سۋ ۇستىندەگى اۋىل

قوستاناي اۋدانىنداعى سۋريكوۆ اۋىلى تۇگەلگە جۋىق سۋدىڭ استىندا قالدى. ال قار سۋى اۋىلدىڭ ىشىنە اپتانىڭ باسىندا كىرە باستاعان. كوكتەم كەش شىعىپ, بيىل تۇسكەن قالىڭ قاردىڭ كوبەسى سوگىلە قويماعان سوڭ, اۋىل ادامدارى سۋدا قالامىز دەپ ويلاماعان. سوڭعى كۇندەرى كۇن كۇرت جىلىنعاندا اۋىلعا اققان قارعىن سۋدىڭ قارقىنىنا قارسى تۇرۋ مۇمكىن بولمادى. – تاڭەرتەڭ سيىر ساۋعا تۇرسام, بۇزاۋ مەن سيىرىم سۋدا تۇر. سيىردى قۇرعاقتاۋ جەرگە جەتەلەپ جۇرگەنىمدە سۋ دا قورانى تۇگەل جايلادى, ودان ۇيگە كىردى, – دەيدى اۋىل تۇرعىنى وكسانا شيپيلوۆا. سۋريكوۆ اۋىلىنىڭ تۇرعىندارى اۋىل­­دىق وكرۋگ, اۋدان باسشىلارىنا دابىل قاقتى. ولار جانە توتەنشە جاعدايلار دەپارتامەنتىنەن قىز­­مەت­­كەر­لەر جەتكەنشە سۋ توقتاۋسىز كوتەرىلە بەردى. جىلدام ەرىگەن قار سۋى بوي بەرمەي, از عانا ۋاقىتتىڭ ىشىندە ۇيلەردىڭ تەرەزەسىنەن كىردى, كەي­بىر ۇيلەر مەن مال قوراسىنىڭ شاتىرى عانا كورىنەدى. سولتۇستىك ايماقتىق اەروموبيلدىك جەدەل-قۇتقارۋ جانە باتىس قازاقستان وبلىسىنان كومەككە كەلگەن جا­ساق­تار اۋىلداعى بارلىق مالدى قۇرعاققا شىعارىپ ۇلگەردى. اۋىل ادامدارى بۇكىل دۇنيە-مۇلكى سۋدا قالسا دا, مالىنىڭ امان قال­عانىنا شۇكىرشىلىك ەتىپ وتىر. ويتكەنى, اۋىل تۇگەلدەي تەك ءوز قورا­سىنداعى مالدىڭ ونىمىمەن كۇن كورەدى. ساۋعان ءسۇتىن قوستاناي قالاسىنداعى «نوۆىي دەن» ءسۇت زاۋى­تىنا وتكىزەدى. اۋىل سۋدا قال­عالى زاۋىتتىڭ ءسۇت تاسيتىن ماشيناسى دا كەلە الماي وتىر. اۋىلدىڭ قىستان قالعان جەم-ءشوبى سۋدا قالدى. اۋىلداعى كونەكوزدەردىڭ ايتۋىنشا, سۋريكوۆ اۋىلىنا بۇل 70 جىلدان اسا ۋاقىتتان كەيىن كەلىپ وتىرعان سۋ كورىنەدى. جۇت جالعىز بولمايدى دەگەندەي, سوعىس باستالعان 1941 جىلى بۇل ەلدى مەكەندى سۋ باسقان ەكەن. – اۋىل تۇرعىندارىنىڭ شى­عى­نى ەلدى مەكەن تولىق سۋدان تا­زارتىلعان سوڭ ەسەپتەلەتىن بولا­دى, ونى وتەۋ ءۇشىن اۋدانداعى رە­زەرۆتىك قوردان 21 ميلليون تەڭگە قارجى تابىلادى. جەتپەگەنىنە وبلىس بيۋدجەتىنەن بولىنەدى, – دەدى قوستاناي اۋدانىنىڭ اكىمى ءتاۋبا يساباەۆ. – قازىر سۋدىڭ بەتى قايتتى. اۋىل ىشىندەگى سۋدى سورعىمەن سورىپ, شىنساي سايى ارقىلى توبىل وزەنىنە قۇيۋ جۇمىسى جالعاسۋدا. ءنازيرا جارىمبەتوۆا, «ەگەمەن قازاقستان» قوستاناي وبلىسى, قوستاناي اۋدانى, سۋريكوۆ اۋىلى