«ەگەمەن قازاقستاننىڭ» ءVىى قىسقى ازيا ويىندارىنا ارنالعان بەتى
ازياداعا 9 كۇن قالدى
جارىستار: قاي كءۇنى؟ قايدا؟ قاي ۋاقىتتا؟ استانادا وتەتىن VII قىسقى ازيا ويىندارىنىڭ كەستەسى كونكيمەن جۇگىرۋ 31 قاڭتار – 6 اقپان. «الاۋ» سپورت سارايى (كونكيمەن جۇگىرۋ ستاديونى) 31.01. 15.00 3000 مەترگە جارىس (ايەلدەر) 5000 مەترگە جارىس (ەرلەر) 01.02. 15.00 1-راۋند. 500 مەترگە جارىس (ايەلدەر) 500 مەترگە جارىس (ەرلەر) 17.00 2-راۋند 500 مەترگە جارىس (ايەلدەر) 500 مەترگە جارىس (ەرلەر) ماراپاتتاۋ ءراسىمى. 02.02. 15.00 ماسس-ستارت 25 اينالىم (ايەلدەر) ماسس-ستارت 35 اينالىم (ەرلەر) ماراپاتتاۋ ءراسىمى. 04.02. 15.00 1500 مەترگە جارىس (ايەلدەر) 1500 مەترگە جارىس (ەرلەر) ماراپاتتاۋ ءراسىمى. 05.02. 15.00 5000 مەترگە جارىس (ايەلدەر) 10 000 مەترگە جارىس (ەرلەر) ماراپاتتاۋ ءراسىمى. 06. 02. 12.00 كوماندالىق جارىس (ايەلدەر) كوماندالىق جارىس (ەرلەر) ماراپاتتاۋ ءراسىمى. شايبالى حوككەي 28 قاڭتار – 6 اقپان. «قازاقستان» سپورت سارايى, «بارىس» سپورت كەشەنى قاتىساتىن قۇراما كوماندالار: توپ ديۆيزيون: قازاقستان, جاپونيا, كورەيا, قىتاي, تايپەي 31.01. 14.30 تايپەي – كورەيا 19.00 قىتاي – جاپونيا 01.02. 14. 30 جاپونيا – تايپەي 19. 00 قازاقستان – قىتاي 03. 02. 14. 30 جاپونيا – كورەيا 19. 00 قازاقستان – تايپەي 04. 02. 14. 30 قىتاي – تايپەي 19. 00 كورەيا – قازاقستان 06. 02. 11. 30 كورەيا – قىتاي 16. 00 قازاقستان – جاپونيا 18. 15 ماراپاتتاۋ ءراسىمى پرەمەر ديۆيزيون: ا توبى: ءباا, ءۇندىستان, كاتار ۆ توبى: تايلاند, كۋۆەيت, قىرعىزستان س توبى: مالايزيا, موڭعوليا, باحرەين 28.01. 13. 30 كۋۆەيت – قىرعىزستان 17. 00 باحرەين – مالايزيا 20. 30 ءباا – ءۇندىستان 29.01. 13. 30 موڭعوليا – باحرەين 17. 00 كاتار – ءباا 20. 30 تايلاند – كۋۆەيت 31.01. 13. 30 ءۇندىستان – كاتار 17. 00 قىرعىزستان – تايلاند 20. 30 مالايزيا – موڭعوليا 01.02. 13. 30 – 16. 00 ۆ3 – س3 17. 00 – 19. 30 ۆ2 – س2 20. 30 – 23. 00 ۆ1 – س1 02.02. 13. 30 – 16. 00 س3 – ا3 17. 00 – 19. 30 س2 – ا2 20. 30 – 23. 00 س1 – ا1 03.02. 13. 00 – 16. 00 ا3 – ۆ3 17. 00 – 19. 30 ا2 – ۆ2 20. 30 – 23. 00 ا1 – ۆ1 05.02. 14. 00 – 16. 30 فينال (3-4 ورىن ءۇشىن) 18. 00 – 20. 15 فينال (1-2 ورىن ءۇشىن) 20.15 ماراپاتتاۋ ءراسىمى. شورت – ترەك 31 قاڭتار – 2 اقپان. رەسپۋبليكالىق ۆەلوترەك 31.01. 14.00 1500 مەترگە جارىس (ايەلدەر) 1500 مەترگە جارىس (ەرلەر) ماراپاتتاۋ ءراسىمى. 