قىتايدا ۋنيۆەرسياداعا قىزىعۋشىلار كوپ

كەلەسى جىلى الماتىدا وتەتىن ۋنيۆەرسياداعا قىتايدىڭ قورعاس ايماعىنان 5000-عا جۋىق تۋريست كەلەدى. بۇل تۋرالى قىسقى ويىنداردى ۇيىمداستىرۋ جانە ونى وتكىزۋ جونىندەگى ديرەكتسيا حابارلادى. قولدا بار مالىمەتتەرگە قارا­عاندا, قورعاس قالالىق تۋريزم باسشىلىعى بۇكىلالەمدىك ۋنيۆەرسياداعا كوپ ادام اپارۋ ءۇشىن ماركەتينگتىك جوبا جاساپ, قىتاي حالقىنا ۋنيۆەرسيادانى بارىنشا ناسيحاتتاعىسى كەلەدى. قىتاي ايماعىنىڭ باسشىسى ۆان ءشۋليننىڭ ايتۋىنشا, ولار بىلتىر شەتەلگە 18 000-عا جۋىق ءتۋريستى اپارعان. بۇل – مار­كەتينگتىك كومپانيانىڭ اتقارعان جۇمىسىنىڭ ناتيجەسى. – ەندى ءبىز الماتىدا وتەتىن ۋنيۆەرسيادانى بارىنشا ناسيحاتتاپ, قازاقستانعا كوپ تۋريست اپارعىمىز كەلەدى. ۋني­ۆەرسيادانى ناسيحاتتاۋ جۇمى­سىنا قازاقستان ەشقانداي شىعىن شىعارمايدى. ءبارىن ءوزىمىز كوتە­رەمىز, – دەيدى ول. قازىر ۋنيۆەرسيادانىڭ باستالۋىنا ءبىر جىلدان از ۋاقىت قالدى. سوندىقتان, قىسقى ويىنداردى ۇيىمداستىرۋ جانە ونى وتكىزۋ جونىندەگى ديرەكتسيا اتالعان جارىستى جان-جاقتى ناسيحاتتاۋ, قالانىڭ ءيميدجىن كوتەرۋ بويىن­شا كەز كەلگەن ەلمەن جۇمىس ءىس­تەۋگە دايىن تۇر. جۇمىستارىن جاساپ تا جاتىر. جاقىندا ال­ما­تىدا ۋنيۆەرسيادانىڭ تۋريستىك مۇمكىندىگىنە ارنالعان KITF-2016 كورمەسى ءوتتى. وندا ەلىمىز بەن ۋنيۆەرسيادا تۋرالى كەڭىنەن مالىمەت بەرىلدى. ۋنيۆەرسيادانى ۇيىمداستىرۋ جانە ونى وتكىزۋ جونىندەگى ديرەك­تسيا باسشىسى داستان سەيت­قا­زيننىڭ ايتۋىنشا, جارىستار كەزىندە قالاعا 30 000-عا جۋىق تۋريست كەلەدى دەپ جوسپارلانىپ وتىر. قازىر قازاقستاندىق تۋ­ريستىك كومپانيالارمەن بىرگە ۋني­ۆەرسيادانىڭ تۋر-پاكەتى ج­ا­سالىپ جاتىر. تۋر-پاكەتتە تۋ­ريستەردىڭ ۆيزا ماسەلەسىن شە­شۋى, قوناقۇيلەرگە ورنالاسۋى, جارىس بيلەتتەرىن وڭاي جولمەن ساتىپ الۋى قاراستىرىلۋدا. رۇستەم جۇمان