جارىستار جاڭعىرىعى

تاەكۆوندو. ءفيليپپيننىڭ مانيلا قالاسىندا ءوتىپ جاتقان حالىقارالىق تۋرنيردە اينۇر ەسبەرگەنوۆا فينالعا شىعىپ, بىردەن وليمپيا ويىندارىنا جولداما الدى. ەندى ول فينالدا تايپەي تاەكۆوندوشىسىمەن كۇش سىناسادى. اينۇر  ەسبەرگەنوۆا قىزىلوردا وبلىسىندا №1 وليمپيادالىق رەزەرۆ مەكتەبىندە وقيدى. جاتتىقتىرۋشىسى – نيكولاي كۋرنوسكين. ول – سىر بويىنان وليمپياداعا جولداما العان بەسىنشى سپورتشى. ۇستەل تەننيسى. قازاق­ستاننان وليمپياداعا ليتسەنزيا العان سپورتشىلاردىڭ ءتىزى­مىن تاعى ءبىر وتانداسىمىز تو­لىقتىردى. سپورت شەبەرى كيريلل گەراسيمەنكو قىتايدىڭ سيانگان قالاسىندا وتكەن تۋرنيردە وليم­پيا ويىندارىنا جولدامانى جە­ڭىپ الدى. دزيۋدو. تاشكەنت قالاسىندا ازيا چەمپيوناتى اياقتالدى. بۇل سىندا قازاقستاننىڭ ەرلەر جانە ايەلدەر قۇراما كومانداسى 3 التىن, 2 كۇمىس جانە  4 قولا مەدالدى جەڭىپ الدى. ەرلەر اراسىندا 60 كيلوعا دەيىنگى سالماق دارەجەسىندە ەلدوس سمەتوۆ, ايەلدەر اراسىندا وتگونتسەگتسەگ گالبادراح (48) پەن ماريان ورداباەۆا (63 كگ) ازيا چەمپيونى اتاندى. ديدار حامزا (73 كگ) مەن گۇلجان يسانوۆا (78كگ)  كۇمىس مەدالدى يەلەنسە, ەلدوس جۇماحانوۆ (66 كگ), ماكسيم راكوۆ (100 كگ), ءازيز قالقامان ۇلى (81 كگ), ەرجان شىنكەەۆ (100 كگ) قولا جۇلدەگە يە بولدى. فۋتبول. قازاقستان پرەمەر-ليگاسىنىڭ 6 تۋرىنىڭ ويىندارى وينالدى. تۋردا شىمكەنتتە «ورداباسى» الماتىنىڭ «قاي­رات» كلۋبىن 2:0 ەسەبىمەن ۇتسا, تال­دىقورعاندا «جەتىسۋ» «تارازدان» 2:1 ەسەبىمەن باسىم ءتۇستى. «استانا» ءوز الاڭىندا قوس­تانايدىڭ «توبىل» كومان­داسىن 1:0 ەسەبىمەن جەڭسە, «اتىراۋ» ورالدىڭ «اقجايىق» كلۋ­بىنان 2:0 ەسەبىمەن ايلاسىن اسىردى. ال «اقتوبە» مەن پاۆلوداردىڭ «ەرتىس» كوماندالارى 1:1 ەسەبىمەن تەڭ تارقاستى. قاراعاندىدا «شاحتەر» مەن «وقجەتپەس» (كوكشەتاۋ) ويىنى كۇتپەگەن ناتيجەمەن اياقتالدى. ماچتا قوناقتار الاڭ يەلەرىن 2:0 ەسەبىمەن ۇتتى.   «ەگەمەن-اقپارات»