01.02. 14.00 500 مەترگە جارىس (ايەلدەر) شيرەك فينال, جارتىلاي فينال, فينال ا, فينال ب 500 مەترگە جارىس (ەرلەر) شيرەك فينال, جارتىلاي فينال, فينال ا, فينال ب ماراپاتتاۋ ءراسىمى. 02.02. 14.00 1000 مەترگە جارىس (ايەلدەر) 1000 مەترگە جارىس (ەرلەر) ەستافەتا 3000 مەتر (ايەلدەر) ەستافەتا 5000 مەتر (ەرلەر) ماراپاتتاۋ ءراسىمى. مانەرلەپ سىرعاناۋ 3 اقپان – 6 اقپان. رەسپۋبليكالىق ۆەلوترەك 03. 02. 16. 00 قىسقا بي 17. 00 قىسقا بي باعدارلاماسى (جۇپتار) 18. 00 قىسقا بي (ەرلەر) 04. 02. 15. 00 قىسقا باعدارلاما (ايەلدەر) 18. 00 ەركىن باعدارلاما (جۇپتار) ماراپاتتاۋ ءراسىمى. 05. 02. 15. 00 ەركىن باعدارلاما (ايەلدەر) 20. 00 ەركىن بي 21. 00 ەركىن باعدارلاما (جۇپتار) ماراپاتتاۋ ءراسىمى. 06.02. 15.00 كورسەتىلىمدىك بيلەر.* * *
قىزىلجار تورىندەگى التىن الاۋ
قاڭتاردىڭ ساقىلداعان سارى ايازىنا قاراماستان قىزىلجارلىقتار مەرەكەدەگىدەي كيىنىپ, 20 قاڭتار كۇنى قاس قارايا پەتروپاۆل اۋەجايىنا جينالدى. ولار قىسقى ازيا ويىندارىنىڭ الاۋىن جەتكىزگەن دەلەگاتسيانى اسەم انمەن اۋەلەتە قارسى الدى. «قاسيەتتى قىزىلجار جەرىنە, ماعجان ەلىنە حوش كەلدىڭىزدەر!» دەگەن جارقىن ۇندەر ءجيى ەستىلىپ, سۋىق سورعان جۇزدەر قۋانىشتان بال-بۇل جاينادى. قوستانايدان جەتكەن مارتەبەلى قوناقتارعا گۇل شوقتارىن ۇسىنىپ جاتتى.
21 قاڭتار كۇنى ءتىپتى سۋىتتى. جايشىلىقتا سارشۇناق ايازدى شىبىن شاققان قۇرلى ەلەمەيتىن سولتۇستىك ءوڭىردىڭ تۇرعىندارى شەرۋدى كورگەنشە اسىقتى. ەسىمدەرى مەن اتاق-داڭقتارى رەسپۋبليكاعا جاقسى ءمالىم 60 الاۋگەردىڭ سايدىڭ تاسىنداي ىرىكتەلىپ الىنعانى بىردەن بايقالادى. ك ۇلىمدەگەن ءجۇزدەرىنە قاراعاندا دايىندىقتارىنىڭ جاقسى ەكەنى سەزىلەدى. ارالارىنان ءوزىمىز جاقسى تانيتىن تۇلعالاردى دا كوزىمىز شالىپ قالدى. ولاردىڭ بىرنەشەۋىن اڭگىمەگە تارتتىق.
ەۆگەني تەتيۋحين, سقمۋ-دىڭ پروفەسسورى: – مۇگەدەك بولعانىما قاراماستان الاۋدى الىپ ءجۇرۋ ماعان سەنىپ تاپسىرىلدى. قانشا ايتقانمەن 2000 جىلى سيدنەيدە وتكەن پاراوليمپيالىق ويىندارعا قاتىسقان, حالىقارالىق جارىستاردىڭ جەڭىمپازى بولعان تاجىريبەلەرىم ەسكەرىلگەن بولار. بۇگىن مۇگەدەكتەردىڭ قول ارباسىمەن «جۇگىرەتىن» بولامىن.
جامبىل تاسەمەنوۆ, وبلىستىڭ قۇرمەتتى ازاماتى: – تاۋەلسىزدىكتىڭ ارقاسىندا ەلىمىزدىڭ دۇنيە جۇزىنە تانىلعانىنا قالاي عانا قۋانباسسىڭ! اتا-بابالارىمىز ارمانداپ, بىراق جەتە الماي كەتكەن كەزەڭدە ءومىر ءسۇرىپ جاتقان ءبىز — ناعىز باقىتتى ۇرپاقپىز.
