جارىستار جاڭعىرىعى

فۋتبول. قازاقستان پرەمەر-ليگاسىنىڭ 7-تۋرىنىڭ وي­ىن­دارى وينالدى. تۋردىڭ باستى ويىنى پاۆ­لوداردا ءوتتى. وندا «ەرتىس» «اس­تانانى» قابىلداپ, 2:2 ەسە­بىمەن تەڭ ءتۇستى. الماتىنىڭ «قاي­راتى» «اقتوبە» كلۋبىن 3:0 ەسە­بىمەن ۇتىپ, بيىلعى چەم­پيو­ناتتاعى ەكىنشى جەڭىسىنە جەتتى. باسقا كوماندالاردىڭ ويىندارى بىلايشا اياقتالدى: «وقجەتپەس» (كوكشەتاۋ) – «ور­دباسى» (شىم­كەنت) 2:0, «توبىل» (قوس­تاناي) – «جەتىسۋ» (تال­دىقورعان) 2:2, «تاراز» (تاراز) – «اتىراۋ» (اتى­راۋ) 0:0, «اق­جايىق» (ورال) – «شاحتەر» (قاراعاندى) 0:1. دزيۋدو. 13-15 مامىر كۇندەرى الماتىدا «Grand Prix» جارىسى وتەدى. وعان 97 مەملەكەتتەن 579 سپورتشى قاتىسادى. بۇل – ەلىمىزدە ۇيىمداستىرىلعان «Grand Prix» جارىستارىنا قا­تىسۋشى مەملەكەتتەر سانى بويىنشا رەكوردتىق كورسەتكىش. بوكس. سەربيانىڭ بەلگراد قالاسىندا وتكەن حالىقارالىق تۋرنيرگە قازاقستان قۇراماسىنىڭ بەس بوكسشىسى قاتىسىپ, بەسەۋى دە جەڭىمپاز اتاندى. 48 كيلودا ءبىرجان جاقىپوۆ فينال­دا شوتلانديالىق اكيل احمەد­تى, 60 كيلودا سۇلتان زاۋىر­بەك برازيليالىق روبسون كون­سەيساونى جەڭسە, 69 كيلو سالماقتا دانيار ەلەۋسىنوۆ گەرمانيالىق ابباس باراۋدى تىزە بۇكتىردى. 81 كيلو سالماق دارەجەسىندە نۇربول التاەۆ برازيليالىق ميچەل بور­گەستى, 91 كيلودا ۆاسيلي لەۆيت يتاليالىق كلەمەنتە رۋسسونى جەڭدى. قازاقستان كوماندالىق ەسەپتە ءبىرىنشى ورىن الدى. جەڭىل اتلەتيكا. بەيجىڭ قالاسىندا قىتايدىڭ جەڭىل اتلەتيكادان اشىق چەمپيوناتى اياقتالدى. وعان 21 ەلدەن مۇمكىندىگى شەكتەۋلى 200 سپورتشى قاتىستى. چەمپيوناتتا قازاقستان اتىنان ماقجان نۇرلىباەۆ, سەرگەي حارلاموۆ, يسلام ءسالىموۆ, امانات قالقاەۆ, الەكسەي لۋكۋتين, پاۆەل سيدورچۋك كۇش سى­ناستى. سولاردىڭ اراسىنان يسلام ءسالىموۆ 400 مەتر­گە ءجۇ­گىرۋدە چەمپيون اتاندى. ال اما­نات قالقاەۆ ۇزىندىققا سە­كىرۋدە كۇمىس جۇلدە جەڭىپ الدى. «ەگەمەن-اقپارات»