن كۇرەس باسقارماسىنىڭ جەدەل ۋاكىلى ايگۇل ەرادىلوۆا ءجاسوسپىرىم كەزىنەن سپورتپەن شۇعىلدانعان اتاقتى بوكسشى يۆان دىچكونى جاستار ۇلگى السىن دەپ شاقىرعانىن ايتتى.
ول: «مۇنداي كەزدەسۋلەر ەلىمىزدە سالاماتتى ءومىر سالتىن قالىپتاستىرۋداعى ناتيجەلى قادامدار بولىپ تابىلادى. ويتكەنى, سپورت جۇلدىزدارىمەن جۇزبە ءجۇز كەزدەسۋ جاستارعا وي سالادى. بىزگە دەنى ساۋ, شىمىر جاستار كەرەك», – دەدى.
يۆان دىچكو وبلىستاعى مۇنداي اكتسيالاردىڭ ءجيى قوناعى بولادى. مىسالى ول جاقىندا ءسۋيتسيدتىڭ الدىن الۋ تۋرالى باياندالاتىن الەۋمەتتىك روليككە ءتۇستى. جاتتىعۋلارىنىڭ اراسىندا, جارىسقا بارماعان كەزدەرىندە ىلعي ۋاقىت تاۋىپ, جاستارمەن كەزدەسەدى, ولارعا سپورت, بوكس تۋرالى ايتىپ وتىرادى.
«سپورت – زياندى ادەتتەرمەن كۇرەسۋدىڭ قۋاتتى قۇرالى. بۇل جونىندە مەن شارشاماي ايتىپ كەلەمىن», – دەدى وليمپيادا جۇلدەگەرى. سونداي-اق, ول جاستارعا ءوزىنىڭ سپورت جولدارىنان قىزىقتى اڭگىمەلەر ايتتى جانە اكتسيا باستالار الدىندا جانكۇيەرلەرىنە قولتاڭبا بەردى. پوليتسەيلەر وسى كەزدەسۋدە ستۋدەنتتەرگە سينتەتيكالىق ەسىرتكى زاتتارىنىڭ جانە جاستار اراسىندا تاراپ وتىرعان ماريحۋانانىڭ زيانى تۋرالى دەرەكتى فيلم مەن ءتۇرلى روليكتەر كورسەتتى.
وبلىستىق ناركولوگيالىق ديپانسەردىڭ پسيحولوگى الما قۇلمۇحامبەتوۆا ناشاقورلىقتان قالاي اۋلاق بولۋ كەركتىگى جانە ەسىرتكىگە ەلىككەندەردى ەمدەۋدىڭ قيىندىعى تۋرالى ايتىپ بەردى. وبلىستىق ديسپانسەردە قازىر 50 اۋرۋ ەمدەلۋدە, ونى 15-ءى ناشاقورولار. پسيحولوگ جاقىندا سپايس دەپ اتالاتىن سينتەتيكالىق ەسىرتكى زاتتى پايدالانعان رەسەيلىك ەكى جاستىڭ ەمدەلگەنى تۋرالى اقپارات ايتتى. ەسىرتكىنىڭ بۇل ءتۇرى ولاردى ەستۋ قابىلەتىنەن ايىرعان.
مۇنداي اكتسيالار مەكتەپ وقۋشىلارىنىڭ اراسىندا دا ءوتىپ ءجۇر, ولارمەن كەزدەسۋگە دە وبلىستاعى بەلگىلى سپورتشىلار شاقىرىلادى.
ءنازيرا جارىمبەتوۆا.
دەرەك, فوتو: قوستاناي وبلىستىق ىشكى ىستەر دەپارتامەنتىنىڭ ءباسپاسوز قىزمەتى.