مىنە, كوپتەن كۇتكەن سالتاناتتى شارا دا باستالىپ كەتتى. وبلىس اكىمى سەرىك ءبىلالوۆ كەڭ-بايتاق ەلىمىزدە العاش رەت وتكەلى وتىرعان وسىناۋ تاريحي ماڭىزى وتە زور سپورتتىق شارا – ەل تاۋەلسىزدىگىنىڭ 20 جىلدىق مەرەيتويىنا تولايىم تارتۋ ەكەنىن ءسوز ەتە كەلىپ, دودالى باسەكەدە قازاقستاندىق سپورتشىلارعا جەڭىس تىلەدى.
ازيادا الاۋىنىڭ پەتروپاۆل قالاسىنداعى ءبىرىنشى كەزەڭى بيىل تۋعانىنا 300 جىل تولاتىن ايبىندى حانىمىز – ابىلاي مۇراجايى جانىنان باستاۋ الدى. الاۋ ەستافەتاسى ديرەكتسياسى باسشىسىنىڭ ورىنباسارى سارسەن قۇرانبەك الاۋ قۇتىنى ايماق باسشىسىنا امانات ەتتى. سەرىك سۇلتانعازى ۇلى الاۋدى جوعارى كوتەرىپ ۇستاعان بويى سۇتىشەۆ كوشەسىنىڭ قوس قاپتالىندا ءيىن تىرەسكەن جۇرتشىلىق اراسىمەن الىپ ءوتتى. ءسويتىپ, سالتاناتتى تۇردە جەڭىل اتلەتيكادان حالىقارالىق دارەجەدەگى سپورت شەبەرى, ازيانىڭ ەكى دۇركىن چەمپيونى, سيدنەيدەگى, پەكيندەگى جازعى وليمپيادالارعا قاتىسۋشى ەلەنا پارفەنوۆاعا ۇستاتتى. جەلمەن جارىسقان جەلاياق ونى كەلەسى الاۋگەرگە تابىس ەتتى. ارداگەرلەر اراسىندا گىر كوتەرۋدەن 11 مارتە الەم جەڭىمپازى ۆيكتور سايكو مير كوشەسىن بەتكە الدى. ودان 86 جاستاعى سوعىس, ەڭبەك ارداگەرى ستەپان باشكيروۆ الاۋدى قابىلداپ الىپ, ەڭسەسىن تىك ۇستاعان كۇيى العا تارتتى.
تۇستەن كەيىنگى شەرۋدى تاماشالاۋشىلار دا كوپ بولدى. ەكىنشى كەزەڭنىڭ العاشقى الاۋىن وبلىستىق ءماسليحاتتىڭ حاتشىسى, سپورت جاناشىرى قايىرلى ەدىرەسوۆ الىپ ءجۇرىپ, گىر كوتەرۋدەن ەڭبەك سىڭىرگەن سپورت شەبەرى, الەمنىڭ بىرنەشە جەڭىمپازى ۆيتالي ديدەنكوعا تابىستادى. ودان ءارى كوكپارشى رامازان ماحاتوۆ, دارىگەر تولەگەن يمانوۆ, شارۋا قوجالىعىنىڭ جەتەكشىسى قايىربەك حامزين, تاعى باسقالارى جالعاستىردى. ال, ن.پوگودين اتىنداعى ورىس دراما تەاترى الدىندا ورناتىلعان قازاندىقتاعى الاۋدى تۇتاتۋ باقىتى مارگاريتا ماتسكوعا بۇيىردى. ولاي بولاتىن ءجونى بار. حالىقارالىق دارەجەدەگى سپورت شەبەرى ءۇشىن 2010 جىل ۇمىتىلماستاي ەستە قالدى. جەرلەسىمىز XVI جازعى ازيا ويىندارىندا 800 مەتر قاشىقتىققا ءجۇگىرۋدە الدىنا جان سالمادى. ەستافەتادان كۇمىس مەدال يەلەندى. جەڭىل اتلەتشىنىڭ باسقاداي جەتىستىكتەرى دە اۋىز تولتىرىپ ايتارلىقتاي.
