پاۆلودار. 19 ءساۋىر. وڭىردەگى يندۋستريالىق-يننوۆاتسيالىق دامۋ باسقارماسى كاسىپكەرلەر پالاتاسى جەرگىلىكتى فيليالىمەن بىرلەسىپ وتكىزگەن كەڭەستە وبلىس اۋماعىنداعى جۇيە قۇراۋشى كاسىپورىنداردىڭ تاۋارلارىن, جۇمىستار مەن قىزمەتتەردى ساتىپ الۋىنداعى جەرگىلىكتى ۇلەستى ارتتىرۋ جونىندەگى جۇمىستارى تىڭدالدى. بۇل تۋرالى egemen.kz ءتىلشىسى حابارلادى.
كەڭەسكە «قازاقستان ءاليۋمينيى» اكتسيونەرلىك قوعامى, «قازاقستان ەلەكتروليز زاۋىتى», «پاۆلودار ماشينا جاساۋ زاۋىتى», «قازحروم» تۇك» اكتسيونەرلىك قوعامى فيليالى اقسۋ فەرروقورىتپا زاۋىتى, «ەۋروازياتتىق ەنەرگەتيكالىق كورپوراتسياسى», «ەكىباستۇز گرەس-1» سەرىكتەستىگى, «ەكىباستۇز گرەس-2 ستانساسى», «بوگاتىر كومىر» سەرىكتەستىگى سياقتى وبلىستىڭ ءىرى جۇيە قۇراۋشى كاسىپورىندارى مەن 90-عا جۋىق باسقا مەكەمەلەر قاتىستى.
يندۋستريالىق- يننوۆاتسيالىق دامۋ باسقارماسىنىڭ باسشىسى الىشەر ابدىقادىروۆتىڭ ايۋتىنشا, كەڭەس قورىتىندىسىندا وبلىستاعى تاۋار وندىرۋشىلەرىمەن شامامەن 130,0 ملرد. تەڭگە كولەمىندە كەلىسىم حاتتامالارىنا قول قويىلدى. الداعى كۇندەرى وڭىردەگى KAZ Minerals Bozshakol, KSP Steel, «قازەنەرگوكابىل», «مايكۋبەن-ۆەست» سەرىكتەستىكتەرى سياقتى وبلىستاعى ءىرى كاسىپورىنداردىڭ قاتىسۋىمەن جەرگىلىكتى ۇلەستى ارتتىرۋ جونىندە كەڭەس وتكىزۋ جوسپارلانۋدا.
فاريدا بىقاي.
دەرەك, فوتو: egemen.kz.
