ارىپتەستىكتىڭ بەلسەندى باعىتتارى

جۋىردا «قازمۇنايگاز» بارلاۋ ءوندىرۋ» اكتسيونەرلىك قوعامىنىڭ باس ديرەكتورى قۇرمانعازى ەسقازيەۆ ەلىمىزدە ىسساپارمەن جۇرگەن Eni S.p.A كومپانياسىنىڭ اعا ۆيتسە-پرەزيدەنتى – بارلاۋ ءوندىرۋ جونىندەگى باس ديرەكتورى انتونيو ۆەللامەن كەزدەستى. Eni S.p.ا – مۇنايدى زەرتتەۋ, تاسىمالداۋ جانە يگەرۋمەن, بازالىق ماي جانە قوس­پا وندىرىسىمەن, سونداي-اق, بلەندينگ پەن تاۋارلىق مايدى بولشەكتەپ ولشەۋمەن اينالىساتىن الەمدەگى ساناۋلى مۇناي كومپانيالارىنىڭ ءبىرى. دۇنيەجۇزىنىڭ 70 ەلىندە بيزنەس جۇرگىزىپ وتىرعان كومپانيادا 76 مىڭداي ادام جۇمىس ىستەيدى. وسىنداي ءىرى كوم­پانيانىڭ وكىلىمەن كەزدەسۋ ەكى تاراپتان دا رەسمي سي­پات­تا ءوتتى. كەزدەسۋگە اتالمىش شەتەلدىك كومپانيانىڭ ور­تالىق ازيا بويىنشا ۆيتسە-پرەزيدەنتى دانيەللە ۆەر­تورەللي مەن قاشاعان, قارا­شىعاناق جوبالارى جونىندەگى باسقارۋشى ديرەكتورى لۋكا ۆينياتتي قاتىسقانىن اتاپ ءوتۋ قاجەت. كەزدەسۋ بارىسىندا انتونيو ۆەللا قۇرمانعازى ەسقازيەۆتى «قازمۇنايگاز» بارلاۋ ءوندىرۋ» اق باس دي­رەكتورى لاۋازىمىنا تا­­عايىندالۋىمەن جانە «قازاقستان رەسپۋبليكاسى كو­مىر­سۋتەگى الەۋەتىن عىلىمي نەگىزدەۋ» تاقىرىبىنداعى جۇمىستار تسيكلى ءۇشىن ءال-فارابي اتىن­داعى مەملەكەتتىك سىيلىق – جوعارى ماراپاتىن الۋىمەن قۇتتىقتادى. ارىپتەستەر «قمگ» ءبو» اق جانە Eni S.p.A-نىڭ ەكى­جاق­تى قارىم-قاتىناس ىنتى­­ماقتاستىعىنىڭ ءوزارا ءتيىم­دىلىگى جايىن, اتاپ ايت­قاندا, بارلاۋ جانە ءوندىرۋ سالا­سىن­داعى جاڭا تەحنولوگيالار, قىزمەتكەرلەردى باسقارۋ جانە ماماندار الەۋەتىن دامىتۋ, سونداي-اق HR قىزمەتى جۇمىس­كەرلەرى اراسىندا ءتاجى­ريبە الماسۋ تۋرالى ماسە­لە­لەر­دى تالقىلادى. بۇدان باسقا, تاراپتار كورپوراتيۆتىك باسقارۋدى جاقسارتۋ ماسەلە­لەرى بويىنشا پىكىر الماستى. ايتا كەتەيىك, «قازمۇ­ناي­گاز» بارلاۋ ءوندىرۋ» اق كومپانياسى بىل­تىر­عى جىلدىڭ قورى­تىندىسى بويىنشا مۇناي ءوندىرۋ كولە­مى جاعىنان ەلىمىزدەگى كوش­­­باس­­شىلاردىڭ ۇشتىگى­نە كىردى. ءدا­لى­رەگىندە مۇ­نا­ي­دىڭ دالەل­دەنگەن جانە بول­جامدى قور­لارىنىڭ كولەمى بىرلەسكەن كاسىپ­ورىن­دارداعى ۇلەستى ەسەپتەمەگەندە 2015 جىلدىڭ سوڭىنداعى جاعداي بويىنشا 152 ملن. توننانى قۇرادى. مارات اققۇل, «ەگەمەن قازاقستان»