قايىرىمدىلىق قاناتىندا

تاياۋدا استانا قالاسىنداعى «انا مەن بالا» ۇلتتىق عىلىمي ورتا­لىعىندا «قازاقستان حالقى اسسامبلەياسى قورى» قوعامدىق قورى قازاقستان رەسپۋبليكاسى تاۋەل­سىز­دىگىنىڭ 25 جىلدىعى اياسىندا, لەيكوز, ونكولوگيا جانە وزگە دە اۋىر سىرقات تۇرلەرىنە شالدىققان بالالاردى قولداۋ ماقساتىندا «مەيىرىمدىلىك ارقىلى بىرلىككە» اتتى قايىرىمدىلىق اكتسياسىن وتكىزدى. قازاقستانداعى بالالار قۇ­قى­عى بويىنشا ۋاكىل, پار­لا­مەنت ءماجىلىسىنىڭ دەپۋتاتى زاعيپا باليەۆا بالا­سىن جەتەكتەگەن ءاربىر انانىڭ قاباعىنا قاراپ ءحالىن, جۇزىنە قاراپ جانىن تۇسىنە بىلگەنى, وزگەلەر سەكىل­دى شەن-شەكپەنىنە قاراماي, ون­داعى ەمدەلۋشىلەرمەن ەمەن-جار­قىن سويلەسىپ, جاعداي سۇرا­عا­نى قايران قالدىرعانداي. ءتىپتى, كەيبىرىنە قۋىرشاق سىيلاپ, پەرىشتە كوڭىلدى سابيلەردى قۋانتىپ-اق تاستادى. ودان كەيىن ءسوز العان پار­لامەنت ءماجىلىسىنىڭ دەپۋتا­تى يۋري تيموششەنكو, سون­داي-اق, «انا مەن بالا» ۇلت­تىق عى­لى­مي ورتالىعىنىڭ» ءدارى­گەر­­لەر قاۋىمى سىرقات بالا­سىن ارقالاعان انالاردى شى­دام­دىلىققا شاقىرىپ, ەمدەلۋ­شىلەرگە شيپا تىلەدى. اكتسيا بارىسىندا ورتالىققا قاجەتتى ءدارى-دارمەك  تابىستالىپ, بالالارعا سىي-سياپات تارتۋ ەتىلدى جانە  استانا قالاسىنىڭ ەتنومادەني بىرلەستىكتەرى شىعار­ما­شىلىق ۇجىمدارى مەن تالانت­تى جاس­تارىنىڭ كونتسەرتى ءوتتى. اتالعان شاراعا «قازاقستان ۋكرايندارىنىڭ راداسى» زاڭ­دى تۇلعالار رەسپۋبليكالىق بىرلە­ستىگى,  قحا مۇشەلەرى, «اسىل بالا» رەسپۋبليكالىق قاۋىم­داستىعى, «Altyn Kyran» حالىقارالىق قايىرىمدىلىق قورى» كورپوراتيۆتىك قورى, «كمF» شاعىن قارجى ۇيىمى, «جاننا اۋباكىروۆانىڭ ارت-ستۋ­دياسى» شىعارماشىلىق ۇجى­مى مەن استانا قالاسى ەتنو­مادەني بىرلەستىكتەرىنىڭ وكىلدەرى قاتىستى. بەس جىل ىشىندە قازاقستان حالقى اسسامبلەياسىنىڭ قورى «انا مەن بالا عىلىمي ورتا­لىعى» اق-قا قولداۋ تانىتۋدا. قور ارقىلى 500-دەن استام بالاعا جاردەم جاسالىپ, شەتەلدىك جوعارى بىلىكتى مامانداردىڭ دياگنوستيكا جاساۋى قامتاماسىز ەتىلدى. جالپى العاندا, سەرىكتەستەرمەن جانە دەمەۋشىلەرمەن بىرلەسە وتىرىپ, 59 ملن. تەڭگەدەن استام سوماعا كومەك كورسەتىلدى. راۋشان تاۋىرحانقىزى, «ەگەمەن قازاقستان»