ءۇش ۇرى

ۇرلىقتى جەتىسپەۋشىلىكتەن جاسايدى دەيتىنبىز. سويتسەك, قولعا ىلىنگەننىڭ ءبارىن ۇپتەمەي, تەك اسىل تاستاردى الۋمەن اي­نالىساتىندار, ياعني تاڭ­داپ تونايتىندار دا بار ەكەن. ماڭعىستاۋ وبلىسىندا تەك التىن بۇيىمداردى ۇرلاۋمەن اينالىسقان ۇرىلار ۇستالدى. ولاردى بازبىرەۋلەر «كەزبە ۇرىلار» دەپ اتاپ ۇلگەردى. سەبەبى, ماڭعىستاۋعا قىزىلوردا وبلىسى وڭىرىنەن كەلگەن ۇرىلار ەل-جەردى كەزىپ ءجۇرىپ, «كاسىپ جاسايتىن» بولىپ شىقتى. ولار ماڭعىستاۋدا فورت-شەۆچەنكو, جاڭاوزەن, جەتىباي, قۇرىق, شەتپە كەنتتەرىنەن 27 ءۇيدىڭ مۇلكىن قولدى ەتكەن. الدىمەن, اۋىل­-اۋىلدى ارالاپ, اۋقاتتى, داۋلەتتى دەگەن ۇيلەردىڭ ەسىگىن قاعىپ كورەدى ەكەن. ۇيدە ادام جوق ەكەندىگىنە كوز جەتكىزگەن سوڭ, تەرەزەدەن كىرىپ, اقشا مەن التىن بۇيىمداردى الىپ كەتە بەرەتىن بولعان. كوبىنە جەكە ۇيلەردى توناۋمەن اينالىسىپ كەلگەن ءۇش باۋكەسپە «ولجالارىن» اقتاۋ قالاسىنداعى ورتالىق بازاردا وتكىزىپ كەلگەن. الايدا, ءالى وتكىزىپ ۇلگەرمەگەندەرىن پوليتسيا تاركىلەدى. باۋكەسپەلەر جارتى ايدىڭ ىشىندە 15 ميلليون تەڭگەنىڭ دۇنيەسىن قولدى ەتكەن. ولاردى ءتىنتۋ بارىسىندا 2 ميلليون تەڭگە مەن ءبىرشاما كانادا دوللارى تابىلدى. اۋەلدە, قۇتىلعاندارىمەن, ارتىنان تۇتىلدى. قازىر ۇرىلار تەرگەۋ اباقتىسىندا. گۇلايىم شىنتەمىرقىزى, «ەگەمەن قازاقستان» ماڭعىستاۋ وبلىسى