تاكسي «الىپ كەتكەن» ءسابي

ءسويتىپ, پوليتسيا اعا سەرجانتتارى قايرات تۇكەنوۆ جانە ەرسىن قايىرگەلدينوۆتىڭ قىراعىلىق پەن قىزمەتتىك مىندەتتەرىن ادال اتقارۋلارىنىڭ ناتيجەسىندە «ۇيقىشىل» ءسابي دە تابىلدى-اۋ... وبلىستىق ىشكى ىستەر باسقارماسىنىڭ حابارىنا قاراعاندا, شىنىندا دا بۇل – پوليتسەيلەر ءۇشىن تاڭعالارلىق وقيعا بولىپتى. وتكەن اپتانىڭ ءبىر كۇنى كەشكى 18.40 شاماسىندا پوليتسيانىڭ «102» حابارلاۋ تىرەگىنە ءبىر جاستاعى ءسابيىنىڭ قارا ءتۇستى شەتەل كولىگىندە كەتىپ قالعانى تۋرالى ايەل ادامنان جەدەل حابارلاما تۇسەدى. قۇربىسىنا قوناققا كەلگەن جاس انا ەندى ۇيىنە قايتپاق بولىپ, كوشە بويىنان تاكسي توقتاتادى. الدىن-الا جول اقىسىن تولەپ قويادى. ءۇيىنىڭ جانىنا جەتكەندە ءبىرىنشى ءوزى ءتۇسىپ, تاكسيدى اينالىپ, ەكىنشى ەسىكتى اشىپ, بالاسىن الماق بولعانشا, اسىعىپ تۇرعان تاكسي زۋ ەتىپ ءجۇرىپ كەتەدى. قاپەلىمدە بۇلاي بولادى دەپ ويلاماعان ايەل ءتىپتى, ەشتەڭە دە اڭعارماي قالادى. دەرەۋ پوليتسياعا حابارلاپ تاكسيدىڭ شەتەلدىك جانە قارا ءتۇستى ەكەنىن ايتادى. ءسابيدى «الىپ كەتكەن» تاكسيدى ىزدەۋگە بارلىق ىزدەستىرۋ شارالارى جەدەل قابىلداندى. قالاداعى بۇكىل تاكسوپاركتەر اياعى­نان تىك تۇردى دەسە بولادى. پوليتسيانىڭ بارلىق كۇشتەرى بالانى ىزدەۋگە كىرىستى. سويتسە, ماشينەنىڭ ارتقى ورىندىعىندا ءسابيدىڭ قالعانىنان بەيحابار تاكسيست جولاۋشى تاسىمالىن ءارى قاراي جالعاس­تىرادى. وسىلايشا ول سابيمەن شامامەن ءبىر ساعاتتاي ۋاقىت قالا كوشەلەرىن شارلايدى. ال, كىشكەنتاي «باتىر» بولسا پىس-پىس ەتىپ جۇم­ساق سالوندا ۇيقىنى سوعىپ جاتا بەرگەن كو­رىنەدى. ءبىر قىزىعى, ءسابيدىڭ اناسىنان كەيىن تاكسيگە وتىرعاندار «بالانى وياتىپ المايىق» دەگەندەي الدىڭعى ورىنعا كەلىپ جاي­عا­سىپتى. سودان: «ۇي­ىقتاپ جاتقان مىنا بالا كىم؟» – دەپ پوليتسيا قىز­مەتكەرلەرى كەلگەن كەزدە, اڭعال تاكسيست: «قايداعى بالا؟» – دەپ اڭ-تاڭ بولىپتى. ءتار­تىپ ساقشى­لا­رىنىڭ ارقاسىندا قايعىلى وقي­عا­نىڭ جولى كەسىلدى... ءيا, اڭعال تاكسيست قاقاعان سارى ايازدا تاكسيىن تۇنگى گاراجعا قالدىرسا, نە بولار ەدى؟.. فاريدا بىقاي. پاۆلودار.