قىزىلجار وڭىرىندە ۇلكەن ۇيىمشىلدىقپەن وتكەن شەرۋ مەرەكەلىك گالا-كونتسەرتكە ۇلاستى.
ءومىر ەسقالي.
سولتۇستىك قازاقستان وبلىسى.
* * *
ۆولونتەرلەر
ازياداعا ارنالعان اكتسيا
كەشە ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ءVىى قىسقى ازيا ويىندارىنا ارنالعان «قازاقستان العا!» اتتى اكتسيا ءوتتى. وعان استانا قالاسى جوعارى وقۋ ورىندارىنىڭ رەكتورلارى, مەملەكەتتىك جانە ۇكىمەتتىك ەمەس ۇيىمدارى وكىلدەرى, سونداي-اق, ۋنيۆەرسيتەت ستۋدەنتتەرى مەن ۆولونتەر-ەرىكتىلەر قاتىستى.
قازاقستان ازيا ويىندارىنىڭ تاريحىندا وليمپيادا الاۋىنىڭ ەستافەتاسىن ۇيىمداستىرۋدى العاش رەت قولعا العان ەل. تاۋەلسىزدىگىنە 20 جىل تولۋ ۇستىندە تۇرعان رەسپۋبليكامىز ءۇشىن بۇل لايىقتى باستاما بولۋمەن قاتار, ۇلكەن مارتەبە ەكەندىگى داۋسىز. ازيادا الاۋى جيىرما كۇن بويىنا بارلىق وبلىستاردى ارالاپ شىعاتىنى, الاۋدىڭ ەلورداعا 30 قاڭتار كۇنى كەلىپ جەتەتىنى بارشاعا ءمالىم. وسىعان دەيىن قالا جاستارى دا ۋاقىتتى ءتيىمدى پايدالانۋعا تىرىسۋدا. سونىڭ ءبىرى رەتىندە ەۇۋ-دە وتكەن ۆولونتەر-ەرىكتىلەرگە ارنالعان اكتسيانى ايتۋعا بولادى.
اكتسيا اياسىندا «ءVىى قىسقى ازيا ويىندارى» اتقارۋشى ديرەكتسياسىنىڭ وكىلى بولاتبەك جۇمابەك ۇلى: «بۇگىن ازيادا الاۋىنىڭ استانادا جانۋىنا 9 كۇن قالدى. سونداعى سالتاناتتى وقيعانى ەرتەڭگى تاريحتىڭ ءبىر بەتى رەتىندە قاراۋعا بولادى. ال سىزدەر سول پاراققا جازىلۋ ۇستىندەسىزدەر. «مەن جاستارعا سەنەمىن» دەپ ماعجان اقىن ايتپاقشى, سىزدەرگە ۇلكەن سەنىم ارتامىز!», - دەپ ەرىكتىلەردى جىگەرلەندىرە ءتۇستى.
«ازيادا – قازاقستان. بىرلىگىمىز جاراسقان!», «قازاقستان العا!» دەگەن ۇراندارمەن ەلىم, جەرىم دەگەن, قىران قۇسى كوگىندە بيىك سامعاعان ەرىكتىلەر قاتارى بۇگىنگى كۇنى قىزۋ دايىندىق ۇستىندە. ولار ەلورداعا كەلگەن شەتەلدىك تۋريستەرگە قىزمەت كورسەتپەك. ەلىمىزدى قوناقتارعا تانىستىرماق. «وتان» ءسوزىن ارداق تۇتىپ, وتانىم دەپ زامانا كوشىنە ەرگەن ەلباسىنىڭ سىندارلى ساياساتىنا سەنىم بىلدىرگەن استانالىق جاستار ءVىى قىسقى ازيا ويىندارىندا ءسويتىپ رەسپۋبليكامىزدى جان-جاقتى ناسيحاتتاماق.
اكتسيا شەڭبەرىندە ەۋرازيا ۇلتتىق ۋنيۆەرسيتەتى ستۋدەنتتىك فيلارمونياسىنىڭ «سامۇرىق» بي ءانسامبلى مەن ءانشىلەرى ءوز ونەرلەرىن ورتاعا سالسا, «ۇلار» توبى قادامى قۇتتى, بولاشاعى مىقتى, تاتۋلىعى تۇراقتى دا قۋاتتى مەملەكەتتى كوز الدىنا ەلەستەتىپ «قازاقستان» ءانىن شىرقادى.
جۇلدىز ءبايدىلدا.
